Museo Monetario do Banco da Reserva da India
| Museo Monetario do Banco da Reserva da India | ||||
|---|---|---|---|---|
| Tipo | museo e numismatic museum (en)   | |||
| Localización | ||||
| ||||
| Localización | Bombai | |||
| Código postal | 400001 | |||
| Persoas e organizacións | ||||
| Operador/a | Reserve Bank of India (pt) | |||
| Contacto | ||||
| Páxina WEB | rbi.org.in… | |||
| Teléfono | +91-22-2261-4043 e +91-22-2261-0801 | |||
| Correo | mailto:museum@rbi.org.in | |||
| [ Wikidata ] | ||||
O Museo Monetario do Banco da Reserva da India (en inglés: Reserve Bank of India Monetary Museum; en hindi: भारतीय रिजर्व बैंक मौद्रिक संग्रहालय) é un museo situado en Fort, o distrito financeiro de Bombai, especializado na historia do diñeiro e da moeda na India.[1][2]
Historia
[editar | editar a fonte]O Museo Monetario do RBI fundouse en 2004 como parte do programa educativo do banco central e entidade emisora do país, o Banco de Reserva da India, e foi inaugurado por A. P. J. Abdul Kalam, daquela presidente da India. Trátase do único museo do país centrado na numismática e na historia económica.[3][4]
A colección
[editar | editar a fonte]Os fondos do museo abranguen mostras da evolución dos medios de pagamento na India, desde o antigo sistema do troco ata as actuais transaccións electrónicas.[5][1]
A colección preséntase dividida en seis seccións e componse de arredor de 1.500 obxectos, entre os que destacan moedas datadas no século VI a. de C. e do Val do Indo, moedas do Imperio Cuxano, exemplares do Imperio Gupta e do período do Raj Británico, así como papel moeda de diversos lugares da India, da China e do Sueste Asiático, instrumentos financeiros e outros obxectos afíns.[1][5][6]
Na súa primeira sección, denominada "Ideas, conceptos e curiosidades", amósase un orixinal conxunto de 49 moedas de formas e tamaños moi diversos utilizadas entre os séculos IV e XX en diversos lugares do mundo, como é o caso das barras dobradas indias, as moedas-coitelo da China, as moedas-pulseira de África Occidental ou as moedas-bala de Tailandia.[1][3]
Notas
[editar | editar a fonte]- ↑ 1,0 1,1 1,2 1,3 "Museum". Reserve Bank of India.
- ↑ "RBI Monetary Museum Arquivado 02 de xullo de 2020 en Wayback Machine.". Museums of India.
- ↑ 3,0 3,1 Alok, R. (2016). "Tourist spot: Wealth of history at museum of money". En The Indian Express. 7 de novembro.
- ↑ "President of India inaugurates RBI Monetary Museum". Reserve Bank of India. 18 de novembro de 2004.
- ↑ 5,0 5,1 Vernekar, S. (2018). "Paper bills, coins, and money through the ages". En The Hindu. 2 de maio.
- ↑ "Mumbay for kids: why the 14-year-old RBI Monetary Museum is worth a visit". En Mid-day.com. 3 de febreiro de 2018.