Naftali Temu

Modelo:BiografíaNaftali Temu

Editar o valor en Wikidata
Biografía
Nacemento20 de abril de 1945 Editar o valor en Wikidata
Nyamira county, Kenya (en) Traducir Editar o valor en Wikidata
Morte10 de marzo de 2003 Editar o valor en Wikidata (57 anos)
Nairobi, Kenya Editar o valor en Wikidata
Causa da mortecancro de próstata Editar o valor en Wikidata
Altura174 cm Editar o valor en Wikidata
Peso62 kg Editar o valor en Wikidata
Actividade
Ocupaciónmaratoniano, fondista, atleta Editar o valor en Wikidata
Deporteatletismo Editar o valor en Wikidata
Disciplina deportivaMaratón Editar o valor en Wikidata
Participou en
1968Xogos Olímpicos de 1968 Editar o valor en Wikidata
IAAF: 14349199 WikiTree: Temu-1 Editar o valor en Wikidata
Cadro de medallas
Atletismo masculino
Xogos Olímpicos
Ouro México 1968 10.000 m
Bronce México 1968 5.000 m

Naftali Temu, nado o 20 de abril de 1945 e finado o 10 de marzo de 2003, foi un atleta kenyano, que gañou o ouro olímpico e mailo bronce nas probas dos 10.000 e 5.000 metros nos Xogos Olímpicos de México.

Traxectoria

[editar | editar a fonte]

Nado no Distrito de Nyamira, Naftali Temu comezou a correr aos 14 anos de idade. Logo de rematar a súa etapa escolar uniuse á Armada Kenyana.[1]

Temu competiu nos Xogos Olímpicos de Toquio, finalizando no posto 49 na proba de maratón.[2]

Nos Xogos Panafricanos de 1965 obtivo a medalla de prata nos 5.000 metros, o ouro foi para Kipchoge Keino. Apareceu na escena internacional das carreiras de fondo nos Xogos da Mancomunidade (en inglés Commonwealth Games) de 1966 en Kingston, Xamaica gañando a medalla de ouro e batendo ao posuidor do récord mundial Ron Clarke nas 6 millas. Dous días despois Temu terminou cuarto nas 3 millas.

Nos Xogos Olímpicos de México, na final dos 10.000 metros, tan só o etíope Mamo Wolde puido aguantar o seu ritmo. Wolde foi superado por Temu a tan só 50 metros da meta facéndose este último co ouro olímpico.

Catro días despois, participou na final dos 5.000 metros, onde gañou a medalla de bronce, tan só batido de preto polo tunesino Mohammed Gammoudi e polo seu compatriota Kip Keino. Tamén participou na maratón, onde tivo outra grande batalla con Wolde, pero ao contrario que este último, despois de 30 km Temu estaba esgotado e só conseguiu finalizar no posto dezanove.

O resto da carreira deportiva de Temu foi pouco sobresaínte, non volveu acadar os primeiros postos en ningunha competición.

Retirouse en 1973. Morreu á idade de 57 anos dun cancro de próstata en Kenya. Naftali Temu non puido pagar os 600 dólares que requiría o seu tratamento médico.

Notas

[editar | editar a fonte]
  1. ↑ Daily Nation, 11 de marzo de 2003: O heroe Kenyano da pista falece aos 58 anos
  2. ↑ Maratón masculina, Olimpíada de Toquio 1964 - Mércores 21/10