Obra pública

Ponte da Pasaxe na ría do Burgo.

Denomínase obra pública ^[1] a cada un dos traballos de construción, xa sexan infraestruturas ou edificacións, promovidos por unha administración de goberno (en oposición á obra privada) tendo como obxectivo o beneficio da comunidade.

As obras públicas fomentáronse dende a antigüidade. Por exemplo, o emperador romano Nerón animou a construción de varios proxectos de infraestruturas durante a deflación xeneralizada.^[2]

Tipos de contrata

Existen dous tipos de contrata para a obra pública:

• Contrata directa
• Licitación pública (concurso de prezos). Nesta, distintas empresas poden presentarse ao concurso debendo realizar unha proposta de proxecto e unha proposta económica. O proxecto que mellor se adecúe ás necesidades do goberno será o ganador e a empresa que o presentou será a encargada de executar a obra.

Principais tipos de obras públicas

Ponte da exposición en Valencia.

Entre as principais obras públicas encóntranse:

• Infraestruturas de transporte, que inclúe:
  • o terrestre (autoestradas, autovías, estradas, camiños),
  • o marítimo e fluvial (portos, canais),
  • o aéreo (aeroportos),
  • o ferroviario e
  • o transporte por condutos (oleodutos).
• Infraestruturas hidráulicas (presas, redes de distribución, depuradoras).
• Infraestruturas urbanas, que inclúe rúas, parques, alumeamento público etc.
• Edificios públicos (educativos, sanitarios, oficinas ou para outros fins.

Notas

1. Obra pública no Dicionario da Real Academia Galega.
2. Thornton, Mary Elizabeth Kelly (1971). "Nero's New Deal". Transactions and Proceedings of the American Philological Association (Johns Hopkins University Press) 102: 629. 

Véxase tamén

Outros artigos

• Infraestrutura
• Ben público

Ligazóns externas

• Planete TP Arquivado 03 de xuño de 2016 en Wayback Machine. - O mundo das Obras públicas (en inglés).
• Colegio de Ingenieros Técnicos de Obras Públicas de España