Paula Ginzo
| Biografía | |||||||||||||||||||||||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Nacemento | 16 de febreiro de 1998  (26 anos)Santoña, España | ||||||||||||||||||||||||||||||||||||||||||||||||||||||||||||||||||||||||||
| Altura | 188 cm | ||||||||||||||||||||||||||||||||||||||||||||||||||||||||||||||||||||||||||
| Actividade | |||||||||||||||||||||||||||||||||||||||||||||||||||||||||||||||||||||||||||
| Ocupación | baloncestista | ||||||||||||||||||||||||||||||||||||||||||||||||||||||||||||||||||||||||||
| Nacionalidade deportiva | España | ||||||||||||||||||||||||||||||||||||||||||||||||||||||||||||||||||||||||||
| Deporte | baloncesto | ||||||||||||||||||||||||||||||||||||||||||||||||||||||||||||||||||||||||||
| Posición de xogo | Pivote | ||||||||||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||||||||||
| Participou en | |||||||||||||||||||||||||||||||||||||||||||||||||||||||||||||||||||||||||||
| xuño de 2023 | EuroBasket Women 2023 (en)  (2ª) (medalla de prata) | ||||||||||||||||||||||||||||||||||||||||||||||||||||||||||||||||||||||||||
| 2021 | FIBA Women's EuroBasket 2021 (en) (7ª) |
||||||||||||||||||||||||||||||||||||||||||||||||||||||||||||||||||||||||||
  | |||||||||||||||||||||||||||||||||||||||||||||||||||||||||||||||||||||||||||
Paula Ginzo Arantes, nada en Santoña o 16 de febreiro de 1998, é unha xogadora de baloncesto galega, que xoga na posición de pívote no Club Baloncesto Jairis, da Liga Feminina. É internacional coa selección española, coa que participou en dous Campionatos de Europa (conseguindo unha prata en 2023) e nos Xogos Olímpicos de 2024.
Traxectoria
[editar | editar a fonte]Nacida circunstancialmente en Santoña, a onde se desprazara súa nai por motivos laborais,[1] criouse en Ourense, onde comezou a practicar varios deportes como tenis, natación e fútbol.[1] Aínda que seu pai era adestrador de tenis, foi convencida polo seu entorno para que practicase baloncesto, xa que era alta e seu irmán xogaba no club dos Salesianos.[1]
Comezou a xogar na posición de ala nos propios Salesianos, ata que o equipo se desfixo e pasou ao Carmelitas Vedruna.[2][3] Con 14 anos medía xa preto de 1,90 metros e destacaba no equipo ourensán e nas categorías inferiores da selección galega, cando ingresou no centro formativo Segle XX de Esplugues de Llobregat, no que permaneceu catro anos.[4] No seu primeiro ano como xuvenil, xogaba xa de xeito habitual co primeiro equipo na LF2 e na seguinte campaña (2015/16) obtivo unha media de 9,5 puntos e 7,7 rebotes por partido.
En xuño de 2016, rematada a súa etapa como xuvenil, comprometeuse co UCAM Jairis de Alcantarilla, tamén da LF2, pero só uns días despois o club foi descendido administrativamente,[5] fichando entón Paula polo Rivas Ecópolis, onde completou un gran ano.[3][6]
Para a tempada 2017/18 fichou polo Estudiantes, co que debutou na Liga Feminina.[6] Posteriormente xogou dúas campañas no Al-Qázeres (2017-19) e outras dúas no Gernika (2020-22). En maio de 2022 anunciouse o seu regreso a Galicia como nova xogadora do Ensino Lugo. Co equipo de Antonio Pernas gañou a Copa Galicia, tras derrotar na final ao BAXI Ferrol.[7]
En 2023 recibiu unha oferta do Barça Santfeliuenc, tamén da máxima categoría. En abril de 2024, despois de lograr a permanencia co club catalán, este permitiulle deixar o equipo para que puidese disputar a parte final da tempada co Valencia Basket, ocupando o lugar da tamén galega Raquel Carrera, que sufriu unha lesión de longa duración.[8] Co equipo valenciano disputou a derradeira xornada de liga e tamén os play-offs polo título, nos que se acabou proclamando campioa.[9]
Selección española
[editar | editar a fonte]Internacional coa selección española dende as categorías inferiores, gañou un Campionato de Europa sub-16 (2013), un sub-18 (2015) e dous sub-20 (2017, 2018).
En novembro de 2018 debutou coa selección española absoluta, da man do seleccionador Lucas Mondelo, nun partido de clasificación para o Europeo contra os Países Baixos en Ámsterdam.[10][11] En 2021 disputou o seu primeiro Campionato de Europa e dous anos despois o segundo, no que conseguiu a prata tras perder a final diante de Bélxica.[12]
En 2024 foi unha das 12 xogadoras seleccionadas polo vigués Miguel Méndez para os Xogos Olímpicos de París.[13] Debutou nos Xogos cunha vitoria sobre a China na prórroga.[14] Dúas vitorias nos dous seguintes partidos colocaron á selección española como líder do Grupo A, pero o equipo caeu nos cuartos de final contra Bélxica por 66-79.[15]
Notas
[editar | editar a fonte]- ↑ 1,0 1,1 1,2 "Paula Ginzo: «En la absoluta van a otro ritmo»". La Voz de Galicia (en castelán). 28 de novembro de 2018. Consultado o 25 de xullo de 2024.
- ↑ Rodríguez, Maite (2 de xullo de 2012). "Ginzo y Valiño despuntaron en Carmelitas". La Voz de Galicia (en castelán). Consultado o 25 de xullo de 2024.
- ↑ 3,0 3,1 "Uno de los futuros nacionales. La joven Paula Ginzo, del LF2 de Rivas, en la Gigantes Junior de este mes" (en castelán). 4 de outubro de 2016. Consultado o 25 de xullo de 2024.
- ↑ "La internacional U-18 Paula Ginzo, primer refuerzo del UCAM Jairis". Federación Española de Baloncesto (en castelán). 20 de xuño de 2016. Consultado o 25 de xullo de 2024.
- ↑ "Paula Ginzo, una pívot internacional para el Hozono Jairis" (en castelán). 4 de xuño de 2024. Consultado o 25 de xullo de 2024.
- ↑ 6,0 6,1 "Paula Ginzo, primer fichaje de Movistar Estudiantes para la LF1". Federación Española de Baloncesto (en castelán). 15 de xuño de 2017. Consultado o 25 de xullo de 2024.
- ↑ "El Ensino se proclamó campeón de la Copa Galicia al vencer al Baxi Ferrol". La Voz de Galicia (en castelán). 1 de outubro de 2023. Consultado o 25 de xullo de 2024.
- ↑ "Paula Ginzo, del Barça CBS al València" (en castelán). 19 de abril de 2024. Consultado o 25 de xullo de 2024.
- ↑ "El Valencia Basket vuelve a ganar la Liga Femenina con autoridad". As (en castelán). 12 de maio de 2024. Consultado o 25 de xullo de 2024.
- ↑ González, Raquel (21 de novembro de 2018). "La debutante Paula Ginzo: "Esta Selección es una pasada"". As (en castelán). Consultado o 25 de xullo de 2024.
- ↑ "Debut de Paula Ginzo y billete para el Europeo". Faro de Vigo (en castelán). 18 de novembro de 2018. Consultado o 25 de xullo de 2024.
- ↑ "Las ourensanas Paula Ginzo y Raquel Carrera, medalla de plata en el Eurobasket al perder la final" (en castelán). 25 de xuño de 2023. Consultado o 25 de xullo de 2024.
- ↑ "Las 12 jugadoras que lucharán por el sueño olímpico en París 2024" (en castelán). 9 de xullo de 2024. Consultado o 25 de xullo de 2024.
- ↑ "España concreta remontada y supera 90-89 a China en tiempo extra del basket femenino" (en castelán). 28 de xullo de 2024. Consultado o 8 de agosto de 2024.
- ↑ "A selección feminina de baloncesto cae ante Bélxica (66-79)". Televisión de Galicia. 7 de agosto de 2024. Consultado o 8 de agosto de 2024.
