Pedro Abrunhosa
  | |
| Biografía | |
|---|---|
| Nacemento | (pt) Pedro Machado Abrunhosa 20 de decembro de 1960 (63 anos)Porto, Portugal |
| Educación | Conservatório de Música do Porto (pt)  |
| Actividade | |
| Ocupación | compositor, escritor, cantante, músico de jazz |
| Período de actividade | 1985 - |
| Membro de | |
| Xénero artístico | Música pop |
| Instrumento | Voz |
| Sitio web | abrunhosa.com… |
      | |
Pedro Machado Abrunhosa, coñecido como Pedro Abrunhosa nado en Sé, Porto, no 20 de decembro de 1960, é un cantante, compositor, actor e escritor portugués.
Traxectoria
[editar | editar a fonte]Comezou os seus estudos musicais cedo, en particular o Curso de Composición no Conservatório de Música do Porto, despois de estudar e traballar cos profesores Álvaro Salazar e Jorge Peixinho. Asistiu ao Curso de Pedagoxía Musical con Jos Wuytack. Con tan só dezasete anos xa impartiu clases na Escola de Música do Porto, para despois seguir dando clases na escola pública Hot Clube de Lisboa e na Escola de Música do Caiús. Continuou os seus estudos de contrabaixo. Fundou a Escola de Jazz e a Orquestra do Porto, que dirixiu e para a que tén composto pezas musicais.
Traballou nesa área en toda Europa con Joe Hunt, Wallace Rooney, Gerry Nyewood, Steve Brown, Todd Coolman, Billy Hart, Bill Dobbins, Dave Schnitter, Jack Walrath, Boulou Ferré, Elios Ferré, Ramon Cardo, Frankie Rose, Vicent Penasse e Tommy Halferty .
En abril de 1994 publicouse o disco Viagens, gravado en colaboración co "Bandemónio" e coa participación especial do saxofonista Maceo Parker. O disco tivo un grande éxito, e alcanzou o triplo platino.
En 1995 lanzou o maxi-single F e un libro, o que causou un impacto inesperado.
Compuxo a música Se Eu Fosse Um Dia O Teu Olhar para a banda sonora do exitoso filme Adão e Eva, con Maria de Medeiros, Joaquim de Almeida e Karra Elejalde.[1]
O 13 de novembro de 1996 estreouse Tempo, cunha nova formación dos Bandemónio e vendeu máis de 180 000 unidades, superando o cuarto platino. Para a realización dese álbum traballou en Minneapolis, Memphis e Nova York coa banda de Prince, The New Power Generation, e Tom Tucker, o seu principal enxeñeiro de son. Tamén participaron Carlos do Carmo, Opus Ensemble e Rui Veloso. Lanzou logo o álbum Tempo - Versões e Reimixes.
Escribe, compón e produce o musical Rapaz de Papel, a petición do Festival dos Cem Dias. Posteriormente gravou todos eses temas no disco Amanhecer de Diana Basto.
Foi convidado por Caetano Veloso para crear un espectáculo con el na Expo 1998. Foi convidado polo director Manoel de Oliveira para interpretar o papel do protagonista masculino no filme A carta, rodado en París, Italia, Nova York, Lisboa e Londres, na que interpretaba xunto a Chiara Mastroianni; tamén é autor dalgunha das músicas. Con esta película, galardoada co Gran Premio do Xurado no Festival de Cannes, tivo a oportunidade de interpretar a famosa "Subida dos 24 degraus".
As súas cancións son gravadas e interpretadas no Brasil por artistas como Caetano Veloso, Maria Bethânia, Lenine, Zélia Duncan, Elba Ramalho, Zeca Baleiro, Sandra de Sá, Syang, Rio Soul ou Edson Cordeiro, entre outros.
En 1999 publicou o disco Silêncio. Aínda que non tivo tanto éxito como os rexistros anteriores, vendeu máis de 40 000 unidades e alcanzou o disco de platino.
En 2002 publicou Momento, un éxito de vendas e de emisión en todas as radios nacionais, chegando de novo ao dobre platino, con vendas superiores ás 90. 000 unidades. A canción Momento (Uma Espécie de Céu) resultou ser a máis soada durante dous anos en Portugal.
En 2003 publicou o disco triplo de Palco, froito dos emblemáticos concertos en directo cos HornHeads de Prince e Bandemónio. Co disco Palco chegou ás 72 000 unidades e dobre platino. No disco inclúense duetos con Lenine e Zélia Duncan.
En 2004 pechou Rock in Rio Lisboa, concerto integrado na súa xira 2002/2004 con máis de 120 concertos.
Realizou obradoiros, debates e conferencias por todo o país, especialmente en facultades, escolas e bibliotecas; escribiu para TSF, Magazine Artes, Fórum Estudante e os seus traballos viron a luz en diversas publicacións.
En 2006 participa nunha das músicas do álbum debut A Saída da banda portuguesa Cindy Kat. Editou o libro Canções, que contén partituras da súa música máis emblemática, esgotado rapidamente.
O 3 de abril de 2007 publicou Quem me leva os meus fantasmas, o primeiro sinxelo do novo disco Luz, lanzado o 25 de xuño de 2007.
O primeiro concerto de Pedro Abrunhosa e Bandemónio tras a publicación do disco Luz ten lugar no Paradise Garage de Lisboa, a noite do 26 de xuño de 2007. Acompáñano en directo e no estudio: João André (baixo), Cláudio Souto (teclado), Edgar Caramelo (saxo), Pedro Martins (batería) e Marco Nunes (guitarra).
Neste período Pedro Abrunhosa anuncia un novo disco, xa con data de edición, que o cantante presenta en directo coa súa nova banda, o Comité Caviar.[2] O 7 de febreiro de 2010, sofreu unha caída durante o programa Ídolos do SIC mentres se preparaba para unha aparición como convidado, sen lesións de importancia, e deu interpretado os dous temas cos finalistas.[3]
O 12 de abril de 2010, lanzou o seu novo sitio web e novo álbum, Longe.
O 23 de maio de 2010, actuou a dúo, xunto á diva brasileira Ivete Sangalo, durante a Gala de entrega dos Globos de Ouro promovida polo SIC. No encontro, os dous cantan unha canción escrita polo propio Abrunhosa Fazer o que aínda Não Foi Feito.
É un dos embaixadores da Associação Fonográfica Portuguesa na loita contra a piratería intelectual.
En 2013, publicou un novo disco, Contramão: os once temas elixen a canción como unha forma de mirar o amor, o estado do país ou mesmo a intolerancia relixiosa.
En 2016 é o autor da nova canción de apoio á selección portuguesa de fútbol para a Eurocopa 2016, unha adaptación de Tudo o que eu te dou do álbum Viagens.
En 2022 manifestouse contra a guerra en Ucraína dicindo ser "a voz dos portugueses", polo que tivo críticas e apoios nas redes sociais.[4]
Discografía
[editar | editar a fonte]Álbum
[editar | editar a fonte]- 1994 - Viagens
- 1996 - Tempo
- 1999 - Silencio
- 2002 - Momento
- 2007 - Luz
- 2010 - Longe
- 2013 - Contramão
Álbums en directo
[editar | editar a fonte]- 2003 - Escenario (3CD)
- 2011 - Coliseum (2 CDs)
EPs
[editar | editar a fonte]- 1995 - F
- 1997 - Tempo - Remixes e Versões
- 1998 - Pedro Abrunhosa
DVD
[editar | editar a fonte]- 2005 - Intimidade
- 2011 - Coliseo
Bandas sonoras
[editar | editar a fonte]Escribiu e interpreta bandas sonoras das películas: Carta de Manoel de Oliveira, Amour en Latin de Serge Abramovic, Adão e Eva e Novo Mundo de Joaquim Leitão, a partir de imaxes do debuxante António.
Tamén compuxo as pezas teatrais Possessos de Amor, A Teia e O Aniversário de Infanta e 150 anos de Bonfim.
Premios
[editar | editar a fonte]- 2 Globos de Ouro
- Premio Bordallo de Imprensa
- 4 premios BLITZ
- 4 premios Radio Nova Era
- Premio de prestixio Nova Gente
- Premio á mellor puntuación, España (Novo Mundo)
- Premio ao Mellor Compositor, para RCL.
- Premio Telemóvel de Ouro, polo disco de descarga da súa música
- Prémio Arco-Íris 2007 da Associação ILGA Portugal polo tema Balada de Gisberta, do disco Luz
Notas
[editar | editar a fonte]- ↑ Leitão, Joaquim (1995-12-22). "Adão e Eva". Consultado o 2023-01-15.
- ↑ Portugal, Rádio e Televisão de. "Pedro Abrunhosa & Comité Caviar no Coliseu - Musicais - RTP". www.rtp.pt. Consultado o 2023-01-15.
- ↑ "Pedro Abrunhosa cai no 'Ídolos' (COM VÍDEO)". www.cmjornal.pt (en portugués). Consultado o 2023-01-15.
- ↑ Ferreira, Marta Leite. "Artistas lançam movimento de apoio a Pedro Abrunhosa: "A intimidação não nos calará"". Observador (en portugués). Consultado o 2023-01-15.
Véxase tamén
[editar | editar a fonte] |
Wikimedia Commons ten máis contidos multimedia na categoría: Pedro Abrunhosa  |
Ligazóns externas
[editar | editar a fonte] |
A Galipedia ten un portal sobre: Música |