René Pontoni

René Pontoni

Biografía
Nacemento	(es) René Alejandro Pontoni 18 de maio de 1920 Santa Fe, Arxentina
Morte	14 de maio de 1983 (62 anos) Santa Fe, Arxentina
Actividade
Ocupación	futbolista, adestrador de fútbol
Período de actividade	1940 - 1954
Nacionalidade deportiva	Arxentina
Deporte	fútbol
Posición de xogo	Dianteiro
Traxectoria   Equipo 1940–1944   Newell's Old Boys 110 (67) 1945–1948   CA San Lorenzo 102 (66) 1949–1952   Independiente Santa Fe 44 (27) 1951–1952 Corporación Deportes Quindío 1953–1953 Associação Portuguesa de Desportos 17 (5) 1954–1954   CA San Lorenzo 4 (0)   Selección nacional 1942–1947   Arxentina 19 (19)
Participou en
1947	Campeonato Sul-Americano de Futebol de 1947 ^(pt)
1946	Campeonato Sul-Americano de Futebol de 1946 ^(pt)
1945	Campeonato Sul-Americano de Futebol de 1945 ^(pt)

René Alejandro Pontoni, nado o 18 de maio de 1920 en Santa Fe e finado o 14 de maio de 1983 foi un xogador e adestrador de fútbol arxentino.

Traxectoria

Pontoni comezou a xogar no Gimnasia y Esgrima de Santa Fe, de aí pasou a Newell's Old Boys en 1940. Tres anos despois Newell's acada o seu primeiro título internacional, a Copa de Ouro Rioplatense, torneo amigábel disputado co sistema de Todos contra todos entre Nacional, Peñarol, Boca Juniors, San Lorenzo, Racing Club e CA Independiente.

En 1945 fichou polo San Lorenzo de Almagro, deixando o Newell's cuns números que o converten no xogador coa mellor media de goles/encontro da historia do club.

Debutou con San Lorenzo o 22 de abril de 1945, anotando tres goles. Un ano despois o equipo logra o Campionato de Primeira División arxentina, formando unha dianteira histórica, o terceto de ouro con Farro e Martino. Ese ano tamén realizaron unha xira por Europa.

A súa carreira en San Lorenzo truncouse cunha grave lesión en 1948, a fractura da rótula, menisco e ligamentos da perna dereita, despois da cal nunca volveu ser o mesmo xogador.

Unha vez recuperado da lesión fichou polo Independiente de Santa Fe de Colombia, ata 1952 cando fichou polo Portuguesa Desportos brasileira.

En 1954 regresa a San Lorenzo, onde se retirou ese mesmo ano.

Pontoni foi internacional coa Selección de fútbol da Arxentina entre os anos 1942 e 1947, neste tempo disputou tres Copas América (1945, 1946 e 1947) acadando o equipo arxentino o título de campión nas tres ocasións.

Unha vez retirado traballou coma adestrador en diferentes equipos arxentinos, coma San Lorenzo de Almagro.

Palmarés

Campionatos Nacionais

Título	Club	País	Ano
Primeira división arxentina	San Lorenzo de Almagro	Arxentina	1946

Campionatos Internacionais

Título	Sede	Equipo	Ano
Copa América	Chile	Selección de fútbol da Arxentina	1945
Copa América	Arxentina	Selección de fútbol da Arxentina	1946
Copa América	Ecuador	Selección de fútbol da Arxentina	1947

Véxase tamén

Ligazóns externas

• Tomás Rodríguez (7 de xuño de 2008). "El inigualable René "Huevo" Pontoni surgió en los potreros de Santa Fe". El Litoral (en castelán). Arquivado dende o orixinal o 05 de outubro de 2013. Consultado o 30 de xuño de 2014.