Riane Eisler

Riane Eisler

Biografía
Nacemento	22 de xullo de 1931 (93 anos) Viena (Primeira República de Austria)
Educación	Universidade de California Universidade de Valle Universidade de California, Berkeley
Actividade
Campo de traballo	Estudos de xénero, feminismo, historia cultural, movemento pacifista, futurism ^(en) , dereito, dereito de familia, socioloxía, relación interpersoal e partner relationship ^(en)
Ocupación	antropóloga, peace and conflict researcher ^(en) , xurista, profesora universitaria, escritora, escritora de non ficción, socióloga, Activista polos dereitos humanos, historiadora, científica
Membro de	Club de Roma (membro asociado) World Future Council
Obra
Obras destacables (1987) The Chalice and the Blade ^(en)
Descrito pola fonte	Biographies of important Austrian women scientists ^(en) , (p.169-170) >>>:Eisler, Riane, geb. Tennenhaus Eisler biografiA: Lexikon österreichischer Frauen ^(en) , (vol:1, p.687) >>>:Eisler Riane, geb. Tennenhaus Eisler
Sitio web	rianeeisler.com

Riane Tennenhaus Eisler, nada en Viena en 1937, é unha académica austríaca, escritora, avogada e activista social. Fuxiu do nazismo cara a Cuba coa súa familia cando aínda era nena; máis tarde emigrou aos Estados Unidos. Graduada en Socioloxía e Dereito na Universidade de California é autora de varios artigos e influentes libros. É presidenta do Center for Partnership Studies. Eisler é definida como unha historiadora da cultura e unha teórica da evolución.^[1][2]

Traxectoria

Nace en Viena e emigra aos Estados Unidos despois de fuxir dos nazis aos sete anos e pasar outros sete en Cuba. Estudou Socioloxía, Antropoloxía e Dereito na Universidade de California Os Ánxeles (UCLA), onde máis tarde impartiría cátedra en temas de Xénero e Dereito. Escribiu obra relativa á teoría da evolución humana, historia da cultura e modelos de cooperación.^[3] Considérase como pioneira nos estudos holísticos sobre a humanidade no pasado, presente e futuro.^[4] É presidenta do The Centre for Partnership Studies do World Future Council, de onde tamén é conselleira. É cofundadora do General Evolution Research Group (GERG), da Spiritual Alliance to Stop Intimate Violence (SAIV)^[5] e da World Comission on Global Consciousness and Spirituality así como doutras organizacións feministas. É tamén responsábel da área de investigación da Academia Mundial de Arte e Ciencia, da World Business Academy.

Ten máis de 300 artigos publicados, entre os que se atopan: “Behavioral Science, Futures, Political Psychology, The Christian Science Monitor, e o Xornal da UNESCO--Brain and Mind, Human Rights Quarterly, International Journal of Women's Studies, e a World Encyclopedia of Peace”.^[6]

Polo seu amplo labor na educación e a investigación, foi acredora de diversos recoñecementos e premios tales como: recoñecemento na Primeira Enciclopedia Mundial da Paz,^[4] diversos doutoramentos honoris causa, Premio Nuclear Age Peace Foundation Leadership, o Primeiro premio Alice Paul ERA de Educación e o Humanist Pioneer Award.

É asesora na aplicación dos seus modelos de cooperación en gobernos e empresas; colabora para que se lexisle a favor da infancia e as mulleres.^[4] Expuxo o seu pensamento ante a Organización das Nacións Unidas, ante as autoridades de goberno de Colombia (invitación emitida polo Alcalde de Bogotá), en República Checa (convidada polo Presidente desta Nación, Vaclav Havel), ante o Parlamento Alemán (baixo a invitación de Rita Suessmuth, presidenta no momento do Bundestag) e noutras instancias internacionais.^[5]

Polos seus modelos de evolución humana e os seus estudos de antropoloxía é considerada como a mellor herdeira da arqueóloga de orixe lituana Marija Gimbutas.^[7]

Obras

O super vendas internacional The Chalice and The Blade: Our History, Our Future (O cáliz e a espada: A nosa historia, o noso futuro) (Harper Collins, San Francisco, 1987) foi considerado polo antropólogo Ashley Montagu como «o libro máis importante desde A orixe das especies de Darwin». Foi traducido a 22 idiomas, incluíndo a maioría de linguas europeas, chinés, ruso, coreano, hebreo e xaponés.^[1]

A súa obra de 2007, The Real Wealth of Nations: Creating a Caring Economics (A verdadeira riqueza das Nacións: Creación da Economía do Coidado), propón un novo enfoque á economía que ofrece visibilidade e valor ao traballo máis esencialmente humano: o traballo de preocuparse polas persoas e polo planeta. Foi considerado polo arcebispo Desmond Tutu como «un modelo para o mundo mellor que estivemos buscando con tanta urxencia», por Peter Senge como «desesperadamente necesario", por Jane Goodall como "unha chamada á acción", e por Gloria Steinem como "revolucionario".^[8]

Outras obras de Eisler inclúen a galardoada The Power of Partnership and Tomorrow’s Children, así como Sacred Pleasure (Pracer sacro), unha revisión da sexualidade humana e da espiritualidade; e Women, Men, and the Global Quality of Life, que documenta estatisticamente o papel clave do status da muller na calidade de vida dunha nación.

En inglés

• Dissolution: NoFault Divorce, Marriage, and the Future of Women. Nova York: McGraw-Hill, 1977.
• The Equal Rights Handbook: What ERA means for your life, your rights, and your future. Nova York: Avon, 1979.
• The Chalice and The Blade: Our History, Our Future. Nova York: Harper & Row, 1989. ISBN 0-06-250289-1
• Sacred Pleasure: Sex, Myth, and the Politics of the Body. San Francisco: Harper, 1996. ISBN 0-06-250283-2
• The Partnership Way: New Tools for Living and Learning, with David Loye, Holistic Education, 1998 ISBN 0-9627232-9-0
• Tomorrow's Children: A Blueprint for Partnership Education in the 21st Century (2000)
• The Power of Partnership: Seven Relationships that will Change Your Life (2002)
• Educating for a Culture of Peace (2004)
• The Real Wealth of Nations: Creating a Caring Economics. San Francisco: Berrett-Koehler, 2007. ISBN 978-1-57675-388-0

Notas

1. "Perfil de Riane Eisler en el Institute of Noetic Sciences" (en inglés). Arquivado dende o orixinal o 04 de febreiro de 2013. Consultado o 23 de xaneiro de 2013. 
2. "Biografía en World Future Council" (en inglés). Arquivado dende o orixinal o 21 de maio de 2010. Consultado o 23 de xaneiro de 2013. 
3. "Riane Eisler Presidenta del Centro para los Estudios de Cooperación". Sitio web de la The World Future Council (en español). Arquivado dende o orixinal o 02 de abril de 2015. Consultado o 15 de marzo de 2015. 
4. Reich. "Informacion sobre tres libros de Riane Eisler El Cáliz y la Espada: Nuestra historia, nuestro futuro. Placer Sagrado. La Niñez del Mañana: Educación Solidaria para el Siglo 21.". Sitio Web del Center of Partnership Studies (en español). Arquivado dende o orixinal o 07 de abril de 2015. Consultado o 15 de marzo de 2015.  |first3= sen |last3= in Authors list (Axuda)
5. Esteban. "Biografía de Riane Eisler Autora de prestigio y Macro-historiadora Riane Eisler.". Sitio web del Center of Partnership Studies (en español). Arquivado dende o orixinal o 20 de febreiro de 2015. Consultado o 15 de marzo de 2015.  |first3= sen |last3= in Authors list (Axuda)
6. Esteban. "Biografía de Riane Eisler Autora de prestigio y Macro-historiadora Riane Eisler." (en Español (tradución)). Arquivado dende o orixinal o 20 de febreiro de 2015. Consultado o 15 de marzo de 2015.  |first3= sen |last3= in Authors list (Axuda)
7. "Riane Eisler, científica de sistemas". Mujeres con ciencia (en castelán). 2021-07-22. Consultado o 2022-07-22. 
8. "Biografía de Riane Eisler en el Center for Partnership Studies" (en español). Arquivado dende o orixinal o 23 de xaneiro de 2013. Consultado o 23 de xaneiro de 2013. 

Véxase tamén

Ligazóns externas

• Páxina oficial Riane Esler(en inglés)
• Center for Partnership StudiesArquivado 15 de xaneiro de 2016 en Wayback Machine.(en castelán)
• Entrevista realizada en 1996 Arquivado 05 de marzo de 2016 en Wayback Machine.(en castelán)