Short Sunderland
| Short Sunderland | |
|---|---|
 | |
| Tipo | hidroavión de bombardeo e patrulla marítima |
| Fabricante | Short Brothers |
| Deseñado por | Arthur Gouge |
| Primeiro voo | 15 de outubro de 1937 |
| Introducido | 1938 |
| Retirado | 1967 |
| Principais usuarios | Royal Air Force Mariña Nacional Francesa Real Forza Aérea de Australia Forza Aérea de Suráfrica Real Forza Aérea de Nova Zelandia |
| Produción | 1938 - 1946 |
| Unidades construídas | 749 |
| Variantes | Short Sandringham Short Seaford |
O Short Sunderland foi un hidroavión británico empregado para misións de bombardeo e patrulla marítima desenvolvido para a Royal Air Force por Short Brothers. Toma o seu nome da cidade e porto de Sunderland, no nordeste de Inglaterra.
Baseado en parte no hidroavión S.23 Empire, o principal avión de Imperial Airways, o S.25 foi amplamente redeseñado para o servizo militar. Foi un dos máis potentes e máis usados hidroavións da segunda guerra mundial, e estivo involucrado na loita contra a ameaza dos U-boats alemáns na Batalla do Atlántico. Os Sunderlands da RAF tamén estiveron en servizo na Guerra de Corea e retiráronse en 1959. Este avión permaneceu en activo na Royal New Zealand Air Force (RNZAF) ata 1967. Os Sunderlands convertidos para o uso civil, coñecidos como Short Sandringhams, continuaron operando ata 1974.
