Siku Quanshu Zongmu Tiyao
| Siku Quanshu Zongmu Tiyao (四庫全書總目提要) | |
|---|---|
 Retrato de Ji Yun, editor da obra | |
| Autor/a | Ji Yun |
| Orixe | China |
| Lingua | Chinés clásico |
| Data de pub. | 1798 |
| [ editar datos en Wikidata ] | |
Siku Quanshu Zongmu Tiyao ou Bibliografía anotada dos Catro Tesouros (chinés tradicional: 四庫全書總目提要; chinés simplificado: 四库全书总目提要; pinyin: Sìkù Quánshū Zǒngmù Tíyào; Wade-Giles: Ssu4-k'u4 Ch'üan2-shu1 Tsung3-mu4 T'i2-yao4) é un catálogo anotado de miles de obras que foron consideradas dignas de inclusión na Siku Quanshu (四库全书, "Biblioteca completa dos Catro Tesouros").[1] Trátase do meirande catálogo bibliográfico da China premoderna, cun total de douscentos capítulos.[2] Comezouse a redactar no ano 1773, e non se completou até o 1798.[2] Na súa elaboración interviron moitos autores, pero os borradores finais estiveron a cargo do editor xefe, Ji Yun (1724-1805 d.C.).[3]
Contidos
[editar | editar a fonte]O libro contén notas bibliográficas de tres mil catrocentas sesenta e un obras recollidas en Siku Quanshu, así como breves referencias ao título doutras seis mil setecentas noventa e tres.[2] Aínda así, omitíronse milleiros de libros, especialmente aqueles destruídos polos Qing por ser considerados contrarios aos manchús, a minoría étnica á que pertencía a dinastía gobernante.[4] Os contidos de Siku Quanshu Zongmu Tiyao reflicten a influencia da Escola Han (汉学, Hànxué) nos círculos intelectuais de Qing.[3]
Traducións
[editar | editar a fonte]- Guy, R.K. (1987). The Emperor's Four Treasuries: Scholars and the State in the Late Ch'ien-lung Era. Harvard University Press.
Notas
[editar | editar a fonte]- ↑ Chiang, Sing-chen (2005). Collecting the Self: Body and Identity in Strange Tale Collections of Late Imperial China (en inglés). Brill. p. 37.
- ↑ 2,0 2,1 2,2 Wilkinson, Endymion (2000). Chinese History: A Manual (en inglés). Harvard University Press. pp. 275-276.
- ↑ 3,0 3,1 Guy, R. Kent (1987). The Emperor's Four Treasuries: Scholars and the State in the Late Ch'ien-lung Era (en inglés). Harvard University Press. pp. 122–123.
- ↑ Wilkinson, Endymion (2000). Chinese History: A Manual (en inglés). Harvard University Press. p. 274.
