Silvia Intxaurrondo
  | |
| Biografía | |
|---|---|
| Nacemento | 24 de outubro de 1979 (45 anos) Barakaldo, España |
| Educación | Universidade de Navarra Universidade Autónoma de Madrid |
| Actividade | |
| Ocupación | xornalista |
| Premios | |
| |
     | |
Silvia Intxaurrondo Alcaine, nada en Barakaldo o 24 de outubro de 1979, é unha xornalista vasca.
Traxectoria
[editar | editar a fonte]Pasou a súa infancia en Santurtzi. Licenciada en Xornalismo pola Universidade de Navarra e en filoloxía árabe pola Universidade Autónoma de Madrid, fixo un mestrado en Estudos Árabes e Islámicos Contemporáneos (Universidade Autónoma de Madrid), especializada en información internacional. A súa carreira profesional iniciouse no programa matinal Hoy por hoy, da Cadena SER presentado por Iñaki Gabilondo onde estivo catro anos.
En 2005 pasou a CNN+ para presentar informativos e dende a tempada 2006-2007 foi copresentadora no informativo de Iñaki Gabilondo, Noticias Cuatro 2, en Cuatro.
Dende o 8 de febreiro até o 23 de decembro de 2010 estivo en CNN+ copresentando o programa de actualidade Hoy. Dende 2011 e até xuño de 2012 formou parte da mesa de traballo da W Radio de Colombia (cadea do grupo PRISA) nas mañás, xunto a Julio Sánchez Cristo.
Dende o 3 de setembro de 2012 até o 20 de maio de 2013 traballou como subdirectora do programa Hoy por hoy da Cadena SER, na súa nova etapa coa presentación de Pepa Bueno e Gemma Nierga, pouco antes de ser nai.
Dende xaneiro de 2014 a decembro de 2014 presentou o programa diario de actualidade ETB hoy da canle autonómica vasco ETB 2. Entre xaneiro de 2015 e abril de 2015, presentou en ETB2 o programa de actualidade semanal ¡Por fin, viernes!.
En setembro de 2015 regresou a Cuatro onde se fixo cargo do programa semanal de debate de actualidade Un tiempo nuevo.
Dende setembro de 2017 dirixiu e presentou Telenoticias Fin de Semana en Telemadrid.[1] Entre xaneiro de 2018 e abril de 2018 compatibilizou ese labor coa condución do programa Desaparecidos na 1.[2]
O 30 de xullo de 2021 fichou pola 1 para presentar La hora de La 1, deixando así de presentar Telenoticias Fin de Semana en Telemadrid logo de case catro anos á fronte.[3]
En 2023, fíxose viral unha entrevista co candidato do PP ás eleccións españolas, Alberto Núñez Feijóo, que obrigou ó político a rectificar as afirmacións falsas que fixera sobre as pensións.[4][5]
Vida persoal
[editar | editar a fonte]Intxaurrondo é nai de 2 fillos.[6]
Programas de televisión
[editar | editar a fonte]| Ano | Programa | Canle | Papel |
|---|---|---|---|
| 2005 - 01/2010 | Noticias Cuatro | Cuatro | Presentadora |
| 01/2010 - 12/2010 | Hoy | CNN+ | Presentadora |
| 2014 | ETB hoy | ETB 2 | Presentadora |
| 2015 | Un tiempo nuevo | Cuatro | Presentadora |
| 2015 | Por fin, viernes | ETB 2 | Presentadora |
| 2016 | Cuando ya no esté | #0 | Analista[7] |
| 2017 - 2021 | Telenoticias Fin de Semana | Telemadrid | Directora / Presentadora |
| 2018 | Desaparecidos | La 1 | Presentadora |
| 2021 - actualidad | La hora de la 1 | La 1 | Directora / Presentadora |
Programas de radio
[editar | editar a fonte]| Ano | Programa | Cadea | Papel |
|---|---|---|---|
| 2002 - 2005 | Hoy por hoy | Cadena SER | Redactora |
| 2011 - 2012 | La W | W Radio (Colombia) | Copresentadora |
| 2012-2014 | Hoy por hoy | Cadena SER | Subdirectora |
Notas
[editar | editar a fonte]- ↑ El Mundo, ed. (28 de xullo de 2017). "Silvia Intxaurrondo llega a Telemadrid como presentadora de Telenoticias Fin de Semana" (en castelán).
- ↑ Vertele!, ed. (17 de xaneiro de 2018). "TVE estrena el miércoles Desaparecidos: "Vamos a crear un referente de respeto"" (en castelán). Consultado o 24 de xullo de 2023.
- ↑ "RTVE ficha a Silvia Intxaurrondo, presentadora de Telemadrid, para sustituir a Mónica López en La Hora de La 1". El Mundo. 30 de xullo de 2021. Consultado o 17 de xullo de 2023.
- ↑ "Quién es Silvia Intxaurrondo, protagonista del encontronazo con Feijóo en la entrevista de RTVE" (en castelán). 2023-07-17. Consultado o 2023-07-18.
- ↑ Gil, Lorena (2023-07-18). "Silvia Intxaurrondo, la periodista vizcaína que tuvo de maestro a Iñaki Gabilondo" (en castelán). Consultado o 2023-07-18.
- ↑ "Silvia Intxaurrondo, el lado más personal de la sustituta de Mónica López en 'La Hora de La 1'". El Mundo.es (en castelán). 2 de agosto de 2021. Consultado o 30 de agosto de 2022.
- ↑ Diario de Jerez (16 marzo 2016) Iñaki Gabilondo reaparece en #0 con 'Cuando yo no esté'
