Sonsoles Ónega

Sonsoles Ónega

(2015)
Biografía
Nacemento	(es) Cristina Ónega Salcedo 30 de novembro de 1977 (47 anos) Madrid, España
Educación	Universidade San Pablo CEU
Actividade
Campo de traballo	Xornalismo e literatura
Ocupación	presentadora de televisión, xornalista, escritora
Familia
Pai	Fernando Ónega
Irmáns	Cristina Ónega
Premios
(2023)  Premio Planeta

Sonsoles Ónega Salcedo^[1], nada en Madrid o 30 de novembro de 1977, é unha xornalista, presentadora de televisión e escritora española.

Biografía

Filla do tamén xornalista Fernando Ónega e de Marisol Salcedo e irmá de Cristina Ónega, licenciouse en Xornalismo pola Universidade CEU San Pablo.

Especializada en medios audiovisuais, comezou a súa andaina profesional en CNN+. De aí pasou á cadea Cuatro. En 2008 incorporouse aos servizos informativos de Telecinco, onde durante dez anos exerceu como cronista parlamentaria, destacada no Congreso dos Deputados.

Desde 2018 até 2022, presentou o programa de sucesos da mesma cadea Ya es mediodía.^[2]

Ademais, colaborou como analista político no espazo radiofónico La tarde de COPE.

En canto á súa faceta literaria, en 2004 publicou a novela curta Calle Habana, esquina Obispo. Seguiría Donde Dios no estuvo, sobre o 11-M. No entanto, o seu maior éxito foi a novela Después del amor (2017), ambientada na España da II República.^[3] En 2023 gañou o Premio Planeta con Las hijas de la criada.^[4]

En 2020, Sonsoles embarcouse en novo proxecto televisivo e foi a encargada de presentar as galas dominicais do seu primeiro reality, La casa fuerte un espazo de prime time.

Durante 2021 e 2022, presentou Ya son las ocho.^[5]

En xullo de 2022, fichou por Atresmedia Televisión para presentar un novo proxecto en Antena 3 chamado Y ahora Sonsoles, estreado o 24 de outubro dese mesmo ano.^[6]

En decembro de 2023 participa como colaboración especial nos capítulos 2773 e 2775 da última tempada da serie Amar es para siempre interpretando a Sonsoles, xefa de prensa do alcalde madrileño Tierno Galván.

Sonsoles Ónega e Galicia

Ao ser filla do galego nado en Pol Fernando Ónega, Galicia sempre foi o seu refuxio na infancia, a adolescencia e a madureza. Ao recoller o premio Planeta recalcou que era filla da maxia literaria galega e das lendas que percorren a terra.^[7]

Vida privada

Casada desde 2008 co avogado Carlos Pardo Sanz, é nai de dous fillos.^[8] En agosto de 2019 cesou a convivencia co seu marido e en 2020 deuse a coñecer a súa separación.^[9]

É íntima amiga da raíña Letizia.

Obra literaria

• Calle Habana, esquina Obispo (2004). Septem Ed. 101 páxs. ISBN 9788495687951.
• Donde Dios no estuvo (2007). Grand Guignol Ed. Sobre o 11-M. ISBN 9788493509057.
• Después del amor (2017). Planeta. 592 páxs. ISBN 978-84-08-17390-8. Ambientada na España da II República.^[3]
• Las hijas de la criada (2023). Planeta. 480 páxs. ISBN 978-84-08-28017-0. Desenvólvese nun pazo galego.
  • As fillas da criada (2024). Aira Ed. 480 páxs. ISBN 978-84-08-28017-0.^[10]

Televisión

Ano	Programa	Canle	Notas
1999 - 2005	Informativos	CNN+	Redactora
2005 - 2008	Noticias Cuatro	Cuatro	Reporteira
2007	11-M: La derrota de los embusteros		Presentadora
2008 - 2018	Informativos Telecinco	Telecinco	Reporteira e cronista parlamentaria
2018 - 2022	Ya es mediodía		Presentadora
2020	A propósito de Supervivientes		Presentadora
	La casa fuerte		Presentadora
	Quijotes del siglo XXI		Presentadora
2021 - 2022	Ya son las ocho		Presentadora
2022 - presente	Y ahora Sonsoles	Antena 3	Presentadora
2023 - presente	Hablando en plata		Presentadora
2024 - presente	Lo tenemos que hablar		Presentadora

Como convidada

Ano	Programa	Canle	Notas
2019	Todo es mentira	Cuatro	Convidada
2020	Adivina qué hago esta noche		Convidada
	Sálvame	Telecinco	Convidada
2021	Volverte a ver		Convidada
	Rocío, contar la verdad para seguir viva		Convidada
2022 - 2023	El hormiguero	Antena 3	Convidada
2022; 2024	La Roca		Convidada
2022	Pasapalabra		Convidada
	Zapeando	La Sexta	Convidada
	Tu tiempo con Roberto Brasero	Antena 3	Convidada
	Espejo público		Convidada
	Antena 3 Noticias		Convidada
	La ruleta de la suerte		Convidada
2023	Joaquín, el novato		Convidada

Ano	Serie	Canle	Personaxe	Notas
2023	Amar es para siempre	Antena 3	Sonsoles	2 episodios

Premios

• Antena de Prata
• Premio Letras de novela Corta (2004).
• Premio Fernando Lara de Novela (2017).^[11]
• Premio Planeta pola súa novela Las hijas de la criada (2023).

Notas

1. "Sonsoles Ónega Salcedo". apmadrid.es. Consultado o 9 de maio de 2024. 
2. Redacción (2018-06-04). "'Ya es mediodía', con Sonsoles Ónega al frente, llega a Telecinco el viernes 15 de junio". FormulaTV (en castelán). Consultado o 2024-05-09. 
3. El Mundo, ed. (21 de junio de 2017). "Duelo entre Mercedes Milá y Sonsoles Ónega: después del amor queda el matrimonio". 
4. "Sonsoles Ónega gana el Premio Planeta: todo queda en casa". www.publico.es. 2023-10-16. Consultado o 2024-05-09. 
5. "Telecinco ya tiene fecha de estreno para 'Ya son las ocho', el nuevo magacine de Sonsoles Ónega". El Español (en castelán). 2021-11-10. Consultado o 2024-05-09. 
6. "Sonsoles Ónega deja Telecinco y ficha por Antena 3 con nuevo programa; este presentador será su sustituto". MARCA (en castelán). 2022-07-11. Consultado o 2024-05-09. 
7. "Sonsoles Ónega: «Soy hija de la magia literaria gallega, de las leyendas que recorren la tierra»". La Voz de Galicia (en castelán). 2023-10-16. Consultado o 2024-05-09. 
8. Sonsoles Ónega, nueva figura de la televisión Arquivado 13 de xuño de 2020 en Wayback Machine. encirculodeopinion.com
9. "Sonsoles Ónega se separa de Carlos Pardo tras once años de matrimonio". Diario ABC (en castelán). 2020-01-22. Consultado o 2024-05-09. 
10. "AS FILLAS DA CRIADA - Libraría Aira das Letras". tenda.airadasletras.gal. Consultado o 2024-05-09. 
11. "premiosliterarios.com - la web de los premios literarios". www.basquecountryhotels.org. Consultado o 2024-05-09.