Susy Delgado

Susy Delgado

Biografía
Nacemento	20 de decembro de 1949 (75 anos) San Lorenzo, Paraguai
Educación	Universidade Nacional de Asunción Universidade Complutense de Madrid
Actividade
Ocupación	escritora, xornalista, poetisa

Teresita de Jesús Delgado Salinas, máis coñecida como Susy Delgado,^[1] nada en San Lorenzo, Paraguai, o 20 de decembro de 1949, é unha socióloga, escritora, narradora, xornalista e poeta bilingüe guaraní - española. En 2017 recibiu o Premio Nacional de Literatura do seu país.^[2][3]

Traxectoria

Rematou os seus estudos secundarios en San Lorenzo. É licenciada en Medios de Comunicación pola Universidade Nacional de Asunción. É posgraduada en Socioloxía pola Universidade Complutense de Madrid.

Cultivou o xornalismo, sendo columnista do xornal La Nación de Asunción. En 1984, obtivo a “Mención de Honra” no Certame de Poesía organizado polos Amigos da Arte. En 1985 foi seleccionada como finalista do I Encontro Hispanoamericano de Mozos Creadores, en Madrid. En 2016 foi finalista do Premio Municipal de Literatura.^[4] En 2017 gañou o Premio Nacional de Literatura por Yvytu yma.

É membro da Academia da Lingua Guaraní.

É a tradutora da obra de Rosalía de Castro ao guaraní.^[5][6][7]

Obras en castelán

• 1986 Algún extraviado temblor
• 1991 El patio de los duendes. Fue "Premio Radio Curupayty 1991" y "Premio Junta Municipal 1992" (éste compartido con Jorge Montesino)
• 1995 Sobre el beso del viento
• 1998 La rebelión de papel
• 2003 Las últimas hogueras

Obras en guaraní

• 1987 Tesarái mboyvé^[8] (en galego, Antes do Esquecemento); tradución de Carlos Villagra Marsal e Jacobo A. Rauskin
• 1992 Tataypýpe (Polo lume); tradución da autora
• 1999 Ayvu Membyre (Fillo dese verbo)
• 2010 Kuña (Muller); tradución da autora
• 2016 Yvytu yma^[9] (Vento Vello); tradución da autora

As súas obras foron traducidas ao inglés e ao portugués. Tamén ten poemas incluídos en antoloxías, revistas e suplementos literarios nacionais e estranxeiras.

• (2001) Antología primeriza, Editorial Arandura
• (2002) La sangre florecida, a súa primeira novela. Editorial Arandura
• (2003) Las últimas hogueras, Editorial Arandura
• (2008) Jevy ko’ê, Día del regreso, Editorial Arandurã

Notas

1. "SUSY DELGADO". Portal Guaraní. Consultado o 07/12/2024. 
2. "Susy Delgado reivindica el guaraní con el Premio Nacional de Literatura". La Nación. Consultado o 07/12/2024. 
3. "LA LENGUA, EL PODER DE NOMBRAR AL MUNDO". Cooperación Española Cultura. Consultado o 07/12/2024. 
4. "Nota en sitio de la Municipalidad de Asunción". Arquivado dende o orixinal o 03 de xaneiro de 2018. Consultado o 07 de decembro de 2024. 
5. "Rosalía de Castro traducida al guaraní". Abisinia review. Consultado o 07/12/2024. 
6. "Lenguas originarias convergen en recital de poesía". 06/12/2024. Consultado o 07/12/2024. 
7. "Susy Delgado presenta un poemario bilingüe: en gallego y guaraní". La Nación. Consultado o 07/12/2024. 
8. "Tesarái mboyve / Antes del olvido". Escrituras Indie. Consultado o 07/12/2024. 
9. "Susy Delgado presenta su nuevo poemario, “Yvytu Yma”". Cultura Paraguay. Consultado o 07/12/2024. 

Véxase tamén

Wikimedia Commons ten máis contidos multimedia na categoría:  Susy Delgado

Ligazóns externas

• Datos biográficos e obra