Sépidos

Sepíidos / Sépidos
Sepiidae

Sepia officinalis
Clasificación científica
Reino: Animalia
Filo: Mollusca
Clase: Cephalopoda
Orde: Sepiida
Suborde: Sepiina
Familia: Sepiidae
Leach, 1817
Xéneros
  • Véxase o texto
Cuncha interna de xiba.
Metasepia pfefferi, unha xiba velenosa para o home.
Sepia latimanus (coloración vermella).
Sepia latimanus (coloración branca).

Os sepíidos ou sépidos (Sepiidae, Leach, 1817) son unha familia de moluscos cefalópodos pertencente á orde dos Sepiida. As súas especies coñécense cos nomes de sepias, xibas ou chocos, entre outros.[1][2] Os dimuntivos chopiño e choquiño aplícanse a especies da familia dos sepiólidos (Sepiolidae), doutra orde irmá, a dos Sepiolida.

Descrición

[editar | editar a fonte]

As sepias teñen o corpo ovalado e máis ou menos deprimido dorsoventralmente. O manto está rodeado por dúas expansións laterais a modo de aletas que abanean para moverse no seu ambiente. Das súas dez patas de decápodo, ou raxos,[3] equipadas con ventosas (ou botóns),[4] oito son brazos, de pequena lonxitude, e as outras dúas, moito máis longas e retráctiles, tentáculos rematados en senllas mazas ou paletas con moitas ventosas desiguais, utilizados na defensa e na reprodución.[2]

Este animais teñen os ollos cunha pupila moi desenvolvida, en forma de W.

Teñen unha gran capacidade para camuflarse xa que poden cambiar a súa cor dependendo da do fondo sobre o que están.

No interior do manto teñen unha ampla cuncha ovalada, a bolsa da tinta ou borra,[5] que expulsan cando se senten ameazados.

Os tamaños destes moluscos van desde os 5 cm dos chopiños máis pequenos, pasando polos 90 cm da sepia común (Sepia officinalis) até os 120 cm que miden as especies máis desenvolvidas.

Bioloxía

[editar | editar a fonte]

Os sepíidos aliméntanse de cangrexos, camaróns, pequenos peixes, vermes acuáticos, pequenos polbos e outros moluscos, e son xeralmente predados por golfinos, tiburóns, grandes peixes, focas e outras sepias.

En liberdade viven en xeral un ou dous anos.

Durante a reprodución, se un macho é rexeitado pola femia, ou escorrentado por outros machos dominantes, tende a copular, porán, asumindo a mesma coloración das femias, acercarse ás mesmas sen levantar sospeitas delas ou dos machos dominantes para, por sopresa, fecundar a unha.

Taxonomía

[editar | editar a fonte]

Segundo o World Register of Marine Species a familia comprende seis xéneros:[6]

Aínda quer outras clasificacións reducen es número a tres:[7]

Filoxenia

[editar | editar a fonte]

Este é un caldograma da familia, segundo Catalogue of Life:[7]

Sepiida 
 Sepiidae 
 

Metasepia

 
 

Sepia

 
 

Sepiella

 
 
 

Sepiadariidae

 
 

Notas

[editar | editar a fonte]
  1. ↑ Ríos Panisse (1977), pp. 80-84.)
  2. ↑ 2,0 2,1 Ramonell, Rosa (1986), pp. 144-149.
  3. ↑ Ríos Panisse (1977) pp. 84-85.
  4. ↑ Ríos Panise (1977), p. 87.
  5. ↑ Ríos Panisse (1977), p.86,
  6. ↑ Sepiidae Leach, 1817 en WoRMS.
  7. ↑ 7,0 7,1 Catalogue of Life:: 2011 Annual Checklist.

Véxase tamén

[editar | editar a fonte]

Bibliografía

[editar | editar a fonte]
  • Ramonell, Rosa (1985): Guía dos moluscos de Galicia. Vigo: Xerais. ISBN 84-7154-506-3.
  • Ríos Panisse, Mª del Carmen (1977): Nomenclatura de la flora y fauna marítimas de Galicia. I Invertabrados y peces. Verba, Anejo 7. Santiago: Universidad de Santiago de Compostela. ISBN 84-7191-008-X.

Outros artigos

[editar | editar a fonte]