A tempada 2005-06 da NBA foi a sexaxésima na historia da NBA. Deu comezo o 1 de novembro de 2005 e rematou o 19 de abril de 2006. Os playoffs comezaron o 22 de abril de 2006 e remataron o 20 de xuño de 2006 coa coroación de Miami Heat coma campións da NBA tras derrotar a Dallas Mavericks por 4-2.
- Un novo código de vestimenta púxose en práctica a principios de ano polo comisionado David Stern.
- Miami Heat gañou o primeiro campionato da súa historia. Converteuse na terceira franquía (xunto cos Boston Celtics en 1969 e Portland Trail Blazers en 1977) en gañar o anel tras perder os dous primeiros partidos das Finais. Tamén é o primeiro dos catro equipos en expansión da tempada 1988-89 en conseguir un campionato.
- O NBA All-Star Game xogouse o 19 de febreiro de 2006 no Toyota Center de Houston, gañando o Leste ao Oeste por 122-120. LeBron James de Cleveland Cavaliers foi o MVP do partido.
- Os Charlotte Bobcats comezaron a disputar os seus encontros no novo pavillón Charlotte Bobcats Arena, no centro da cidade.
- Debido aos desastres provocados polo furacán Katrina, New Orleans Hornets xogou 32 partidos coma local no Ford Center de Oklahoma City, 6 no Pete Maravich Assembly Center da Universidade de Louisiana State e 3 no New Orleans Arena en marzo. Durante esta tempada, a franquía foi oficialmente coñecida como New Orleans/Oklahoma City Hornets.
- Nesta tempada cumpríronse 30 anos da absorción de catro equipos da ABA á NBA: Indiana Pacers, New Jersey Nets, Denver Nuggets e San Antonio Spurs, todos eles en 1976.
- O 22 de xaneiro de 2006, Kobe Bryant anotou 81 puntos ante Toronto Raptors. Dita anotación é a segunda mellor na historia da liga, por detrás dos 100 tantos de Wilt Chamberlain en 1962.
- Scottie Pippen (Chicago Bulls), Karl Malone (Utah Jazz) e Reggie Miller (Indiana Pacers) foron homenaxeados coa retirada dos seus dorsales nos seus respectivos equipos.
- Por quinto ano consecutivo, a NBA continuou co seu programa de Hardwood Classics. Bulls, Rockets, Clippers, Grizzlies, Heat, Nets, Knicks, Magic, Suns, Sonics e Wizards participaron levando camisetas retro en partidos selectos.
- No último partido da tempada regular, Ray Allen bateu o récord de máis triplas anotadas nunha tempada con 269.
- As Finais da NBA foron ironicamente coñecidas como "American Airlines" debido a que ambos equipos xogan en pavillóns patrocinados pola compañía aérea. Miami Heat disputa os seus encontros no American Airlines Arena, mentres que Dallas Mavericks fai o propio no American Airlines Center.
* V: Victorias
* D: Derrotas
* %V: Porcentaxe de victorias
* P: Partidos de diferenza respecto á primeira posición
|
|---|
| 1940s | |
|---|
| 1950s | |
|---|
| 1960s | |
|---|
| 1970s | |
|---|
| 1980s | |
|---|
| 1990s | |
|---|
| 2000s | |
|---|
| 2010s | |
|---|
| 2020s | |
|---|
Competicións de Baloncesto 2005-2006 |
|---|
| Norteamérica | |
|---|
| Europa | |
|---|
