Thomas Combe
  | |
| Biografía | |
|---|---|
| Nacemento | 1796 |
| Morte | 30 de xuño de 1872 (75/76 anos) |
| Actividade | |
| Lugar de traballo | Oxford |
| Ocupación | editor literario, editor, mecenas, impresor |
| Descrito pola fonte | Dictionary of National Biography Alumni Oxonienses: the Members of the University of Oxford, 1715–1886 (en)  |
Thomas Combe, nado en 1796 e finado o 30 de xuño de 1872, foi un impresor, editor e mecenas das artes inglés. Traballou como impresor na editora universitaria Oxford University Press e foi tamén o fundador e benfeitor da igrexa de San Bernabé (St Barnabas Church) de Oxford.[1]
Traxectoria
[editar | editar a fonte]Thomas Combe era fillo dun impresor do mesmo nome finado cara a 1836, que tamén tiña unha libraría e era propietario dun xornal en Leicester. Despois de traballar co seu pai e como empregado noutros traballos similares en Oxford, emprendeu os seus propios negocios no ámbito editorial. En 1826 formou parte dunha sociedade en Londres, pero antes da fin do ano regresou a Leicester para retomar os negocios familiares (baixo o nome de T. Combe and Son entre 1826 e 1835).
Despois da morte do seu pai trasladouse a Oxford e pasou a formar parte de Oxford University Press (ou Clarendon Press) en 1837, da que, logo de adquirir partes do negocio desde o ano seguinte, chegou a ser socio principal en 1851.[2] Como resultado, manexou unha fortuna considerable.
El e a súa muller Martha (1806-1893) exerceron como mecenas des artistas, particularmente dos prerrafaelistas. En 1849 coñeceu en Oxford a John Everett Millais, quen pintou retratos de varios membros da familia de Combe.[3] Eran tamén partidarios do chamado Movemento de Oxford.
Combe morreu o 30 de xuño de 1872 e foi enterrado no cemitrerio do Santo Sepulcro, de Oxford. A súa viúva mantivo e agrandou a súa colección de arte prerrafaelista e, tras a súa morte en 1893, a parte máis importante da colección foille legada á Universidade de Oxford e hoxe está no Museo Ashmolean.
Unha placa na parede exterior da igrexa de San Bernabé conmemora as figuras de Thomas Combe e a súa muller Martha cando fundadores e benefactores da igrexa.[4]
Notas
[editar | editar a fonte]- ↑ Hibbert, Christopher (ed.). "St Barnabas, Church of". En The Encyclopaedia of Oxford. Macmillan. 1988. Páxinas 378 e 379. ISBN 0-333-39917-X (En inglés)
- ↑ Historia da igrexa de San Bernabé en liña Arquivado 01 de decembro de 2016 en Wayback Machine.. (En inglés)
- ↑ "John Everett Millais Arquivado 06 de agosto de 2017 en Wayback Machine.". En Tate.org.uk. (En inglés)
- ↑ Warr, Elizabetz Jean. The Oxford Plaque Guide. Stroud, Glocestershire: The History Press. 2011. Páxinas 39 a 41. ISBN 978-0-7524-5687-4 (En inglés)
Véxase tamén
[editar | editar a fonte] |
Wikimedia Commons ten máis contidos multimedia na categoría: Thomas Combe  |
Ligazóns externas
[editar | editar a fonte]- "Thomas Combe" en Oxford Dictionary of National Biography. (En inglés)
- "Thomas Combe" en Mcmullen Rigg, James. Dictionary of National Biography. 1885-1990. Volume 1. (En inglés)
- "Thomas Combe (1796-1872). Martha Combe (1806-1893)Arquivado 26 de febreiro de 2017 en Wayback Machine.". En Oxfordshire Blue Plaques Scheme. (En inglés)
- Notas sobre o sepulcro do matrimonio Combe. (En inglés)
