Fotografía de Tommaso Salvadori | |
Nome orixinal | Adelardo Tommaso Salvadori Paleotti |
---|---|
Biografía | |
Nacemento | 30 de setembro de 1835 Porto San Giorgio, provincia de Fermo, As Marcas |
Morte | 9 de outubro de 1923 Turín |
Datos persoais | |
País de nacionalidade | italiana |
Formación profesional | Licenciado en Medicina |
Educación | Universidade de Roma, Universidade de Pisa |
Actividade | |
Campo de traballo | Ornitoloxía |
Ocupación | medicina, ornitoloxía |
Membro de | |
Lingua | Lingua italiana |
Obra | |
Abreviatura do autor en zooloxía | Salvadori |
Premios | |
Membro da Sociedade Zoolóxica de Londres membro da Academia das Ciencias de Turín | |
Tommaso Salvadori, tamén coñecido como conde Adelardo Tommaso Salvadori Paleotti, ou conde Adlard Tommaso Salvadori, nado o 30 de setembro de 1835 en Porto San Giorgio, provincia de Fermo, rexión das Marcas, e finado o 9 de outubro de 1923 en Turín, foi un nobre, político, patriota, médico e naturalista italiano. Quizais foi o ornitólogo italiano máis importante de todos os tempos.
Tommaso Salvadori naceu en Porto San Giorgio, provincia de Fermo, e era fillo do conde Luigi Salvadori e de Ethel Welby, unha dama inglesa.[1]
Comezou a estudar Medicina na Universidade de Roma, que continuou na de Pisa, onde se licenciou en 1835.[1]
Participou na expedición militar de Garibaldi a Sicilia (a Expedición dos Mil), servindo como oficial médico.[1]
Transferido a Turín, en 1863 foi axudante do Museo de Zooloxía, converténdose en vicedirector do Real Museo de Historia Natural de Turín en 1879,[1] cuxa importante colección ornitolóxica supervisou, reorganizou e ampliou.[2]
Salvadori interesouse pronto pola ornitoloxía, e publicou un catálogo das aves de Sardeña en 1862.[1]
Especializouse nas aves de Asia. Estudou as amplas coleccións de aves desta rexión conservadas mo Museo Civico de Storia Naturale di Genova, e as coleccións de aves da India oriental en París, Londres (no Museo Británico), Berlín e Leyden.[1]
En 1880, deixou ao Museo Británico de Historia Natural de Londres para traballar en tres volumes do seu catálogo de aves.[1]
Publicou máis de 300 artigos de ornitoloxía.[1]
Na súa memoria foi creado o Museo di Scienze Naturali "T. Salvadori" di Fermo, utilizando como base a súa su colección de ornitologçxía, que doou ao mesmo.
O faisán de Salvadori (Lophura inornata) leva o seu nome, así como o varano monitor (Varanus salvadorii).[3] que tamén se coñece comunmente como monitor de Salvadori, monitor de Papúa ou artelia.
Moitas especies de aves levan tamén o seu nome, por exemplo, Psittaculirostris salvadorii, Micropsitta keiensis, Caprimulgus pulchellus, Eremomela salvadorii, Serinus xantholaemus, Salvadorina waigiuensis e outros.
A abreviatura Salvadori emprégase para recolecer a Tommaso Salvadori como autoridade na descrición e taxonomía en zooloxía.
Commons ten máis contidos multimedia sobre: Tommaso Salvadori |
Wikispecies posúe unha páxina sobre: Tommaso Salvadori |