Unterhaltungssoftware Selbstkontrolle

Unterhaltungssoftware Selbstkontrolle
Nome curto	USK e FSU GmbH
Tipo	negocio
Forma xurídica	Gesellschaft mit beschränkter Haftung
Persoas e organizacións
	Membro de International Age Rating Coalition ; ;
Actividade
Campo de traballo	videoxogo e sistema de clasificación de contido de videoxogos
Data
Fundación	1994
Localización
	52°31′38″N 13°24′52″L / 52.52729965, 13.41447345
País	Alemaña
Sede	Berlín
Contacto
Páxina WEB	usk.de
Teléfono	+49-30-240-8866-0
Correo	mailto:kontakt@usk.de
Redes
	[ Wikidata ] [ C:Commons ]

Unterhaltungssoftware Selbstkontrolle, traducido como Autocontrol no Software de Entretemento e abreviado comunmente como USK, é unha organización de clasificación de videoxogos en Alemaña.

Logotipo

O logotipo oficial de USK é un cadrado volteado de fondo amarelo e bordo branco, con 2 siluetas xuntas de cor negra no centro e unha banda gris coas letras USK nela. Tamén existen outros logotipos semellantes, diferenciados principalmente pola cor do fondo e o número que neles se indica, os cales cualifican o software segundo o seu contido e a idade dos usuarios a quen van destinados.

Clasificación konmafkntk

O software pode recibir unha das seguintes clasificacións:

Logotipo	Clasificación USK	Descrición das clasificacións
	Freigegeben ohne Altersbeschränkung gemäß § 14 JuSchG (Sen restricións de idade)	Non hai restricións de idade sobre a venda do xogo. Porén, a idoneidade para os nenos só se refire á violencia ou contenido sexual; a dificultade e complexidade do xogo pode ser aínda inadecuado para os máis pequenos. Esta clasificación pode incluír xogos como Super Mario Bros., The Legend of Zelda: Link's Awakening, Kirby's Dream Land, a saga Gran Turismo e a serie FIFA.
	Freigegeben ab 6 Jahren gemäß § 14 JuSchG (Para maiores de 6 anos)	Os xogos con esta clasificación poden ter unha natureza cómica ou abstracta, pode ter un tema escuro o pode ser demasiado complicado para nenos menores de 6 anos. Esta clasificación pode incluír xogos como Point Blank, Kirby Star Allies, Rocket League, Super Mario Galaxy e Lego Star Wars II: The Original Trilogy.
	Freigegeben ab 12 Jahren gemäß § 14 JuSchG (Para maiores de 12 anos)	Os xogos con esta clasificación poden enfocarse en guerras ou loita de personaxes. A loita sitúase nun contexto histórico ou de ciencia ficción e a violencia mantense nun mínimo. Esta clasificación pode incluír xogos como Fortnite, Dragon Ball FighterZ, Midnight Club: Los Angeles, The Legend of Zelda: Breath of the Wild, Metroid Prime e Super Smash Bros. Brawl.
	Freigegeben ab 16 Jahren gemäß § 14 JuSchG (Para maiores de 16 anos)	Os xogos de violencia moderada (sen sangue visible) reciben esta clasificación, podendo abranguer diversos temas de adultos. Esta clasificación pode incluír xogos como Tom Clancy's Splinter Cell: Double Agent, Anthem, Star Wars: Battlefront II, Diablo, Resident Evil: Revelations e Battlefield 1 (2016)
	Keine Jugendfreigabe gemäß § 14 JuSchG (Para maiores de 18 anos)	Estes xogos poden conter escenas máis violentas con sangue incluído, podendo glorificar as guerras ou a violación dos dereitos humanos. Esta clasificación pode incluír xogos como Happy Wheels, Warframe, Hitman: Blood Money, Resident Evil (Versión DS), Call of Duty: WWII, Grand Theft Auto V, Payday 2 e Payday: The Heist.
	Einstufung ausstehend (Clasificación pendente)	É usado antes do lanzamento dun videoxogo para definir a clasificación deste.

A cualificación para determinados xogos pode referirse ás clasificacións mencionadas, no que algúns elementos do xogo poden ser cambiados a fin de lograr unha clasificación para usuarios máis novos ou para garantir que o xogo poida ser vendido. Por exemplo, a versión alemá de Grand Theft Auto, a partir da terceira entrega, foi editada cortando algunhas das súas características, tendo menos armas, non soltando diñeiro os civís unha vez mortos e desapareceron algunhas misións, podendo ser clasificada entón como "USK 16"; mentres que por outro banda, a versión estadounidense non foi editada e, polo tanto, só poden ser vendidos a adultos. Porén, Grand Theft Auto 4 non foi editado e recibiu unha cualificación de "USK 18".

Esta é unha práctica moi común, especialmente nos xogos que adoitan recibir unha cualificación "USK 18". Un problema potencial desta "autocensura" é que pode perderse o ambiente orixinal dun xogo. Nalgúns casos, houbbo que mudar a sinopse dalgúns xogos para poder optar por unha cualificación USK máis ampla.

Véxase tamén

Outros artigos

ESRB, sistema de clasificación de videoxogos nos Estados Unidos e no Canadá.
OFLC, sistema de clasificación de multimedia en Australia e Nova Zelandia.
ELSPA, primeiro sistema de clasificación de videoxogos británico, sucedido por PEGI.
PEGI, sistema de clasificación de videoxogos en Europa.
CERO, sistema de clasificación de videoxogos no Xapón.
GSRR, sistema de clasificación de videoxogos asiático.

Ligazóns externas

Páxina oficial (en alemán)