Wenfu

Wenfu (文赋)
Título orixinal	文赋
Autor/a	Lu Ji
Orixe	China
Lingua	Chinés clásico
Xénero(s)	Poesía fu
Data de pub.	Século III
	[ editar datos en Wikidata ]

Este artigo amosa escritos chineses. Sen o soporte axeitado, o texto pode mostrar símbolos sen sentido, coma caixas, marcas e outros.

O Wenfu (chinés tradicional: 文赋; chinés simplificado: 文赋; pinyin: Wénfù; Wade-Giles: Wen²-fu⁴) é unha das grandes poéticas chinesas, así como unha obra importante no desenvolvemento do xénero de poesía fu 赋.^[1] O seu autor, Lu Ji (261-303), emprega o verso para expoñer os fundamentos filosóficos da poesía e as súas formas retóricas.^[1]

A súa influencia na literatura chinesa só é comparable á do Wenxin diaolong (século V), de Liu Xie.

Título

Wenfu podería traducirse literalmente como "fu sobre a literatura" ou "fu sobre a escrita". Neste sentido, ten recibido diversos nomes en linguas occidentais, tales como Ensaio sobre a literatura, Exposición poética sobre a literatura ou Rima en prosa sobre a literatura.^[2] En castelán, vertiuse como Prosopoema sobre a arte da escrita.^[3]

Contidos

O Wenfu destaca por ser tanto unha exposición sobre teoría da literatura como unha peza de literatura en si mesma.^[1] A obra introduciu novos termos para a análise literaria, que continuarían a ser influentes durante séculos.^[1] O Wenfu é unha composición rimada mais, ao empregar patróns irregulares, ten sido traducido como prosopoema ou prosa rimada.^[2]^[3]

Lu Ji considera cuestións sobre a filosofía da mente e a súa base cosmolóxica, inspirado en fontes neodaoístas (por exemplo, o filósofo Wang Bi).^[1]^[4] A súa perspectiva considera ao poeta como unha entidade que viaxa polo microcosmos do seu propio espírito. Estas teses filosóficas preséntanse en forma de equiparacións de termos considerados en equilibrio, á maneira propia do fu, que adoita empregar catálogos ou listaxes de elementos. Por exemplo, Lu equipara o que o poeta aprende pensando co que aprende dos libros. Estas identidades amplíanse a diferentes contextos, xogando con afirmacións e negacións para evitar tomar partido por unha soa perspectiva.^[1]

Influencia

O Wenfu inspirou a multitude de poetas modernos, coma Ezra Pound, Gary Snyder, Howard Nemirov, Eleanor Wilner ou Carolyn Kizer, entre outros.^[1]

Traducións

Wen fu: Prosopoema del arte de la escritura (2010). Tradución directa ao castelán de Pilar González España.^[4]

Notas

↑ ^1,0 ^1,1 ^1,2 ^1,3 ^1,4 ^1,5 ^1,6 Owen, Stephen (1992). Readings in Chinese Literary Thought (en inglés). Harvard Univ Asia Center. ISBN 978-0-674-74921-4.
↑ ^2,0 ^2,1 Fang, Achilles (1951). "Rhymeprose on Literature The Wên-Fu of Lu Chi (A.D. 261-303)". Harvard Journal of Asiatic Studies 14 (3/4): 527–566. ISSN 0073-0548. doi:10.2307/2718186.
↑ ^3,0 ^3,1 "Wen Fu: Prosopoema del arte de la escritura". El Español (en castelán). 2011-02-04. Consultado o 2024-02-19.
↑ ^4,0 ^4,1 Durá, Manuel. "Wen fu. Prosopoema del arte de la escritura" (en castelán). Arquivado dende o orixinal o 19 de febreiro de 2024. Consultado o 2024-02-19.

Véxase tamén

Ligazóns externas

Wen fu (La literatura china traducida en España)
Wenfu - Texto completo en chinés clásico (Chinese Text Project)

[:0-1] 1,0 ^1,1 ^1,2 ^1,3 ^1,4 ^1,5 ^1,6 Owen, Stephen (1992). Readings in Chinese Literary Thought (en inglés). Harvard Univ Asia Center. ISBN 978-0-674-74921-4.

[:1-2] 2,0 ^2,1 Fang, Achilles (1951). "Rhymeprose on Literature The Wên-Fu of Lu Chi (A.D. 261-303)". Harvard Journal of Asiatic Studies 14 (3/4): 527–566. ISSN 0073-0548. doi:10.2307/2718186.

[:2-3] 3,0 ^3,1 "Wen Fu: Prosopoema del arte de la escritura". El Español (en castelán). 2011-02-04. Consultado o 2024-02-19.

[:3-4] 4,0 ^4,1 Durá, Manuel. "Wen fu. Prosopoema del arte de la escritura" (en castelán). Arquivado dende o orixinal o 19 de febreiro de 2024. Consultado o 2024-02-19.

[1]

[2]

[3]

[4]