Xoana de Arco (telefilme)
| Xoana de Arco | |
|---|---|
| Ficha técnica | |
| Título orixinal | Joan of Arc |
| Director | Christian Duguay |
| Produtor | Peter Bray |
| Guión | Michael Alexander Miller Ronald Parker |
| Intérpretes | Leelee Sobieski Peter O'Toole Jacqueline Bisset Powers Boothe |
| Música | Asher Ettinger Charlotte Church |
| Fotografía | Pierre Gill |
| Montaxe | Ralph Brunjes |
| Distribuidora | CBC (Canadá) CBS (USA) |
| Estrea |  11 de xullo de 1999 8 de outubro de 2011 (TVG) |
| Duración | 180 minutos (2 partes) |
| Orixe | Canadá Estados Unidos |
| Xénero | Drama, Histórico |
| Na rede | |
     | |
Xoana de Arco (en inglés: Joan of Arc) é un telefilme en dúas partes protagonizado por Leelee Sobieski no papel de Xoana de Arco e dirixido por Christian Duguay, que se estreou en 1999. Estreouse en galego na TVG o 8 de outubro de 2011.[1]
Sinopse
[editar | editar a fonte]Guerra dos Cen Anos (séculos XIV e XV). En 1412, nace en Domrémy Xoana, a filla duns campesiños. Dende nena ten visións nas que Santa Catarina, San Miguel e Santa Margarida lle encomendan a misión de salvar a Francia dos invasores ingleses. Convence a un oficial para que a escolte ata o castelo de Chinon, onde debe entrevistarse con Carlos, o Delfín de Francia, que aínda non foi coroado rei, xa que a cidade de Reims está en mans dos ingleses. Xoana logra que o Delfín lle proporcione tropas para romper o asedio de Orleáns. A doncela de Lorena conduce ós franceses á vitoria. Unha vez liberada Reims, o Delfín é proclamado rei co nome de Carlos VII. Durante unha campaña militar para liberar París, Xoana é capturada polos borgoñóns, que a entregan ós ingleses a cambio de cartos. Acusada de bruxería e herexía, é condenada por un tribunal relixioso, afín a Inglaterra, a morrer queimada no lume (1431). Tiña só 19 anos. En 1920, a Igrexa Católica canonizouna.
Personaxes
[editar | editar a fonte]- Leelee Sobieski como Xoana de Arco
- Jacqueline Bisset como Isabelle d'Arc
- Powers Boothe como Jacques d'Arc
- Neil Patrick Harris como Rei Carlos VII de Francia
- Maury Chaykin como Sir Robert de Baudricourt
- Olympia Dukakis como Madre Babette
- Jonathan Hyde como John de Lancaster, duque de Bedford
- Robert Loggia como Monet
- Shirley MacLaine como Madame de Beaurevoir
- Peter O'Toole como Bispo Pierre Cauchon
- Maximilian Schell como Jean le Maistre
- Peter Strauss como La Hire
- Chad Willett como Jean de Metz
- Ron White como Jean de Dunois
- Jaimz Woolvett como Philip III
- Ted Atherton como Jean d'Estivet
- Robert Haley como Georges de la Trémoille
- Chandra Engstrom como Xoana de pequena
Notas
[editar | editar a fonte]- ↑ "Xoana de Arco na TVG". Diario Siglo XXI. 6 de outubro de 2011. Arquivado dende o orixinal o 30 de maio de 2015. Consultado o 29 de marzo de 2013.
Véxase tamén
[editar | editar a fonte]Ligazóns externas
[editar | editar a fonte]- Ficha na IMDb (en inglés)
- Ficha en Filmaffinity (en castelán)
