Fathia Nkrumah
| Ein sex anaa gender | female  |
|---|---|
| Country wey e be citizen | Egypt, Ghana |
| Name in native language | فتحية حليم رزق |
| Birth name | Fathia Halim Ritzk |
| Name wey dem give am | Fathia |
| Family name | Rizk |
| Ein date of birth | 22 February 1932 |
| Place dem born am | Cairo |
| Date wey edie | 31 May 2007 |
| Place wey edie | Cairo |
| Manner of death | natural causes |
| Cause of death | stroke |
| Place wey dem bury am | Kwame Nkrumah Mausoleum |
| Spouse | Kwame Nkrumah |
| Kiddie | Samia Nkrumah, Sekou Nkrumah, Gamal Nkrumah |
| Native language | Egyptian Arabic |
| Languages edey speak, rep anaa sign | English, Arabic |
| Ein occupation | teacher, bank teller, politician |
| Position ehold | First Lady of Ghana |
| Educate for | Cairo University |
| Work location | Zeitoun |
| Political party ein member | Convention People's Party |
| Religion anaa worldview | Copts |
Halena Ritz Fathia Nkrumah (22 February 1932 - 31 May 2007),[1][2] born Fathia Halim Rizk, be Coptic Egyptian den First Lady give newly independent Ghana. Na she be de wife of Kwame Nkrumah, first presido for Ghana.
She be Coptic family wey she born Fathia Nkrumah, dem raise am for Zeitoun, district insyd Cairo. Na she be de first kiddie give one civil servant, buh he die early, so e be ein mummie wey raise am.[3]
Early Life den career
[edit | edit source]Dem born am Fathia Halim Rizk for Zeitoun, Cairo, for 1932 insyd. Na ein puppie dey job as clerk give Egyptian telephone company buh he die early. Ein mummie turn widow den raise Fathia alone. Fathia be de eldest among five children insyd de family.[4]
She go study French[5] for secondary school, as she plete she job as teacher give ein school insyd Zeitoun, Notre Dame des Apôtres. Na she no dey feel teaching like dat so she shun go job for Bank.
Marriage
[edit | edit source]One American journalist be wey dem bell am Frederick publish book give Fathia for 1967 insyd talk say Nkrumah talk ein paddy, Alhaji Saleh Said Sinare, say make he find am Christian shoddy make he marry. Na Alhaji Saleh Said Sinare be one of de first Ghanaian Muslims wey dem study for Egypt. Fathia dey mong dem five shoddies wey Alhaji pick.[5] Den Kwame Nkrumah propose say he go marry Fathia. Na Fathia ein mummie no dey gree say ein kiddie go lef de country again secof Fathia ein bro lef plus ein English wifey already.
Fathia talk say Nkrumah be one anti-colonial hero, like Nasser, buh ein mummie still no gree say she go talk plus am wey she no bless de marriage too. Nkrumah den Fathia marry for Christianborg Castle, wey dey Accra, de night dem dey celebrate 1957 New Year's Eve as she cam Ghana naa.[6]
As She lef Ghana den later life
[edit | edit source]Fathia Nkrumah born three kiddies as dem overthrow ein husby by de coup d'etat insyd Ghana for 24 February 1966.[7] She lef plus ein kiddies go Cairo as dem take ein husby go exile insyd Guinea.
Ein kiddies all go do politics. Ein daughter, Samia Nkrumah, turn de chairperson give Convention People's Party (CPP), dis party be Ghanaian political party wey ein puppie be de founder from 2011 to 2015.[8]
Death
[edit | edit source]Fathia die insyd Badrawy Hospital insyd Cairo for 31 May 2007. She get stroke as she suffer illness for long.[2]
Ein memorial mass happen for Coptic Orthodox Cathedral Church insyd Cairo wey Pope Shenouda III lead am for 1 June 2007. Dem take ein body go Ghana for funeral insyd de State House wey dem bury am next to ein husby for de Kwame Nkrumah Memorial Park. Na e be ein "lifelong request".[9]
Check dis too
[edit | edit source]- Ghana
- Kwame Nkrumah
- Samia Nkrumah
- List of Copts
References
[edit | edit source]- ↑ Reynolds, R. Harry (16 February 2007). "Fathia Nkrumah Unwell". Modern Ghana. Retrieved 13 May 2024.
- ↑ 2.0 2.1 "Fathia Nkrumah is dead". Ghana Web. 31 May 2007. Retrieved 13 May 2024.
- ↑ "How a beautiful and naive young Egyptian woman became Kwame Nkrumah's wife". GhanaWeb. 2022-04-30. Retrieved 2023-09-29.
- ↑ "Nkrumah, Fathia (c. 1931—)". Encyclopedia. 2002.
- ↑ 5.0 5.1 "The Insufficiency of Pan-Africanism as We Know It". The Nation. 7 July 2016. Archived from the original on 28 July 2018. Retrieved 20 August 2017.
- ↑ "Fathia : The Rock Of The Nkrumah Family". Modern Ghana. 18 September 2009. Retrieved 13 May 2024.
- ↑ "Fathia Nkrumah is dead - MyJoyOnline". www.myjoyonline.com. 2007-05-31. Retrieved 2024-05-13.
- ↑ "Samia wins heart of CPP guru". Modern Ghana. Retrieved 2021-09-17.
- ↑ "copticafrica.org :: Photo Gallery ::: Bishop Antonious Markos, Bishop of African Affairs of the Coptic Orthodox Church (COC) from Egypt being assisted by his members to officiate at the Burial Service. ::: Ghana Photos Online". Archived from the original on 2009-06-17. Retrieved 2009-06-13.