Այգեզարդ

Գյուղ
Այգեզարդ
Երկիր	Հայաստան
Մարզ	Արարատի մարզԱրարատի մարզ
Գյուղ	Արարատի մարզ
Գյուղապետ	Ազատ Ավետիսյան
Հիմնադրված է	1831 թ.
Այլ անվանումներ	Անաստասավան
Մակերես	8,64 կմ²
ԲԾՄ	870 մ
Պաշտոնական լեզու	Հայերեն
Բնակչություն	2994[1] մարդ (2011)
Ազգային կազմ	Հայեր
Կրոնական կազմ	Հայ Առաքելական եկեղեցի
Ժամային գոտի	UTC+4
Ավտոմոբիլային կոդ	25
Այգեզարդ (Հայաստան) Այգեզարդ (Արարատի մարզ)
Այգեզարդ Վիքիպահեստում

Այգեզարդ (նախկին անվանումները` Անաստասավան, Դարղալու), գյուղ Հայաստանի Հանրապետության Արարատի մարզի Արտաշատի տարածաշրջանում, Արտաշատ քաղաքից մոտ 3 կմ արևելք։ Վերանվանվել է Անաստասավան 1949 թ. դեկտեմբերի 1-ին, Այգեզարդ` 1957 թ. դեկտեմբերի 12-ին^[2]։

Պատմություն

Երկրորդ համաշխարհային պատերազմում զոհվծների հուշարձան Այգեզարդում

Ավետիս Հարությունյանի կիսանդրին Այգեզարդում

Նախկինում ունեցել է Անաստասավան, Դարղալը, Դարիդաղի, Դարղալու Վերին, Թազա Դարղալու անվանումները։ Գյուղը հիմնադրվել է 1831 թ.: Գտնվել է Շահումյան գյուղից ներքև դեպի Արաքսի ափ, որտեղ մինչև վերջերս պահպանվել էին մի քանի ավերակներ, իսկ գյուղի եկեղեցու ավերակների տեղում մի քանի հավատացյալներ 1970-ականներին մատուռ կառուցեցին։ Պատերազմի սկզբին գյուղը տեղահանվել է, մոտակայքում կառուցվել են պաշտպանական կառույցներ, փորվել են խրամատներ, իսկ տներում ապրել են զինվորներ։ Պատերազմից հետո գյուղը միացնում են Մասումլու հարևան գյուղին և վերանվանում Անաստասավան, ի պատիվ Անաստաս Միկոյանի, իսկ 1957 թ. նորից բաժանում և վերանվանում արդեն Այգեզարդ։

Բնակչություն

Ըստ 2005 թ-ի ազգային վիճակագրական ծառայության տվյալների համայնքի բնակչությունը կազմում է 3329 մարդ, որից 48% տղամարդիկ են, իսկ կանայք՝ 52%։ Մինչաշխատունակ տարիքի բնակչությունը կազմում է 23%, աշխատունակ տարիքի ներկայացուցիչները՝ 63%, հետաշխատունակները՝ 14%։

Այգեզարդի բնակչության փոփոխությունը ժամանակի ընթացքում՝ ստորև^[3].

Տարի	1831	1873	1908	1919	1931	1959	1970	1979	1989	2001	2011
Բնակիչ	535	789	1277	1350	1242	2627	2969	2984	3488[4]	3458	2994[1]

Տնտեսություն

Գյուղն ունի 926 տնտեսություն։ Համայնքի տնտեսության մասնագիտացման ճյուղը գյուղատնտեսությունն է, համախառն բերքի մեծ մասը տալիս է բուսաբուծությունը։ Բնակչությունը զբաղվում է այգեգործությամբ, բանջարաբուծությամբ, մեղվաբուծությամբ և դաշտավարությամբ։

Հասարակական կառույցներ

Ունի դպրոց, մշակույթի տուն, գրադարան, մանկապարտեզ։

Տես նաև

• Այգեզարդի պատմության և մշակույթի անշարժ հուշարձանների ցանկ

Ծանոթագրություններ

1. 2011 թ Հայաստանի մարդահամարի արդյունքները
2. «Հայաստանի և հարակից շրջանների տեղանունների բառարան», հտ. 1, էջ 226
3. «Հայաստանի հանրապետության բնակավայրերի բառարան, էջ 17» (PDF). Արխիվացված է օրիգինալից (PDF) 2014 թ․ սեպտեմբերի 12-ին. Վերցված է 2015 Մարտի 27-ին.
4. «Հայաստանի և հարակից շրջանների տեղանունների բառարան», հտ. 5, էջ 552

Վիքիպահեստն ունի նյութեր, որոնք վերաբերում են «Այգեզարդ» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 1, էջ 341)։