Գրուֆալոյի դուստրը
 անգլ.՝ The Gruffalo's Child | |
|---|---|
| Տեսակ | հեռուստաֆիլմ և կարճամետրաժ ֆիլմ |
| Ժանր | մուլտֆիլմ[1] |
| Հիմնված է | The Gruffalo's Child? |
| Ռեժիսոր | Uwe Heidschötter? |
| Սցենարիստ | Ջուլիա Դոնալդսոն |
| Երաժշտություն | René Aubry? |
| Երկիր | .svg){kind=small} Միացյալ Թագավորություն |
| Լեզու | անգլերեն |
| Դիստրիբյուտոր | Entertainment One, ADS Service[2] և Նեթֆլիքս |
| Տևողություն | 27 րոպե |
| Պրիկվել | Գրուֆալո (ֆիլմ) |
| Թվական | դեկտեմբերի 25, 2011[3], դեկտեմբերի 24, 2012[4] և հունիսի 9, 2016[2] |
Գրուֆալոյի դուստրը (անգլ.՝ The Gruffalo's Child), կարճամետրաժ անիմացիոն հեռուստատեսային ֆիլմ, «Գրուֆալո» ֆիլմի շարունակությունը։ Նկարահանվել է ըստ համանուն մանկական գրքի, որը բեսթսելլեր է դարձել Մեծ Բրիտանիայում և այլ երկրներում։
Ֆիլմի պրեմիերան կայացել է 2011 թվականի դեկտեմբերի 25-ին՝ Սուրբ Ծննդյան տոնին՝ BBC One հեռուստաալիքի եթերում, առաջին ֆիլմի ցուցադրումից երկու տարի անց։ Ֆիլմը նկարահանվել է գերմանացի սկսնակ ռեժիսորների մեկ այլ զույգի կողմից, բայց նույն ստուդիայում և նույն արտադրողների հետ (Մայքլ Ռոուզ և Մարտին Պոուպ)։ Ֆիլմը հնչյունավորվել է դերասանների կողմից, որոնք հայտնի են եղել առաջին մասից։ Պահպանվում են «Գրուֆալո» ֆիլմի ոճաբանությունը (հիմնված Ակսել Շեֆլերի նկարազարդումների վրա), ինչպես նաև` «շրջանակող» կառուցվածքը` պատմող Սկյուռիկի հետ։
Սյուժե
[խմբագրել | խմբագրել կոդը]Ձմռանը սկյուռիկները ձյան մեջ ոտնահետքեր են տեսնում և հարցնում իրենց մորը, թե ով է. միգուցե Գրուֆա՞լոն է։ Սակայն մայրիկն ասում է, որ Գրուֆալոյի համար հետքերը փոքր են և պատմում է հետևյալ պատմությունը։
Գրուֆալոյի դուստրը մշտապես տարվում է անտառով, և հայրիկ-Գրուֆալոն ասում է, որ ժամանակին անտառում հանդիպել է մկանը` հսկա, սարսափելի գազանին, որն ունի երկար պոչ, վառվող աչքեր և պողպատե բեղեր։ Այնուամենայնիվ, դա չի վախեցնում փոքրիկ Գրուֆալոյին, և մի ձմեռ, երբ հայրիկը քնած է լինում, նա գնում է անտառ։ Հերթով հանդիպելով Օձին (որն ունի երկար պոչ), Բվին (որն ունի դեղին վառվող աչքեր) և Աղվեսինը (որն ունի բեղեր), Գրուֆալոյի դուստրը համոզվում է, որ դրանք Մկնիկը չեն։ Ի վերջո, նրան սկսում է թվալ, որ ոչ մի մուկ գոյություն չունի։
Այս պահին նա ինքն է հանդիպում հենց Մկնիկին, տեսնում, որ այն շատ փոքր է և որոշում է ուտել նրան։ Սակայն նա խոստանում է նրան ցույց տալ Մեծ Սարսափելի գազանին և բարձրանում է պնդուկի թփի վրա։ Լուսինը դուրս է գալիս, և Մկնիկի հսկայական ստվերը հիշեցնում է նույն հրեշին։ Գրուֆալոյի դուստրը սարսափած փախչում է և վերադառնում էքարանձավ, հայրիկի մոտ։
Երբ Սկյուռիկը ավարտում է պատմությունը, ավագ սկյուռը ցույց է տալիս, թե որքան վարպետորեն է ինքը «Գրուֆալոյի հետքերը» պատկերում ձյան մեջ՝ պոչով և թաթերով։
Դերերը հնչյունավորել են
[խմբագրել | խմբագրել կոդը]- Հելենա Բոնեմ Կարտեր` Սկյուռ
- Կոլտրեյն Ռոբբի` Գրուֆալո
- Շիրլի Հենդերսոն` Գրուֆալոյի աղջիկը
- Թոմ Ուիլկինսոն` Աղվես
- Ջոն Հյորտ` Բու
- Ռոբ Բրայդոն` Օձ
- Ջեյմս Քորդեն` Մկնիկ
Մրցանակներ և առաջադրումներ
[խմբագրել | խմբագրել կոդը]- 2013 թվականին մասնակցել է Եվրոպական անիմացիոն և հեռուստատեսային նախագծերի միջազգային փառատոնին Կեչկեմետում, ստացել է մրցանակ լավագույն հեռուստատեսային նախագծի համար[5]։
Ծանոթագրություններ
[խմբագրել | խմբագրել կոդը]Արտաքին հղումներ
[խմբագրել | խմբագրել կոդը]- The Gruffalo’s Child մուլտֆիլմի էջը BBC Online կայքում
|
