| Թբիլիսի-Աղդամ ավտոբուսի պայթյուն | |
|---|---|
| Տեսակ | ահաբեկչական հարձակում պայթյունով |
| Տեղադրանք | Գյոյգյոլ |
| Տարեթիվ | 1990 |
Թբիլիսի-Աղդամ ավտոբուսի պայթյուն, ահաբեկչական գործողություն[1][2][3][4][5], պայթյուն, որը տեղի է ունեցել 1990 թվականի օգոստոսի 10-ին Գանձակից (Ադրբեջանական ԽՍՀ) 20 կմ հեռավորության վրա Թբիլիսի-Աղդամ երթուղով ուղևորվող ԼիԱԶ-677 ուղևորատար ավտոբուսում[1]։
60 ուղևոր տեղափոխող ավտոբուսի պայթյունի հետևանքով[2][3] զոհվել է 15[2]-20[4] մարդ, վիրավորվել՝ 16-30 մարդ[2][4]։
Ենթադրվում է, որ պայթյունը կազմակերպել են դաշնակների կողմից կազմակերպված Հայկական ընդհատակյա ահաբեկչական «Վրեժ» կազմակերպության անդամները, որի առաջին գործողությունը 1989 թվականի սեպտեմբերի 16-ին Թբիլիսի-Բաքու երթուղով ընթացող ավտոբուսի պայթյունն էր, որի հետևանքով զոհվել էր 5 մարդ, վիրավորվել՝ 27-ը[1][5]։
Ըստ ադրբեջանական լրատվամիջոցների ՝ ավտոբուսի պայթեցումը կատարել են Արմեն Միքայելի Ավանեսյանը և Միխայիլ Միքայելի Տաթևոսովը, որոնք ձերբակալվել են:1992 թվականի մայիսին Արմեն Ավանեսյանը դատապարտվեց մահապատժի, իսկ Միխայիլ Տաթևոսովը՝ 15 տարվա ազատազրկման։ Նշվում է նաև, որ քննության ընթացքում պարզվել է, որ հանցագործները ծրագրել են նաև 1991 թվականի հուլիսի 17-ին պայթեցնել Աղդամ-Թբիլիսի երթուղով անցնող ավտոբուսը, սակայն նրանցից անկախ պատճառներով չեն կարողացել ահաբեկչություն իրականացնել։ 1992 թվականի մայիսին Տերտերի շրջանում Տաթևոսովը փոխանակվել է ադրբեջանցի պատանդների հետ[4]։