Վյաչեսլավ Դմիտրիև

Վյաչեսլավ Դմիտրիև
Քաղաքացիությունը	Ռուսաստան
Ծննդյան ամսաթիվ	մայիսի 28, 1990(1990-05-28)[1] (34 տարեկան)
Ծննդավայր	Վյազմա, Սմոլենսկի մարզ, ՌԽՖՍՀ, ԽՍՀՄ
Դիրք	պաշտպան
Պատանեկան կարիերա
ՄՊՄԴ Վյազմա Տորպեդո (Մոսկվա)
Մասնագիտական կարիերա*
Տարի	Ակումբ	Խաղ	(Գոլ)
2005—2007 Վյազմա Սիրող. 2006 → Տորպեդո (Մոսկվա) 0 (0) 2008 Տորպեդո (Մոսկվա) 25 (0) 2009 Մոսկվա 0 (0) 2010—2011 Դինամո (Բրյանսկ) 22 (1) 2012—2013 Վիտյազ (Պոդոլսկ) 19 (0) 2013 Զիմբրու 10 (0) 2014—2017 Ռոսիչ Սիրող. 2018—2019 Փյունիկ 23 (0) 2019 Արարատ (Մոսկվա) 15 (2)
Ազգային հավաքական
2005—2007 Ռուսաստան (մինչև 17) 9 (0) 2008—2009 Ռուսաստան (մինչև 19) 17 (5) 2010—2011 Ռուսաստան (մինչև 21) 1 (0)
* Մասնագիտական կարիերայում ընդգրկված են միայն առաջնության խաղերը և գոլերը  ըստ 18.2.2020:

Վյաչեսլավ Սերգեևիչ Դմիտրիև (ռուս.՝ Вячеслав Сергеевич Дмитриев, մայիսի 28, 1990(1990-05-28)^[1], Վյազմա, Սմոլենսկի մարզ, ՌԽՖՍՀ, ԽՍՀՄ), ռուս ֆուտբոլիստ, պաշտպան։

Կենսագրություն

Ակումբային կարիերա

Վյազեմյան ֆուտբոլի սան է, առաջին մարզիչը Ալեքսեյ Վիկտորովիչ Չուբարովն է։ 15 տարեկան հասակում խաղադաշտ է դուրս եկել տեղի «Լոկոմոտիվ» ակումբի կազմում (հետագայում՝ «Վյազմա» ՖԱ), ինչպես նաև դարձել է երիտասարդական մրցաշարերի հաղթող և մրցանակակիր։ 2006 թվականին միացել է Մոսկվայի «Տորպեդո» ակումբի երկրորդ կազմին, այդ մրցաշրջանում երկրորդ առաջնությունում անցկացել է 3 խաղ։ Մոսկվայում մարզվել է Պյոտր Իվանովիչ Սեմշովի ղեկավարությամբ։ 2008 թվականին հայտարարվել է, որ Լոնդոնի «Արսենալը» հետաքրքրված է այդ պաշտպանով^[2]։

2008 թվականին՝ «Տորպեդոյի» բարձրագույն լիգայից դուրս մնալուց հետո, ֆուտբոլիստը նորամուտ է կատարել ակումբի հիմնական կազմ և մրցաշրջանի ընթացքում անցկացրել է 25 խաղ։ 2009 թվականին Տորպեդոն կորցրել է պրոֆեսիոնալ կարգավիճակը, և Դմիտրիևը տեղափոխվել է «Մոսկվա», սակայն խաղացել է միայն ակումբի երկրորդ կազմում (23 խաղ, 1 գոլ)։ Հաջորդ մեկուկես մրցաշրջաններում հանդես է եկել Առաջին դիվիզիոնի Բրյանսկի «Դինամո» ակումբի կազմում, իսկ 2012/13 մրցաշրջանն անցկացրել է Պոդոլսկի «Վիտյազում»։

2013/14 մրցաշրջանում հանդես է եկել Մոլդովայի առաջնությունում՝ Քիշնևի «Զիմբրույի» կազմում։ Բարձրագույն դիվիզիոնում նորամուտը կատարել է 2013 թվականի հուլիսի 27-ին «Շերիֆի» դեմ խաղում՝ 83-րդ րոպեին փոխարինելով իսպանացի Վելինգտոնին^[3]։ «Զիմբրույի» կազմում ընդհանուր առմամբ անցկացրել է 10 խաղ, դրանցից միայն 3-ը՝ ամբողջությամբ, և ձմեռային ընդմիջման ժամանակ հեռացել է թիմից։

2014 թվականին հանդես է եկել սիրողական մակարդակում՝ Մոսկվայի «Ռոսիչ» ավանի ակումբում։ 2017 թվականին Մոսկվայի «Ավանգարդ» ակադեմիայում աշխատել է որպես երեխաների մարզիչ^[4]։

2018-2019 թվականներին հանդես է եկել Հայկական «Փյունիկում»^[5]։

Կարիերան հավաքականում

2005 թվականին հրավիրվել է Ռուսաստանի պատանեկան և երիտասարդական հավաքական^[6][7]։ 2010 թվականին մասնակցել է Համագործակցության գավաթին^[8]։ Տարբեր տարիքայինների հավաքականներում անցկացրել է 25 խաղ և խփել 5 գոլ։

Անձնական կյանք

Ավարտել է Սմոլենսկի պետական ակադեմիայի ֆիզիկական կուլտուրայի, սպորտի և տուրիզմի բաժինը։

Հայրը՝ Սերգեյ Վիկտորովիչը (ծնվ. 1965), եղել է ֆուտբոլիստ և երկար տարիներ խաղացել «Լոկոմոտիվ» (Վյազմայի) կազմում՝ պաշտպանի դիրքում^[9]։

Ծանոթագրություններ

1. Transfermarkt.com(բազմ․) — 2000.
2. Молодой россиянин перешел в «Арсенал»
3. Матч Шериф — Зимбру. soccerway.com
4. «НАША КОМАНДА». Արխիվացված է օրիգինալից 2020 թ․ օգոստոսի 13-ին. Վերցված է 2020 թ․ օգոստոսի 21-ին.
5. «Vyacheslav Dmitriev - профиль игрока 18/19» (ռուսերեն). Վերցված է 2018 թ․ օգոստոսի 7-ին.
6. Семь футболистов «Москвы» получили вызов в различные сборные
7. Объявлен состав молодежной сборной России на товарищеский матч с Италией
8. Три игрока «Москвы» вызваны в сборную клубов России для участия в Кубке Содружества
9. Ֆուտբոլիստի էջը FootballFacts.ru կայքում

Արտաքին հղումներ

• Հարցազրույց Վյաչեսլավ Դմիտրիևի հետ
• Սա — Ֆուտբոլային գործակալություն(չաշխատող հղում)