Merry Christmas II You, ամերիկացի երգչուհի Մրայա Քերիի երկրորդ տոնական սուրբծննդյան և տասներեքերորդ ստուդիական ալբոմը։ 2010 թվականի նոյեմբերի 2-ին Island Recordsլեյբլը թողարկել է ալբոմը, որը զբաղեցրել է ամերիկյան Billboard 200հիթ-շքերթի չորրորդ հորիզոնականը և գլխավորել է երկու այլ հիթ-շքերթներ՝ Top R & B/Hip-Hop Albums և Holiday Albums։
Ալբոմը դրական արձագանքների է արժանացել։ Հիմնվելով միավորների հանրագումարի վրա, ըստ Metacritic կայքի, երգչուհու նոր ալբոմը 100-ից ստացել է 60 միավոր[1]։ Արձագանքների թվում են․ About.com (Բիլ Լամբը գովաբանել է ալբոմը՝ գրելով, որ «Մրայա Քերին իսկապես գլուխ է հանում սուրբծննդյան ալբոմներից»)[2], Joey Guerra of the Houston Chronicle (Joey Guerra-ն գովաբանել է նրան այն բանի համար, որ կարողացել է փոխանցել «նույն հմայությունը», ինչ իր նախորդ սուրբծննդյան «Merry Christmas» ալբոմում, և որ օրգինալ երգերը «սերտորեն» տեղավորվում են սուրբծննդյան դասականների մեջ: «Այստեղ բավականաչափ քաղցր ոգի կա, որպեսզի արձակուրդները լինեն զվարճալի, երաժշտական և աշխույժ»)[3], AllMusic (Սթիվեն Թոմաս Էրլևայնը նշել է, որ չորս նոր օրիգինալ կոմպոզիցիաներ ալբոմին տվել են «կենդանի ժամանակակից զգացողություն»)[4], BBC[5], Rolling Stone[6], Slant Magazine[7], The Village Voice[8]։
Ալբոմը առաջնաելույթ է ունեցել ամերիկյան Billboard 200 հիթ-շքերթի չորրորդ հորիզոնկանում՝ 55,000 տպաքանակով[9]։ Այն դարձել է երգչուհու 16-րդ ձայնասկավառակը, որը հայտնվել է ԱՄՆ-ի լավագույն տասնյակում, և դարձել է պատմության մեջ երրորդ երգչուհին այդ ցուցանիշով՝ զիջելով միայն Մադոննային 19 սկավառակով և Բարբրա Ստրեյզանդին՝ 30 սկավառակով[9]։ Նաև գլխավորել է երկու այլ հիթ-շքերթներ՝ Top R&B / Hip-Hop Albums և Holiday Albums[10][11]։ 2011 թվականի հունվարի 11-ին ավելի քան 0,5 միլիոն օրինակ տպաքանակով ալբոմը ստացել է «Recording Industry Association of America (RIAA)» ոսկե հավաստագիրը[12]։ 2018 թվականի նոյեմբերին ԱՄՆ-ում վաճառվել է 587,000 օրինակ[13]։