The Great Escape (համակարգչային խաղ, 2003)

The Great Escape
ՄշակողPivotal Games
ՀրատարակիչGotham Games

(Հյուսիսիային Ամերիկա)
SCi Games
(Եվրոպա)
Marvelous Entertainment
(Ճապոնիա)
ԴիստրիբյուտորMGM Interactive
ՎայրՖրանսիա
Թողարկման թվականՀուլիսի 23, 2003

(Հյուսիսիային Ամերիկա)
Օգոստոսի 29, 2003
(Եվրոպա)

Սեպտեմբերի 12, 2003

(Եվրոպա, PC տարբերակ)
Սեպտեմբերի 12, 2003

(Ճապոնիա, PS1 տարբերակ)
ՊլատֆորմներXbox[1], Playstation 2[1] և Windows
Ժանրարկածային մարտախաղ, ստելթ էքշըն
Խաղի ռեժիմմիակառավարելի խաղ
Տարիքային
վարկանիշներ
ԿրիչDVD
ԿառավարումՍտեղնաշար և մկնիկ

«The Great Escape» (թարգմ.՝ «Մեծ փախուստ»), բրիտանական «Pivotal Games» ստուդիայի կողմից մշակված արկածային համակարգչային խաղ։ Թողարկվել է 2003 թվականին՝ «PlayStation 2», «Xbox» և «Microsoft Windows» համակարգչային պլատֆորմերի վրա։ Հիմնված է 1963 թվականին նկարահանված «Մեծ փախուստ» գեղարվեստական կինոնկարի վրա։

Սյուժե

[խմբագրել | խմբագրել կոդը]

Խաղում առկա են չորս խաղացվող կերպարներ (պրոտագոնիստներ), որոնցից յուրաքանչյուրն օժտված է հատուկ ունակությամբ։ Խաղի հերոսներն են Մաքդոնալդը, ով վարժ տիրապետում է գերմաներեն լեզվին և այդ կերպ կարող է ծպտվել որպես ֆիշիստական բանակի զինվորական, Հենդլին, ով կարողանում է աննկատելիորեն կարևոր փաստաթղթեր, բանալիներ և այլ առարկաներ գողանալ, Հիլթսը, ով ճարպկորեն կարողանում է հաղթահարել ամուր փակված դռների խոչընդոտը և Սեդվիկը, ում մոտ էլ լավ է ստացվում մեխանիկական սարքավորումներ պատրաստելը։ Հիլթսը և Հենդլին ամերիկացիներ են, ընդ որում վերջինս ծառայության էր անցել Բրիտանական արքայական ուժերում, այն ժամանակ, երբ իր երկիրը դեռ չէր մասնակցում Երկրորդ աշխարհամարտում։ Մաքդոնալդը շոտլանդացի էր, իսկ Սեդվիկը՝ ավստրալիացի։

Խաղը բաղկացած է 18 մակարդակներից (լևել), որոնցում նկարագրվող դեպքերի մեծ մասը ֆիլմում առկա չէ։ Խաղում ցուցադրվում է նաև որոշ կերպարների՝ նախկինում կատարած փախուստի փորձերը։ Փոփոխված է նաև հանգուցալուծումը, ըստ որի՝ բոլոր կերպարները հաջողությամբ կարողանում են փախչել ռազմագերիների ճամբարից, այնինչ ֆիլմում միայն Սեդվիկին է հաջողվում ողջ և առողջ հասնել ապահով տեղ, Մաքդոնալդը մահապատժի է ենթարկվում, իսկ Հիլթսին և Հենդլիին ետ են բերում ճամբար։ Բացի այդ խաղի կազմի վրա պատկերված է Հիլթսը՝ ատրճանակով, այնինչ խաղում տվյալ կերպարի մոտ երբեք ատրճանակ չի հայտնվում։

Քննադատություն

[խմբագրել | խմբագրել կոդը]

Խաղային քննադատների շրջանում խաղն արժանացել է «միջին» գնահատականի[2][3][4]։

Գնահատականներ

[խմբագրել | խմբագրել կոդը]
  • 10/20 ( Jeuxvideo.com )
  • 5/10 ( IGN )
  • 6.1 / 10 ( GameSpot )

Ծանոթագրություններ

[խմբագրել | խմբագրել կոդը]
  1. ↑ 1,0 1,1 Redump.org — Europe.
  2. ↑ «The Great Escape for PlayStation 2 Reviews». Metacritic. Վերցված է 2016 թ․ դեկտեմբերի 8-ին.
  3. ↑ «The Great Escape for Xbox Reviews». Metacritic. Վերցված է 2016 թ․ դեկտեմբերի 8-ին.
  4. ↑ «The Great Escape for PC Reviews». Metacritic. Վերցված է 2016 թ․ դեկտեմբերի 8-ին.

Արտաքին հղումներ

[խմբագրել | խմբագրել կոդը]