XXI դարի 21 դասերը
XXI դարի 21 դասերը եբրայերեն՝ 21 מחשבות על המאה ה-21 | |
|---|---|
 | |
| Հեղինակ | Յուվալ Նոյ Հարարի |
| Տեսակ | գրական ստեղծագործություն |
| Ժանր | էսսե |
| Թեմա | պատմություն |
| Բնօրինակ լեզու | եբրայերեն |
| Նախորդ | Հոմո դեուս: Վաղվա համառոտ պատմությունը |
| Երկիր |  Իսրայել |
| Հրատարակման տարեթիվ | 2018 |
| OCLC | 1047736857 |
«XXI դարի 21 դասերը» (,21 מחשבות על המאה ה-21 եբրայերենից՝ «21 միտք 21-րդ դարի մասին»), իսրայելցի պրոֆեսոր, ռազմական պատմաբան Յուվալ Նոյ Հարարիի երրորդ գիրքը։
Նկարագրություն
[խմբագրել | խմբագրել կոդը]«Sapiens․ Մարդկության համառոտ պատմությունը» (2011) գրքում դիտարկելով հեռավոր անցյալը, իսկ «Homo Deus․ Վաղվա համառոտ պատմությունը» (2016) գրքում՝ հեռավոր ապագան, իր երրորդ գրքում գիտնականն անդրադարձել է ներկային։ Էսսեների ընդարձակ ժողովածուում, որոնցից շատերը հիմնված են նախկինում հրտարակված հոդվածների վրա[1], նա փորձել է հասկանալ տեխնոլոգիական, քաղաքական, սոցիալական և էքզիստենցիալ խնդիրները, որոնց բախվել է մարդկությունը 21-րդ դարում։
Ստեղծագործությունը պարունակում է 21 էսսե, որոնք միավորված են 5 մասում՝ տեխնոլոգիական մարտահրավեր, քաղաքական մարտահրավեր, հուսահատություն և հույս, ճշմարտություն, մտածողության ճկունություն։
Կարծիքներ
[խմբագրել | խմբագրել կոդը]Գիրքը զանգվածային լրատվամիջոցների կողմից լայն ուշադրության է արժանացել «Նյու Յորք Թայմս», «The Economist», «Financial Times», «The Guardian», «New Statesman», «Թայմս» և այլ թերթերում հրատարակված հոդվածների և դիտարկումների շնորհիվ։
Նյու Յորք Թայմս թերթում Բիլ Գեյթսը գիրքն անվանել է «հետաքրքրաշարժ», իսկ գրքի հեղինակին՝ «այնպիսի խթանող, որ նույնիսկ, երբ ես համաձայն չէի նրա հետ, ցանկանում էի շարունակել կարդալ և մտածել»։ Ըստ Գեյթսի՝ Հարարիին «քննադատական գլոբալ խոսակցություն է սկսել 21-րդ դարի խնդիրների լուծման շուրջ»[2]։ «Financial Times»-ից Ջոն Թորնհիլի կարծիքով շատ ընթերցողներ նոր գրքում կզգան նախորդ երկու գրքերից վերամշակված գաղափարներ[3]։ «The Guardian»-ից Հելեն Լյուիսի ակնարկը զուսպ է, չնայած նա հիանում է աշխատանքի պատվախնդրությամբ և ընդգրկունությամբ[1]։
Բացասական գրախոսականների թվում է հայտնվել բրիտանական «New Statesman»-ից Գևին Ջեկոբսոնը։ Նա գիրքը նկարագրել է որպես խոստումներով հագեցած ուսումնասիրություն, որը որևէ բովանդակային ուղեցույց տալու համար չափազանց անորոշ է կամ չափազանց դատարկ[4]։ «The Times»-ում Ջերարդ Դե Գրոոտը գրել է. ««Sapiens»-ի հեղինակը լավ է բացահայտել առաջիկա ճգնաժամերը, սակայն նրա օշարակատիպ պարզությունները պատասխան չեն տալիս»[5]։
Ծանոթագրություններ
[խմբագրել | խմբագրել կոդը]- ↑ 1,0 1,1 Lewis, Helen (15 августа 2018). «21 Lessons for the 21st Century by Yuval Noah Harari review – a guru for our times?» (անգլերեն). The Guardian. Վերցված է 2019 թ․ հոկտեմբերի 6-ին.
- ↑ Gates, Bill (2018 թ․ սեպտեմբերի 4). «What Are the Biggest Problems Facing Us in the 21st Century?» (անգլերեն). The New York Times. Վերցված է 2019 թ․ հոկտեմբերի 6-ին.
- ↑ Thornhill, John (10 августа 2018). «Are humans too flawed to survive the 21st century?» (անգլերեն). Financial Times. Վերցված է 2019 թ․ հոկտեմբերի 6-ին.
- ↑ Jakobson, Gavin (2018 թ․ օգոստոսի 22). «Yuval Noah Harari's 21 Lessons for the 21st Century is a banal and risible self-help book» (անգլերեն). The New Statesman. Վերցված է 2019 թ․ հոկտեմբերի 6-ին.
- ↑ DeGroot, Gerard (2018 թ․ օգոստոսի 11). «Review: 21 Lessons for the 21st Century by Yuval Noah Harari — nuclear war? Let's meditate instead» (անգլերեն). The Times. Վերցված է 2019 թ․ հոկտեմբերի 6-ին.
Արտաքին հղումներ
[խմբագրել | խմբագրել կոդը]- «XXI դարի 21 դասերը» գիրքը Նյումագ հրատարակչության կայքում
| ||||||
