Ալբերտ Ավդոլյան

Ալբերտ Ավդոլյան
Ծնվել էնոյեմբերի 8, 1970(1970-11-08) (54 տարեկան)
ԾննդավայրԿրասնոդար, ՌԽՖՍՀ, ԽՍՀՄ
Քաղաքացիություն ԽՍՀՄ և  Ռուսաստան
Մասնագիտությունգործարար
Պարգևներ և
մրցանակներ
«Հայրենիքին մատուցած ծառայությունների համար» շքանշան (Հայաստան)
Կայքexpatel.ru

Ալբերտ Ավդոլյան (ռուս.՝ Альберт Аликович Авдолян, նոյեմբերի 8, 1970(1970-11-08), Կրասնոդար, ՌԽՖՍՀ, ԽՍՀՄ), ռուս գործարար, աշխատում է հեռահաղորդակցության ոլորտում։ ՍԿԱՐՏԵԼ ընկերության հիմնադիր և սեփականատեր, որը զբաղվում է Mobile WiMAX հեռահաղորդակցական տեխնոլոգիաների, ինչպես նաև Yota ընկերության բաժնետոմսերի սեփականատեր։ Նա և Սերգեյ Ադոնևը Ռուսաստանի շուկայում համարվում են  4G տեխնոլոգիայի առանցքային խաղացողներից[1]։

Վաղ կարիերա և անձնական կյանք

[խմբագրել | խմբագրել կոդը]

1999 թվականին Ավդոլյանը ձեռք է բերել «Ուսոլյեքիմպրոմ» ռուսական քիմիական ընկերության բաժնետոմսերի 15 %[2]։ 2003 թվականից հանդիսանում է Գազպրոմի դուստր ձեռնարկության՝ Գազկոմպլեկտսերվիս արտադրական սարքավորումների ընկերության արտադրության  բաժնետերը[3]։

Ավդոլյանը ամուսնացած է, ունի 4 երեխա։ Ըստ ամերիկյան լրատվամիջոցների,2009 թվականին  կնոջ հետ 13 մլն դոլարով ձեռք է բերել շքեղ առանձնատուն Բևեռլի Հիլզում[4]։

«Էքսպատել» ՍՊԸ

[խմբագրել | խմբագրել կոդը]

2009 թվականի հոկտեմբերին Ալբերտ Ավդոլյանը[5]  Իգոր Յուզեֆովիչի հետ միասին հիմնել է  Էքսպատել ընկերությունը[6][7], Mobile WiMAX (4G) ինտերնետ-տեխնոլոգիաների առաջնորդներից մեկը։

2010 թվականին «Էքսպատել» ընկերությունը ուներ վաճառքի ավելի քան 600 գրասենյակ ողջ Ռուսաստանում, այն առաջին ռուսական ընկերությունն էր, որը զբաղվում էր մեծածախ վաճառքով։ Այսօրվա դրությամբ ընկերության գործունեությունը ընդգրկում է երեք դաշնային օկրուգ՝ Կենտրոնական, Հարավային և Ուրալի։  2010 թվականին 6 ամսվա ընթացքում եթեր դուրս է բերվել  կապի և ՊՆ-ի ավելի քան 500 օբյեկտներ, կիրառվում են շահագործման նոր մեթոդներ, մեկնարկել է ծառայությունների մատուցման ֆիքսված կապի գործընթացը։

Yota

[խմբագրել | խմբագրել կոդը]

2007 թվականին Telconet Capital հիմնադրամի սեփականատերեր Ալբերտ Ավդոլյանը և Սերգեյ Ադոնյեվը հիմնել են հեռուստահաղորդակցության «Սկարտել» ընկերությունը[8]։ 2008 թվականին Yota ընկերության բրենդի տակ Ռուսաստանում առաջին անգամ Մոսկվայում և Սանկտ Պետերբուրգում WiMAX տեխնոլոգիայով գործարկվել է անլար լայնաշերտ ինտերնետ կապ։ 2009 թվականին Yota ցանցը գործարկվել է Ուֆայում, Կրասնոդարում, Սոչիում, Նիկարագուայում և Բելոռուսում։ Հոկտեմբերի արդյունքներով ընկերությունը վաստակել է 6 մլն $, դեկտեմբերին ընկերության ծառայություններից օգտվում էր արդեն 250 000 մարդ։ 2010 թվականին Yota -ն տեստային ռեժիմով LTE ստանդարտով գործարկել է առաջին ռուսական ցանցը, և 2011 թվականին ընկերությունը դարձել է Ռուսաստանի առաջին LTE օպերատորը։ 2013 թվականին Yota ցանցը հասանելի էր Ռուսաստանի 26 քաղաքներում[9]։

2008 թվականին «Ռոստեխ» ընկերությունը գնել է «Սկարտելի» ակցիաների 25,1%-ը։ 2012 թվականին «Մեգաֆոնը» և «Սկարտելը» միավորել են ակտիվները Garsdale Services հոլդինգի կազմում։ 2013 թվականին Garsdale-ը գնել է Telconet հիմնադրամից իր սեփական 13,5% ակցիաները, որի սեփականատերը այդ ժամանակ արդեն միայն Ալբերտ Ավդոլյանն էր[10]։

Վառելիքային և էներգետիկ արդյունաբերություն

[խմբագրել | խմբագրել կոդը]

2019 թվականին Ալբերտ Ավդոլյանի «Ա-Պրոպերտի» ընկերությունը դարձել է Յակուտական վառելիքաէներգետիկ ընկերության (ՅաՎԷԸ) սեփականատեր[11]։

2020 թվականի ապրիլին «Ա-Պրոպերտին» «Մեչել» ընկերությունից 89 մլրդ դոլարով գնել է 51%-ի մասնաբաժին «Էլգաուգոլ», «Էլգա-դորոգա» և «Մեչել Տրանս վոստոկ» ընկերություններում, ածխային Էլգինյան հանքերի օպերատորներից[12]։ Դեկտեմբերին «Ա-Պրոպերտին» 45 միլիարդ ռուբլիով «Գազպրոմբանկից» գնել է Էլգինյան նախագծի 49%-ը և դարձել Էլգինյան ածխային համալիրի ակտիվների 100%-ի սեփականատերը[13]։

2022 թվականի հուլիսին «Ա-Պրոպերտի Զարգացում»-ը դարձել է «Սիբանտրացիտ» խմբի 100%-անոց սեփականատերը, որի մեջ մտնում էին «Սիբիրյան անտրացիտ» («Սիբանտրացիտ»), «Ռազրեզ արևելյան» և «Ռազրեզ Կիյզասսկի» ընկերությունները[14]։ Օգոստոսին Ալբերտ Ավդոլյանը հայտարարեց «Էլգաուգոլ» և «Սիբանտրացիտ» ընկերությունների ածխային ակտիվների միավորման մասին «ՈւԿ Էլգա-Սիբանտրացիտ» ՓԲԸ -ի կազմում (ԷԼՍԻ), որը կմտնի Ռուսաստանում ածխի արդյունահանման եռյակի մեջ[15]։

Բարեգործություն

[խմբագրել | խմբագրել կոդը]

2013 թվականին հիմնել է հաշմանդամ երեխաներին, որբերին և ծանր հիվանդներին օգնության Նոր տուն բարեգործական հիմնադրամը, Իրկուտսկում հիմնում է Խելացի դպրոց կրթահամալիրը խնամատար ընտանիքների համար[16]։

Ծանոթագրություններ

[խմբագրել | խմբագրել կոդը]
  1. ↑ How Russia became a Wimax superpower, Groundreport
  2. ↑ Usoliekhimport Արխիվացված 2012-03-24 Wayback Machine, Russian Chamber
  3. ↑ Neftegazkomplekt Official Site
  4. ↑ Albert Avdolyan buying agreement, Blockshopper
  5. ↑ How Albert Avdolyan became a key player in Russian Internet business Արխիվացված 2012-03-21 Wayback Machine, Cplash
  6. ↑ Albert Avdolyan Expatel’s 4G success story, Allvoices
  7. ↑ Елизавета Серьгина. (2012 թ․ դեկտեմբերի 12). «Как только Альберт Авдолян стал совладельцем «Мегафона», созданный при его участии бизнес пошел в гору». Ведомости.
  8. ↑ «Avdolyan Albert» (անգլերեն). TAdviser — person. Վերցված է 2023 թ․ հոկտեմբերի 26-ին.
  9. ↑ «Ретроспектива. 10 лет Yota и 10 любопытных фактов о компании» (ռուսերեն). Habr — новость. Վերցված է 2023 թ․ հոկտեմբերի 26-ին.
  10. ↑ «У создателя Yota и YotaPhone неожиданно сменились владельцы» (ռուսերեն). CNews — новость. Վերցված է 2023 թ․ հոկտեմբերի 26-ին.
  11. ↑ «Основатель Yota создаст в Якутии промышленный кластер» (ռուսերեն). Lenta.ru — новость. Վերցված է 2023 թ․ հոկտեմբերի 26-ին.
  12. ↑ «Mechel closes sale of 51% of Elga Coal Complex for 89 bln rubles» (անգլերեն). Interfax — new. Վերցված է 2023 թ․ հոկտեմբերի 26-ին.
  13. ↑ «Gazprombank completes sale of 49% stake in Elga coal project» (անգլերեն). AK&M Information Agency — new. Վերցված է 2023 թ․ հոկտեմբերի 26-ին.
  14. ↑ «Russia's A-Property acquires UHG anthracite and met coal producer Sibanthracite» (անգլերեն). SteelOrbis — new. Վերցված է 2023 թ․ հոկտեմբերի 26-ին.
  15. ↑ «A-Property to merge the management of its coal assets» (անգլերեն). World Coal — new. Վերցված է 2023 թ․ հոկտեմբերի 26-ին.
  16. ↑ «Умную школу» по проекту датских архитекторов построят в Иркутске

Արտաքին հղումներ

[խմբագրել | խմբագրել կոդը]