Ահաբեկչություն Բանի Սաադում | |
---|---|
Տեսակ | ահաբեկչական ակտ, զանգվածային սպանություն և suicide car bombing? |
Երկիր | Իրաք |
Տեղադրանք | Khan Bani Saad City? |
Տարեթիվ | հուլիսի 17, 2015 |
Զոհվածներ | 125 ± 10 մարդ |
Վիրավորներ | 130[1] |
Ահաբեկչություն իրաքյան Բանի Սաադում, տեղի է ունեցել 2015 թվականի հուլիսի 20-ին՝ տեղական ժամանակով մոտավորապես 8-ին, Ռամադան սրբազան ամսվա տոնակատարության ժամանակ։ 120 կամ 130 մարդ է զոհվել և առնվազն 130-ը վիրավորվել։ Բանի Սաադը գտնվում է մայրաքաղաք Բաղդադից 20 կմ հեռավորության վրա։
Մուսուլմանների համար սուրբ Ռամադան ամսվա ավարտի օրը մարդկանց կողմից լեփ-լեցուն շուկայում սառույցի փոխադրման բեռնատար է պայթեցվել։ Բեռնատարում, ըստ որոշ տվյալների, երեք տոննա պայթուցիկ է եղել։ Ռումբը գործի է դրել մահապարտ ահաբեկիչը։ Զոհերի և տուժածների թվում կան բազմաթիվ կանայք և երեխաներ։ Պայթյունի ուժգնությունը եղել է այնպիսին, որ զոհվածների մարմինների մի մասը տարածվել է մերձակա տների տանիքներին։
Բանի Սաադի ահաբեկչության պատասխանատվությունը պաշտոնապես ստանձնել է «Իսլամական պետություն» խմբավորումը։
Ռուսաստանի նախագահ Վլադիմիր Պուտինը ցավակցություն է հայտնել Իրաքի իշխանություններին, զոհվածների ընտանիքներին և տուժածներին։ Նախագահը հաստատել է Իրաքի ժողովրդի հետ շարունակական աջակցությունն ու համերաշխությունը ծայրահեղականության դեմ նրա երկարատեւ և ծանր պայքարում[2]։
ՄԱԿ-ի գլխավոր քարտուղար Պան Կի Մունը դատապարտել է ահաբեկչությունը և հույս հայտնել, որ հանցագործության բոլոր մեղավորները պատասխանատվության կենթարկվեն[3]։