Բերգիանական բուսաբանական այգի

Բերգիանական բուսաբանական այգի
Տեսակ	բուսաբանական այգի և ճարտարապետական անսամբլ
Կազմված է	Victoria greenhouse?, Edvard Andersons greenhouse?, Gustavsborg? և Wittrock tower?
Երկիր	Շվեդիա[1]
Վարչատարածք	Ստոկհոլմ
Հիմնվել է	1899[1]
Անվանված է	Պետեր Յոնաս Բերգիուս և Բենգտ Բերգիուս

Բերգիանական բուսաբանական այգի (շվեդ.՝ Bergianska trädgården), Շվեդիայի մայրաքաղաք Ստոկհոլմի հյուսիսում գտնվող բուսաբանական այգի։ Տեղակայված է Շվեդիայի բնական պատմության թանգարանի մոտակայքում և հանդիսանում է Ստոկհոլմի համալսարանի հիմնական կամպուսը։ Բուսաբանական այգու տնօրենը հայտնի է որպես Բերգիանական պրոֆեսոր^[2]։

Պատմություն

Բերգիանական բուսաբանական այգին հիմնադրվել է 1791 թվականին Bergielund այգու տարածքում պատմաբան Բենգտ Բերգիուսի (1723-1784) և նրա եղբոր՝ բուսաբան Պետեր Յունաս Բերգիուսի (1730-1790) կալվածքում, որը գտնվում է Ստոկհոլմի կենտրոնում ժամանակակից Վասաստադենի շրջանի Karlbergsvägen փողոցում։ Նրանց մահից հետո կալվածքը հանձնվեց Շվեդիայի թագավորական գիտությունների ակադեմիային։

Այգին իր ներկայիս գտնվելու վայրն է տեղափոխվել 1885 թվականին տնօրեն Վեյթ Բրեխեր Վիտտրոկի ղեկավարման ժամանակ, որն էլ այգուն տվել է իր ժամանակակից տեսքը^[3]։

Նկարագրություն

Այգին գտնվում է Ստոկհոլմի հյուսիսում՝ Ստոկհոլմի համալսարանի և Շվեդիայի բնական պատմության թանգարանի հարևանությամբ։ 1980-ական թվականներից բուսաբանական այգու մի մասը պատկանում է Ստոկհոլմի համալսարանին։

Այգում ներկայացված են ավելի քան 7 հազար տարբեր տեսակի բույսեր։ 1900 թվականից այգում բացվեց ջրային մերձարևադարձային բույսերի Վիկտորիա ջերմոցը։ Այգու տարածքում է գտնվում նաև Էդվարդ Անդերսոնի անվան ջերմոցը։ 1991 թվականին այգու հիմնադրման 200-ամյակի կապակցությամբ հիմնադրվեց «Ճապոնական լճակը»։ 2010 թվականից այգում գործում է ճահճային բուսատեսակների ցուցադրությունը։

Բերգիանական պրոֆեսորներ

Բերգիուս եղբայրների կտակի համաձայն բուսաբանական այգու տնօրենները միաժամանակ համարվում են պրոֆեսորներ։

• 1791- 1818 - Պետեր Ուլոֆ Սվարց
• 1823- 1856 - Յուհան Էմանուել Վիկստրյոմ
• 1857- 1879 - Նիլս Յուհան Անդերսոն
• 1879- 1914 - Վեյթ Բրեխեր Վիտտրոկ
• 1915- 1944 - Ռոբերտ Էլիաս Ֆրիս
• 1944- 1965 - Կարլ Ռուդոլֆ Ֆլորին
• 1970- 1983 - Մոնս Ռյուբերգ
• 1983- 2001 - Բենգտ Էդվարդ Յունսել
• 2002 թվականից - Բիրգիտտա Բրեմեր

Պատկերասրահ

• 
  Էդվարդ Անդերսոնի ջերմոց
• 
  Ճապոնական լճակ
• 
  Ճապոնական լճակ
• 
  Վիկտորիա ջերմոց
• 
  Վիկտորիա ջերմոց

Ծանոթագրություններ

1. Wiki Loves Monuments monuments database — 2017.
2. «Bergianska trädgården. Bergius Botanic Garden» (շվեդերեն). Stockholms universitet — Официальный сайт. Արխիվացված է օրիգինալից 2014 թ․ մարտի 1-ին. Վերցված է 2014 թ․ փետրվարի 23-ին.
3. «Bergius Botanic Garden» (անգլերեն). Stockholm University. Արխիվացված է օրիգինալից 2015 թ․ սեպտեմբերի 24-ին. Վերցված է 2014 թ․ փետրվարի 23-ին.

Վիքիպահեստն ունի նյութեր, որոնք վերաբերում են «Բերգիանական բուսաբանական այգի» հոդվածին։