Գալինա Կուկլևա

Գալինա Կուկլևա
Անձնական տեղեկություն
Սեռ՝	իգական
Մասնագիտացում	բիաթլոնիստ
Երկիր	Ռուսաստան
Ծննդյան ամսաթիվ	նոյեմբերի 21, 1972(1972-11-21) (52 տարեկան)
Ծննդավայր	Ishimbay, Բաշկիրական Խորհրդային Սոցիալիստական Ինքնավար Մարզ, ՌԽՖՍՀ, ԽՍՀՄ
Հասակ՝	176 սանտիմետր
Քաշ	66 կիլոգրամ
Պարգևներ Օլիմպիական խաղեր Ոսկի Նագանո 1998 սպրինտ 7,5 կմ Արծաթ Նագանո 1998 փոխանցավազք 4x7,5 կմ Բրոնզ Սոլթ Լեյք Սիթի 2002 փոխանցավազք 4х7,5 կմ Աշխարհի առաջնություններ Բրոնզ Օսրբլիե 1997 փոխանցավազք 4х7,5 կմ Արծաթ Կոնտիոլահտի 1999 փոխանցավազք 4х7,5 կմ Ոսկի Հոլմենկոլլեն 2000 փոխանցավազք 4х7,5 կմ Արծաթ Հոլմենկոլլեն 2000 զանգվ․ մեկնարկ 12,5 կմ Ոսկի Պոկլյուկա 2001 փոխանցավազք 4х7,5 կմ Ոսկի Խանտի Մասիյսկ 2003 փոխանցավազք 4х6 կմ Եվրոպայի առաջնություն Բրոնզ Վալ Ռիդաննա 1996 անհատ․ մրց․ 7,5 կմ Ոսկի Վալ Ռիդաննա 1996 փոխանցավազք3x7,5 կմ

Գալինա Ալեքսեևնա Կուկլևա (ռուս.՝ Галина Алексеевна Куклева, նոյեմբերի 21, 1972(1972-11-21), Ishimbay, Բաշկիրական Խորհրդային Սոցիալիստական Ինքնավար Մարզ, ՌԽՖՍՀ, ԽՍՀՄ), ռուս բիաթլոնիստ, Օլիմպիական խաղերի չեմպիոն և աշխարհի եռակի չեմպիոն։ ԽՍՀՄ սպորտի վարպետ (1990), Ռուսաստանի սպորտի վաստակավոր վարպետ (1998)։ ԽՍՀՄ (1990 թվականից) և Ռուսաստանի (1993 թվականից, մարզիչ՝ Լ. Գուրև) ազգային հավաքականների անդամ։

Իշիմբայ քաղաքի բիաթլոնի հանրապետական օլիմպիական ռեզերվի մանկապատանեկան մարզադպրոցի սան է։ Մարզիչը եղել է Վ. Նովոժիլովը։

2002-2003 մրցաշրջանի վերջում հայտարարել է պրոֆեսիոնալ սպորտից հեռանալու մասին։

Կարիերա

Ձմեռային օլիմպիական խաղեր

1998 թվականին Նագանոյում կայացած Ձմեռային օլիմպիական խաղերում Գալինա Կուկլևան 7,5 կմ սպրինտում դարձել է օլիմպիական չեմպիոն, ինչպես նաև Ռուսաստանի թիմի կազմում նվաճել է արծաթե մեդալ փոխանցումավազքում։ 2002 թվականի Ձմեռային օլիմպիական խաղերում փոխանցումավազքում դարձել է բրոնզե մեդալակիր։

Աշխարհի առաջնություններ

Գալինա Կուկլևան Ռուսաստանի թիմի կազմում երեք անգամ դարձել է աշխարհի չեմպիոն փոխանցումավազքում 2000, 2001 և 2003 թվականներին։ 2000 թվականին զանգվածային մեկնարկում և 1999 թվականին Օսլոյում նվաճել է արծաթե մեդալներ փոխանցավազքում։ 1997 թվականին փոխանցավազքում արժանացել է բրոնզե մեդալի։

Աշխարհի գավաթներ

Հաղթել է աշխարհի գավաթի 9 էտապներում (1996-2000, 2002-2003), նվաճել արծաթե (1996, 2000, 2002-2003) և բրոնզե (1993-1994, 1996-1999, 2002) մեդալներ։

Եվրոպայի առաջնություն

1996 թվականին դարձել է Եվրոպայի չեմպիոն փոխանցումավազքում։ 1996 թվականին սպրինտում նվաճել է բրոնզե մեդալ։

Աշխարհի և Եվրոպայի առաջնություններ (պատանեկան)

1990 թվականին դարձել է աշխարհի չեմպիոն, 1992 թվականին՝ աշխարհի առաջնության բրոնզե մեդալակիր։ 1991 թվականի Եվրոպայի առաջնությունում նվաճել է արծաթե մեդալ։

Ռուսաստանի առաջնություններ

1996 թվականին դարձել է Ռուսաստանի առաջնության արծաթե մեդալակիր։

1997 թվականին ճանաչվել է ամառային բիաթլոնի Ռուսաստանի չեմպիոն։

Կրթություն

Իշիմբայի թիվ 2 միջնակարգ դպրոցի շրջանավարտ է^[1]։ 1998 թվականին ավարտել է Տյումենի պետական համալսարանը։

Տյումենի պետական համալսարանի պրոֆեսոր է։

Պարգևներ և կոչումներ

• Պատվո շքանշան
• «Հայրենիքին մատուցած ծառայությունների համար» 2-րդ աստիճանի շքանշան (5 մայիսի, 2003) – ֆիզիկական կուլտուրայի և սպորտի զարգացման գործում ունեցած մեծ ավանդի, 2002 թվականին Սոլթ Լեյք Սիթիի Օլիմպիական խաղերում մարզական բարձր նվաճումների համար^[2]
• Ռուսաստանի սպորտի վաստակավոր վարպետ
• Իշիմբայայի պատվավոր քաղաքացի

Ծանոթագրություններ

1. Ишимбайская средняя школа № 2// Ишимбайская энциклопедия. Уфа: Башкирская энциклопедия, 2015, С.252.
2. Указ Президента Российской Федерации от 5 мая 2003 года № 502(չաշխատող հղում)

Արտաքին հղումներ

• Куклева Галина Алексеевна Արխիվացված 2020-08-14 Wayback Machine // Башкирская энциклопедия / гл. ред. М. А. Ильгамов. — Уфа : ГАУН «Башкирская энциклопедия», 2015—2020. — ISBN 978-5-88185-306-8.
• Профиль IBU(անգլ.)
• Профиль на официальном сайте празднования 450-летия добровольного вхождения Башкирии в состав России