Եժի Սեմիգինովսկի-Էլեուտեր
 | |
|---|---|
 | |
| Ի ծնե | լեհ.՝ Jerzy Szymonowicz |
| Ծնվել է | մոտ 1660[1][2][3] կամ 1660[1] |
| Ծննդավայր | Լվով, Մալոպոլյան պրովինցիա, Լեհական թագավորության թագ, Ռեչ Պոսպոլիտա |
| Վախճանվել է | 1711[1][4][5] կամ ոչ ուշ քան մարտի 13, 1711 |
| Մահվան վայր | Լվով |
| Քաղաքացիություն | Ռեչ Պոսպոլիտա |
| Կրթություն | Սուրբ Ղուկասի ակադեմիա |
| Մասնագիտություն | նկարիչ, փորագրիչ, դիզայներ և գծանկարիչ |
| Ոճ | բարոկկո նկարչություն |
| Ժանր | դիմապատկեր |
| Թեմաներ | գեղանկարչություն[6] և գրաֆիկա[6] |
| Ուշագրավ աշխատանքներ | Արմիդան առևանգում է Ռինալդոյին և Մարիա Կազիմիրի դիմանկարը |
| Պարգևներ |  |
| Պաշտոն | պալատական նկարիչ |
 Jerzy Siemiginowski-Eleuter Վիքիպահեստում | |
Եժի Սեմիգինովսկի-Էլեուտեր (լեհ.՝ Jerzy Siemiginowski-Eleuter, մոտ 1660[1][2][3] կամ 1660[1], Լվով, Մալոպոլյան պրովինցիա, Լեհական թագավորության թագ, Ռեչ Պոսպոլիտա - 1711[1][4][5] կամ ոչ ուշ քան մարտի 13, 1711, Լվով), բարոկկո դարաշրջանի նշանավոր լեհ նկարիչ և փորագրիչ։ Եղել է թագավոր Յան Սոբեսկու պալատական նկարիչը[7]։ Համարվում է Լեհաստանի դասական բարոկկո ոճի ամենակայացած նկարիչներից մեկը։ Նրա ստեղծագործությունները համատեղում են դասական մոտեցումը բնական տարրերի հետ[8]։
Նկարիչն օգտագործել է նաև Եժի Սիմոնյան, Շիմոնովիչ-Սեմիգինովսկի Եժի Էլեուտեր, Յուրի Շիմոնովիչ Կրտսեր անունները։
Կենսագրություն
[խմբագրել | խմբագրել կոդը]Ծնվել է Լվովում (Ռեչ Պոսպոլիտա), Լվովի հայտնի նկարիչ, ծագումով հայ Եժի Շիմոնովիչի և Թեոդոսիայի (ծննդյան անունը՝ Կորունկա) ընտանիքում[9][10]։ Թագավոր Յան Սոբեսկու աջակցության շնորհիվ սովորել է Իտալիայում և Ֆրանսիայում։ 1682 թվականին արժանացել է Սուրբ Ղուկասի հռոմեական ակադեմիայի պարգևի և դարձել դրա անդամ։ Վերադառնալով Լեհաստան, մոտ 1684 թվականին նա փոխել է իր ազգանունը Էլեուտեր (Eleuter, հունարեն՝ «ազատ»), իսկ 1701 թվականին փողի դիմաց նրան որդեգրել է Սեմիգինովսկիների շլյախտայական ազնվական ընտանիքը։
Աշխատել է թագավոր Յան III Սոբիեսկու, իսկ հետո թագավոր Օգոստոս II Հզորի համար Ժոլկվայում և թագավորական նստավայրում՝ Վիլանովում, որպես թագավորի պալատական նկարիչ, դեկորատոր և թագավորական ընտանիքի դիմանկարիչ։
Թագավոր Յան III Սոբեսկու կողմից նրան շնորհվել է ազնվականական տիտղոս և բազմիցս պարգևատրվել։ Ընկերացել է 17-րդ դարի վերջի մի շարք վարշավյան վարպետների՝ Տիլման վան Գամերենի, Միքելանջելո Պալլոնիի, Մարտինո Ալտոմոնտեի և ուրիշների հետ։
Մահացել է 1711 թվականին[11]։
Ընտրյալ աշխատանքներ
[խմբագրել | խմբագրել կոդը]Հանդիսանում է 17-րդ դարի 2-րդ կեսի դասական բարոկկոյի խոշորագույն և բարձր գնահատված լեհ նկարիչներից մեկը և դիմանկարի ճանաչված վարպետ։ Ժոլկվայում և Վիլանովի թագավորական նստավայրում քանդակազարդ առաստաղի համար նա պատրաստեց չորս այլաբանական մեծանկարներ՝ «Գարուն», «Ամառ», «Աշուն» և «Ձմեռ»։ Նա թագավորական ընտանիքի անդամների բազմաթիվ դիմանկարների, թագավորական զույգի ձիավարության դիմանկարի, այլաբանական և կրոնական թեմաներով նկարների հեղինակ է։ Սեմիգինովսկի-Էլեութերի վրձնին են պատկանում Սուրբ Աննայի (Կրակովի Սուրբ Աննա եկեղեցու համար) և Սուրբ Սեբաստիանի (Վարշավայի Սուրբ Խաչ եկեղեցու համար), ինչպես նաև «Բաքուս», «Արիադնա», «Սուրբ ընտանիք» կտավները, որոնք պահվում են Լվովի պատկերասրահում։ Նկարչի կտավներն այժմ գտնվում են նաև Հռոմի, Կրակովի, Վարշավայի, Վիլնյուսի, Վիլյանուվի և Օլեսկի ամրոցի (Ուկրաինայի Լվովի մարզ) թանգարաններում և եկեղեցիներում։
Պատկերասրահ
[խմբագրել | խմբագրել կոդը]Առաստաղի նկարներ
[խմբագրել | խմբագրել կոդը]-
Ձմռան այլաբանություն -
Գարնան այլաբանություն -
Աշնան այլաբանություն -
Ամռան այլաբանություն
Դիմանկարներ
[խմբագրել | խմբագրել կոդը]-
Մադոնան մանկան հետ -
Մադոնան մանկան հետ և Սուրն Աննան -
Մարիա Կազիմիր Լուիզ դե Լա Գրանժ դ'Արքիեն թագուհին շրջապատված երեխաներով -
Յան III Սոբեսկին Վիեննայի մոտ
Մատենագիտություն
[խմբագրել | խմբագրել կոդը]- Fijałkowski, Wojciech (1983), Wilanów. Rezydencja Króla Zwycięzcy (Wilanów. The residence of the Victorious King) (in Polish), Warsaw: Krajowa Agencja Wydawnicza.
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 1,4 1,5 1,6 RKDartists (նիդերլ.)
- ↑ 2,0 2,1 Առցանց լեհական կենսագրական բառարան (польск.)
- ↑ 3,0 3,1 Artists of the World (գերմ.) — B, Boston: Verlag Walter de Gruyter, 2022. — ISSN 2750-6088
- ↑ 4,0 4,1 4,2 NUKAT — 2002.
- ↑ 5,0 5,1 5,2 MAK (польск.)
- ↑ 6,0 6,1 Չեխիայի ազգային գրադարանի կատալոգ
- ↑ «Siemiginowski, a painter of Jan III Sobieski». wilanow-palac.art.pl. Վերցված է 2011 թ․ նոյեմբերի 2-ին.
- ↑ Renata Sulewska (2002). «Jerzy Eleuter Siemiginowski (Szymonowicz)». www.culture.pl. Արխիվացված է օրիգինալից 2011 թ․ մայիսի 15-ին. Վերցված է 2010 թ․ հունվարի 19-ին.
- ↑ Deluga, Waldemar (2011). «Armenian Art in Warsaw (18th and 19th Centuries)». Annales Universitas Apulensis. Series Historica. Universitatea. 15 (2): 50. ISSN 1453-9314.
- ↑ Szulakowska, Urszula (2018). Renaissance and Baroque Art and Culture in the Eastern Polish-Lithuanian Commonwealth (1506-1696). Cambridge Scholars Publishing. էջ 90. ISBN 978-1527511354.
- ↑ По другим данным умер в Варшаве между 28 февраля 1708 г. и 13 марта 1711.
Արտաքին հղումներ
[խմբագրել | խմբագրել կոդը]- Jerzy Siemiginowski-Eleuter (լեհ.)
- Jerzy Eleuter Siemiginowski (Szymonowicz) Արխիվացված 2012-07-28 Wayback Machine (լեհ.)
 | Վիքիպահեստն ունի նյութեր, որոնք վերաբերում են «Եժի Սեմիգինովսկի-Էլեուտեր» հոդվածին։ |
| ||||||||||||
