Էդուարդ արքայազն (թատրոն)

**Էդուարդ արքայազն**
Էդուարդ արքայազն;
Տեսակ	թատրոն
Երկիր	Միացյալ Թագավորություն
Գտնվելու վայրը	Ուեստ Էնդ
Անվանված է	Էդուարդ VIII
Կայք	delfontmackintosh.co.uk/theatres/prince-edward-theatre/index.php
	Prince Edward Theatre Վիքիպահեստում

«Էդուարդ արքայազն» (անգլ.՝ The Prince Edward Theatre), թատրոն Ուեսթ Էնդում, Լոնդոն, Մեծ Բրիտանիա։ Պատկանում է թատերական «Delfont Mackintosh Theatres» ընկերությանը։ Կոչվել է Անգլիայի թագավոր Էդուարդ VIII-ի անունով, երբ վերջինս դեռևս արքայազնի կարգավիճակում էր։

Պատմություն

Թատրոնի շենքը կառուցվել է 1930 թվականին, ըստ ճարտարապետ Էդուարդ Սթոունի նախագծի։ Ներքին հարդարանքի դիզայնով զբաղվել են Մարկ Անրի Լևին և Գաստոն Լավերդետը^[1]. Բացվել է 1930 թվականի ապրիլի 3-ին, «Էդուարդ արքայազն» անունով, ի պատիվ այդ ժամանակ դեռևս արքայազն Էդուարդի։ Առաջին ներկայացումը եղել է Ռիո Ռիտա մյուզիքլը^[2]։ 1935 թվականին Սթունը ձևափոխում է թատրոնը` դարձնելով այն պարասրահ ու կաբարե, «Լոնդոնյան խաղատուն» անունով (անգլ.՝ London Casino): Շենքը լրջորեն տուժել է 1941 թվականի մայիսի 10-ի օդային հարձակումից։ Նրա շրջակայքում գտնվող բոլոր շինությունները ոչնչացել էին։ Ճարտարապետ Թոմաս Բրէդոկը փորձ է արել վերակառուցել շենքը։ 1942 թվականից շենքում է գտնվել «Քուինսբերի» բազմաֆունկցիոնալ ակումբը (անգլ.՝ «Queensberry All Services Club»), որը գործել է զինվորականների համար։ Այստեղ անց են կացվել տարբեր ներկայացումներ, որոնք հեռարձակվել են Բի-Բի-Սի-ով։ Երկրորդ համաշխարհային պատերազմի ավարտից հետո Թոմաս Բրէդոկն ու նրա եղբայրը կրկին ձևափոխում են շենքը` դարձնելով այն թատրոն` վերադարձնելով նրան «Լոնդոնյան խաղատուն» անվանումը^[1]. 1954 թվականին այն ձևափոխվում է և դառնում կինոթատրոն։ Համապատասխանբար, այն ստանում է նոր` «Casino Cinerama Theatre» անվանումը։ 20 տարի անց իմպրեսարիո Բերդարդ Դելֆոնսը ձեռք է բերում թատրոնը 150 հազար ֆունտ ստերլինգով^[2]. «RHWL Architects» ճարտարապետական ընկերությունը ձևափոխում է շենքը, իսկ 1978 թվականին նրան է վերադարձվում պատմական` «Էդուարդ արքայազն» անվանումը։ Հունիսի 21-ին կայանում է «Էվիտա» մյուզիքլի համաշխարհային պրեմիերան։ 1992-1993 թվականներին «RHWL Architects»-ի մասնագետները կոսմետիկ վերանորոգում և որոշ թարմացումներ են անում շենքում, լայնացնում են պատերը^[1]. Թատրոնը վարձույթով է տրամադրվում համաշխարհային ճանաչման մյուզիքլների համար։

Բեմադրություններ

1930. «Ռիո Ռիտա» մյուզիքլ
1978. «Էվիտա» (մյուզիքլ, համաշխարհային պրեմիերա)
1986. «Շախմատ» մյուզիքլ
1989. «Ինչ էլ որ պատահի» մյուզիքլ
1991. «Էնդրյու Լլոյդ Ուեբերի երաժշտությունը»
1992. «Ոմանք ավելի տաք են սիրում» մյուզիքլ
1993. «Խենթանում եմ քեզ համար» մյուզիքլ
1996. «Մարտեն Գեր»
1998. «Լողացող թատրոն», «Վեսթսայդյան պատմություն»
1999. «Mamma Mia!» (համաշխարհային պրեմիերա)
2004. «Մերի Փոփինս» (մյուզիք, համաշխարհային պրեմիերա)
2008. «Տղաները Ջերսիից»
2014. «Միսս Սայգոն»
2016. «Ալլադին» (ընթացիկ)

Ծանոթագրություններ

↑ ^1,0 ^1,1 ^1,2 Earl and Sell (2000) pp. 132
↑ ^2,0 ^2,1 «The Prince Edward Theatre, Old Compton Street, Soho, London, W1». arthurlloyd.co.uk. Վերցված է 1 февраля 2016-ին.

Արտաքին հղումներ

«Էդուարդ արքայազն» թատրոնի պաշտոնական կայք Արխիվացված 2016-01-09 Wayback Machine (անգլ.)

Վիքիպահեստն ունի նյութեր, որոնք վերաբերում են «Էդուարդ արքայազն (թատրոն)» հոդվածին։

[EaS-1] 1,0 ^1,1 ^1,2 Earl and Sell (2000) pp. 132

[AL-2] 2,0 ^2,1 «The Prince Edward Theatre, Old Compton Street, Soho, London, W1». arthurlloyd.co.uk. Վերցված է 1 февраля 2016-ին.

[1]

[2]