Թամի Ֆարել անգլ.՝ Tami Nichole Farrell | |
---|---|
Ծնվել է | հոկտեմբերի 5, 1984 (39 տարեկան) |
Ծննդավայր | Phoenix, Ջեքսոն շրջան, Օրեգոն, ԱՄՆ |
Քաղաքացիություն | ԱՄՆ |
Մասնագիտություն | մոդել և գեղեցկության մրցույթի մասնակից |
Tami Farrell Վիքիպահեստում |
Թամի Նիկոլ Ֆարել (անգլ.՝ Tami Farrell; հոկտեմբերի 5, 1984, Phoenix, Ջեքսոն շրջան, Օրեգոն, ԱՄՆ), ամերիկացի դերասանուհի, հեռուստահաղորդավար, «Միսս Օրեգոն երիտասարդ» 2003, «Միսս ԱՄՆ» 2003 և «Միսս Կալիֆոռնիա» 2009 գեղեցկության մրցույթների հաղթող[1][2]։
Ծնվել է բեռնատարի վարորդի և հատուկ կրթական գծով օգնականի ընտանիքում[1]։ Տառապում է ուշագնացությամբ[3]։
2003 թվականին ավարտել է «Phoenix High School» դպրոցը[4]։ Ուսանողն անդամակցել է այնպիսի ակումբների, ինչպիսիք են «Sparrow Clubs USA»-ը և «American Heart Association»-ը[1][4][5]։
«Միսս ԱՄՆ երիտասարդ»-ից հետո ամառն անցկացրել է Նյու Յորքում։ Մասնակցել է «New York Conservatory for Dramatic Arts»[4] մրցույթի և դրանից հետո տեղափոխվել Լոս Անջելես՝ զվարճանքի ոլորտում աշխատելու համար։
Որպես ժյուրի եղել է այնպիսի գեղեցկության մրցույթների, ինչպիսիք են «Միսս Վաշինգտոն» 2006-ը և «Միսս Կալիֆորնիա» 2006-ը։
Առաջին տիտղոսը ստացել է 2002 թվականին «Միսս երիտասարդ Օրեգոն» մրցույթի ժամանակ։ 2003 թվականի օգոստոսի 12-ին Փալմ-Սփիրնգս քաղաքում ներկայացրել է իր նահանգը ազգային գեղեցկության մրցույթում[6]։ Արժանացել է հատուկ «Միսս Congeniality» մրցանակի։ Դարձել է նահանգի երրորդ ներկայացուցիչը, որը ներկայացրել է ազգային հագուստը[7]։
Ներկայացրել է «Miss Universe Organization»-ը։ Նույն թվականին «Միսս Տիեզերք 2003» է դառնում դոմինիկացի Ամելյա Վեգան՝ և «Միսս ԱՄՆ 2003»-ին՝ Սյուզի Կաստիլոն։ 2004 թվականի օգոստոսի 6-ին թագը հանձնել է Լուիզիանա նահանգը ներկայացնող Շեյլլի Հեննիգին։
2008 թվականի ամռանը հաղթել է «Միսս Մալիբու 2009» մրցույթը[8]։ Մասնակցել է նաև «Միսս Կալիֆորնիա 2009» գեղեցկության մրցույթին, որտեղ դարձել է «Առաջին Միսս Վիցե»։
2009 թվականի հունիսի 10-ին դարձել է «Միսս Կալիֆորնիա 2009» այն բանից հետո, երբ հաղթող Քերրի Փրեժանն անձամբ Դոնալդ Թրամփի կողմից զրկվեց թագից[5][9]։ «Միսս ԱՄՆ 2009» ազգային մրցույթում հարցազրույցի ժամանակ Քերրին վիճահարույց կերպով է պատասխանել ամուսնության վերաբերյալ հարցին[9]։ Գեղեցկության մրցույթի գործադիր ռեժիսոր Քիթ Լյուիսը հայտարարել է, որ Քերրի Փրեժենը հեռացվել է էթիկայի չհետևելու, և ոչ վիճահարույց պատասխանի պատճառով[8]։
Թամին ամուսնության մասին հետևյալն է պատասխանել․«Ես չեմ կարծում, որ ես կամ ինչ-որ մեկն իրավունք ունի ինչ-որ մեկին ասել, որ նրանք կարող են կամ չեն կարող սիրել։ Եվ ես մտածում եմ, որ սա օրենքի խնդիր է։ Կարծում եմ, որ ճիշտն ընտրողի որոշումն է»[10]։
Վիքիպահեստն ունի նյութեր, որոնք վերաբերում են «Թամի Ֆարել» հոդվածին։ |
|