Լեգենդ սիրո մասին
 հինդի՝ सोनी महिवाल | |
|---|---|
 | |
| Երկիր |  Հնդկաստան ԽՍՀՄ |
| Ժանր | արկածային ֆիլմ և մելոդրամա |
| Թվական | 1984 |
| Լեզու | հինդի և ռուսերեն |
| Ռեժիսոր | Ումեշ Մեհրա |
| Սցենարի հեղինակ | Ջավեդ Սիդիկի |
| Դերակատարներ | Սաննի Դեոլ և Պունամ Դհիլոն |
| Երաժշտություն | Անու Մալիկ |
| Մոնտաժ | Էմ Էս Շինդե |
| Կինոընկերություն | Ուզբեկֆիլմ |
| Տևողություն | 142 րոպե |
«Լեգենդ սիրո մասին» (հինդի՝ सोनी महिवाल, անգլ.՝ Sohni Mahiwal), մելոդրամա, որը 1984 թվականին համատեղ նկարահանվել է ԽՍՀՄ-ի և Հնդկաստանի կինեմատոգրաֆիստների կողմից։ Խորհրդային ռեժիսոր Լատիֆ Աբիդովիչի և հնդիկ ռեժիսոր Ումեշ Մեխրայի համատեղ նկարահանած երկրորդ ֆիլմն է (առաջինը 1979 թվականին նկարված «Ալի Բաբայի և 40 ավազակների արկածները» ֆիլմն էր)։ Պրեմիերան կայացել է 1984 թվականի նոյեմբերի 15-ին` Դելիում։ Նույն թվականի դեկտեմբերին ֆիլմը մտավ խորհրդային կինովարձույթ և զբաղեցրեց 14-րդ տեղը։ Ֆիլմը դիտեց 21.1 միլիոն մարդ[1]։
Սյուժե
[խմբագրել | խմբագրել կոդը]Ֆիլմի հիմքում ընկած է հին հնդկական մի լեգենդ՝ անգլ.՝ Sohni Mahiwal («Մահիվալի երազները»), բուխարացի մի պատանու և հնդիկ աղջկա սիրո պատմությունը։
Երկու անզավակ ընտանեկան զույգեր անապատի մի ծեր իմաստունից խնդրում են, որ օգնի իրենց և կատարի վաղեմի երազանքները. նրանք ուզում էին երեխաներ ունենալ։ Իմաստունը գուշակում է, որ մի ընտանիքում կծնվի տղա, իսկ մյուսում՝ աղջիկ և երբ արդեն մեծանան՝ կսիրեն միմյանց, որը, ի վերջո, կհանգեցնի նրանց անժամանակ վախճանին։
Անցնում են շատ տարիներ։ Բուխարացի առևտրականի որդի միակ ժառանգ Իզզատն իր չափահաս դառնալու օրը ջրի մեջ տեսնում է մի կուժ՝ ուղարկված հեռավոր Հնդկաստանից, որի մեջ արտացոլված է մի հրաշագեղ աղջիկ։ Իզզատը միանում է քարավանին և ուղևորվում է դեպի Հնդկաստան՝ սիրո փնտրտուքով տարված։
Գուջարատ նահանգում նա գտնում է Սանիյային և դառնում է նրա հայր Տուլլայի աշակերտը։ Սկսում է սովորել բրուտագործություն և ավելի հաճախ է տեսնում իր սիրեցյալին։ Դա առաջացնում է գյուղի բնակիչների զայրույթը։ Տուլլան նպատակադրվել էր աղջկան ուշիմ մարդու տալ կնության։ Հարսանիքի ժամանակ Սանիյան փախչում է տնից և փորձում է գտնել Իզզատին։ Սկսվում է տեղատարափ, և սիրեցյալները մահանում են վարարած գետի ջրերում։
Դերերում
[խմբագրել | խմբագրել կոդը]| Դերասան | Դերը |
|---|---|
| Սաննի Դեոլ | Միրզա Իզզատ Բեկ |
| Պունամ Դհիլոն | Սանիյա |
| Զինատ Աման | Զարինա |
| Պրան | Տուլլա՝ Սանիյայի հայրը, բրուտ |
| Տանուջա | Տուլլայի ամուսինը |
| Շամմի Կապուր | Անապատի իմաստուն |
| Գուլշան Գրովեր | Նուր |
| Ռակեշ Բեդի | Սալամատ |
| Զուլխումոր Մումինովա | Սալամատի |
| Գուլչեխրա Ջամիլովա | Մալկանի |
| Իսամատ Էրգաշև | Ջադրու |
| Նատալյա Կրաչկովսկայա | Քարավանի կինը |
| Ուչկուր Ռախմանով | Քարավանի տղամարդ |
| Ֆրունզիկ Մկրտչյան | Բարմանդու |
| Զակիր Մուխամեդջանովիչ | Իսլամբեկ |
| Նաբի Ռահիմով | Քարավանապետ |
| Թամար Հովհաննիսյան | Իզզատի մայրը |
| Մաժար Կզան | Ռաշիդ |
| Սանատ Դիվանով | Թիկնապահ |
Նկարահանող խումբ
[խմբագրել | խմբագրել կոդը]- Ռեժիսորներ՝ Լատիֆ Ֆայզիև, Ումեշ Մեխրա
- Ֆիլմի տնօրեններ (պրոդյուսերներ)՝ Ֆ. Ս. Մեխրա, Պարվեշ Մեխրա
- Սցենարիստներ՝ Շանտի Պրակաշ Բակշի, Լատիֆ Ֆայզիև, Ուլմաս Ումարբեկով, Ջավեդ Սիդիկի
- Օպերատորներ՝ Դավրոն Աբդուլաև, Աբդուլիև Դյուրան, Ս. Պապու
- Կոմպոզիտորներ՝ Անու Մալիկ, Վլադիմիր Միլով
- Երգերի հեղինակ՝ Անանդ Բակշի
- Նկարիչներ՝ Սադրիտդին Զիյամուհամեդով, Բաբուրաո Պոդար, Բանու
- Մոնտաժողներ՝ Մ. Ս. Շինդրե, Զուխրա Ումարով
- Ձայնի ռեժիսոր՝ Բրահմանադ Շարմա
- Կադրից դուրս երգերը կատարում են՝ Աշա Բհոսլե, Անուպամա Դեշպանդե, Անվար, Շաբբիր Կումար
- Պարերի բեմադրիչ՝ Պ. Լ. Ռաջ
Սաունդթրեք
[խմբագրել | խմբագրել կոդը]| Երգ | Կատարող(ներ) |
|---|---|
| Sohni Meri Sohni | Անվար, Աշա Բհոսլե |
| Sohni Chinab Di Kinare | Անուպամա Դեշպանդե |
| Mujhe Dulhe Ka Sehra | Աշա Բհոսլե, Շաբբիր Կումար |
| Bol Do Mithe Bol Soneya | Աշա Բհոսլե, Շաբբիր Կումար |
| Chand Ruka Hai | Աշա Բհոսլե |
| Sohni Chinab Di Kinare (II) | Անուպամա Դեշպանդե, Անվար |
Մրցանակներ
[խմբագրել | խմբագրել կոդը]Filmfare Awards[2] (1985)
Մրցանակներ:
- Filmfare Award որպես կնոջ լավագույն կադրից դուրս վոկալ (Անուպամա Դեշպանդե «Sohni Chinab Di» երգի համար)
- Filmfare Award լավագույն մոնտաժի համար (Մ. Ս. Շինդրե)
- Filmfare Award ձայնի լավագույն ռեժիսոր (Բրահմանադ Շարմա)
Անվանակարգեր:
- Filmfare Award ֆիլմի լավագույն երաժշտության համար (Անու Մալիկ)
- Filmfare Award ֆիլմի երգի լավագույն բառերի համար (Անանդ Բակշիին «Sohni Chinab Di» բառերի համար)
- Filmfare Award որպես տղամարդու լավագույն կադրից դուրս վոկալ (Շաբբիր Կումար)
Ծանոթագրություններ
[խմբագրել | խմբագրել կոդը]- ↑ Кудрявцев С.В. (2006 թ․ հուլիսի 19). «Отечественные фильмы в советском кинопрокате, часть 6» (ռուսերեն). Живой Журнал. Վերցված է 2015-04-14--ին.
- ↑ Номинанты Արխիվացված 2019-02-18 Wayback Machine и лауреаты Արխիվացված 2007-10-28 Wayback Machine(անգլ.) 32-й церемонии награждения (за работы 1984 года) на официальном сайте премии.
Արտաքին հղումներ
[խմբագրել | խմբագրել կոդը]- «Լեգենդ սիրո մասին»(անգլ.) ֆիլմը Internet Movie Database կայքում
- Ռեժիսոր Ումեշ Մեխրա Արխիվացված 2017-09-17 Wayback Machine // 2india.ru
|
