Լյուսիեն-Անատոլ Պրևո-Պարադոլ

Լյուսիեն-Անատոլ Պրևո-Պարադոլ
ֆր.՝ Lucien-Anatole Prévost-Paradol
Դիմանկար
Ծնվել էօգոստոսի 8, 1829(1829-08-08)[1]
ԾննդավայրՓարիզ
Մահացել էհուլիսի 20, 1870(1870-07-20)[1] (40 տարեկան)
Մահվան վայրՎաշինգտոն, ԱՄՆ
ԳերեզմանPère-Lachaise Cemetery - Division 6
Քաղաքացիություն Ֆրանսիա
Մայրենի լեզուֆրանսերեն
ԿրթությունԲարձրագույն նորմալ դպրոց
Մասնագիտությունլրագրող, դիվանագետ, գրող և ակնարկագիր
Ծնողներհայր՝ Լեոն Հալևի, մայր՝ Lucinde Paradol?
Զբաղեցրած պաշտոններambassador of France to the United States? և seat 37 of the Académie française?
Պարգևներ և
մրցանակներ
ԱնդամությունՖրանսիական ակադեմիա
 Lucien-Anatole Prévost-Paradol Վիքիպահեստում

Լյուսիեն-Անատոլ Պրևո-Պարադոլ (ֆր.՝ Lucien-Anatole Prévost-Paradol fr, օգոստոսի 8, 1829(1829-08-08)[1], Փարիզ - հուլիսի 20, 1870(1870-07-20)[1], Վաշինգտոն, ԱՄՆ), 19-րդ դարի 2-րդ կեսի ֆրանսիացի լրագրող և էսսեիստ։

Նախապատմություն

[խմբագրել | խմբագրել կոդը]

Պրևո-Պարադոլը ծնվել է Ֆրանսիայի մայրաքաղաք Փարիզում, օպերային երգչուհի Լյուսինդա Պարադոլի և գրող Լեոն Հալևիի միջև եղած անկանոն կապի արդյունքում: Ավելի ուշ՝ երբ Հալևին ամուսնացել է Ալեքսանդրինա Լը Բասի հետ, վերջինս համաձայնել է որդեգրել երեխային, որը մեծացել է իրենց երեխաների հետ:

Կրթություն և աշխատություններ

[խմբագրել | խմբագրել կոդը]

Պրևո-Պարադոլը սովորել է Բուրբոն քոլեջում, ապա ընդունվել է նշանավոր Էկոլ Նորմալ ֆր.՝ École Normale բարձրագույն դպրոցը: 1855 թվականին նշանակվել է Էքսի համալսարանի ֆրանսիական գրականության պրոֆեսոր։ Նա այդ պաշտոնն զբաղեցրել է հազիվ մեկ տարի, ապա թողնելով այն՝ դարձել է «Journal des debats» ամսագրի առաջատար թղթակիցը: Նա գրել է նաև «Courrier du dimanche», շատ կարճ ժամանակ` «La Presse» թերթերի համար:

Պրևո-Պարադոլի գլխավոր աշխատություններն են՝ «Essais de politique et de littérature»-ը (երեք մաս, 1859–1866) և «Essais sur les moralistes français»֊ը (1864)։ Նա, սակայն, ավելի շատ եղել է լրագրող, քան գրքերի հեղինակ, ինչպես նաև եղել է կայսրության գլխավոր ընդդիմախոսներից մեկը և հանդես է եկել չափավոր լիբերալիզմի դիրքերից: Այդ ռեժիմի օրոք նա անցել է լրագրողի սովորական դժվարությունները, նույնիսկ՝ բանտարկվել։ 1865 թվականին նա ընտրվել է ֆրանսիական ակադեմիայի անդամ։

Իր հասարակական և գրական գործունեության սկզբում լինելով կայսրության հակառակորդ՝ Պրևո-Պարադոլն աստիճանաբար իջեցրել է քննադատության տոնայնությունը և, ի վերջո, 1870 թվականին Էմիլ Օլիվյեի կառավարության ձևավորումից հետո դարձել է դրա ջերմ պաշտպանը: Այս հանգամանքը հաշվի առնելով՝ նրան նշանակել են Ֆրանսիայի դեսպան Ամերիկայի Միացյալ Նահանգներում: Բայց հազիվ է անցել իր նոր պարտականությունների կատարմանը, երբ ստացել է Ֆրանսիայի վրա Գերմանիայի հարձակման լուրը: Երկրի խաղաղ զարգացման նրա հույսերը միանգամից խորտակվել են, նա խզել է կապերը հին ընկերների հետ, նորերից էլ կարճ ժամանակ անց հիասթափվել է և աղետը հաղթահարելու ուժ չգտնելով իր մեջ՝ ինքնասպանություն է գործել:

Մահ

[խմբագրել | խմբագրել կոդը]

Պրևո-Պարադոլը ինքնասպանություն է գործել Վաշինգտոնում հրազենային կրակոցով։ 1870 թվականի հուլիսի 11-ին նա Ֆրանս-պրուսական պատերազմի պատճառով կրակել է ինքն իր վրա և ինը օր անց մահացել Միացյալ Նահանգներում, որտեղ եղել է որպես Ֆրանսիայի դեսպանի պաշտոնակատար։

Երկեր

[խմբագրել | խմբագրել կոդը]
  • «Essai sur l’histoire universelle» (Փարիզ, 1854; 3֊րդ հրատարակչութուն, 1875)
  • «Essais de politique et de littérature» (Փարիզ, 1859—93)
  • «Du rôle de la famille dans l’éducation» (Փարիզ, 1857)
  • «Quelques pages d’hist. contemporaine. Lettres politiques» (Փարիզ, 1862—66; 2֊րդ հրատարակչութուն 1872)

2

  • «Études sur les moralistes français» (1865, 3֊րդ հրատարակչութուն, 1873)
  • «La France nouvelle» (1868, նոր հրատարակչութուն, 1876)

Ծանոթագրություններ

[խմբագրել | խմբագրել կոդը]
  1. ↑ 1,0 1,1 1,2 1,3 1,4 Babelio (ֆր.) — 2007.

Արտաքին հղումներ

[խմբագրել | խմբագրել կոդը]
  • Works by or about Lucien-Anatole Prévost-Paradol at the Internet Archive
Վիքիպահեստն ունի նյութեր, որոնք վերաբերում են «Լյուսիեն-Անատոլ Պրևո-Պարադոլ» հոդվածին։
 ⛭ 
  Թեմատիկ կայքեր
Բառարաններ և հանրագիտարաններ