Խնձորուտ (Վայոց ձորի մարզ)

Անվան այլ կիրառումների համար տե՛ս՝ Խնձորուտ (այլ կիրառումներ)
Գյուղ
Խնձորուտ
ԵրկիրՀայաստան Հայաստան
ՄարզՎայոց ձորի մարզ
ՀամայնքՎայոց Ձորի մարզ և Ազիզբեկովի շրջան
ԲԾՄ1600 մ
Պաշտոնական լեզուՀայերեն
Բնակչություն▼500 մարդ (2011)[1]
Ազգային կազմՀայեր
Կրոնական կազմՀայ Առաքելական եկեղեցի
Ժամային գոտիUTC+4
Խնձորուտ (Վայոց ձորի մարզ) (Հայաստան)##
Խնձորուտ (Վայոց ձորի մարզ) (Հայաստան)
Խնձորուտ (Վայոց ձորի մարզ) (Վայոց ձորի մարզ)##
Խնձորուտ (Վայոց ձորի մարզ) (Վայոց ձորի մարզ)

Խնձորուտ, գյուղ Հայաստանի Վայոց ձորի մարզում[2]՝ հայ-ադրբեջանական շփման գծի հարևանությամբ[3]։

Մարզկենտրոնից 45 կմ հարավ-արևելք, Նախիջևան գետի աջակողմյան վտակ Ճահուկի վերնագավառում։

Խնձորուտը նախկինում կրել է Ալմալու անվանումը և մտել է Երևանի նահանգի Շարուր-Դարալագյազի գավառի կազմում։ 1946 թ.-ի նոյեմբերի 12-ին Գերագույն Խորհրդի նախագահության որոշմամբ անվանվել է Խնձորուտ[4]։

Պատմություն

[խմբագրել | խմբագրել կոդը]

Գյուղը հիմնադրվել է 1826-1828 թթ. ռուս պարսկական պատերազմի հետևանքով Պարսկաստանի Խոյի և Սալմաստի շրջաններից գաղթած հայերի կողմից։ Սակայն գյուղն ավելի հին է, քան ենթադրվում է։ Այդ մասին վկայում են «Հին գյուղ» կոչվող տարածքում հայտնաբերված, 7-րդ դարով թվագրված խաչքարերը, ինչպես նաև զարդաքարերով, սրբատաշ քարերով կիսավեր կառույցները։

Բնակչություն

[խմբագրել | խմբագրել կոդը]

Ըստ Հայաստանի 2011 թ. մարդահամարի արդյունքների՝ Խնձորուտի մշտական բնակչությունը կազմել է 500, առկա բնակչությունը՝ 464 մարդ[5]։ 1831 թվականից գրեթե ամբողջությամբ բնակեցված է հայերով[6]։ Խնձորուտի բնակչության փոփոխությունը ժամանակի ընթացքում՝ ստորև.

Տարի Բնակչություն
1831 115 մարդ [7]
1873 458 մարդ [8]
1897 751 մարդ [8]
1926 652 մարդ [8]
1970 618 մարդ [7]
1989 499 մարդ [9]
2001 526 մարդ [7]
2011 500 մարդ [1]


Տնտեսություն

[խմբագրել | խմբագրել կոդը]

Բնակչությունը զբաղվում է անասնապահությամբ, դաշտավարությամբ, այգեգործությամբ և ծխախոտագործությամբ։

Պատմամշակութային կառույցներ

[խմբագրել | խմբագրել կոդը]

Խնձորուտում կա 19-րդ դարի եկեղեցի։ Գյուղից մոտ 2 կմ հարավ ընկած են Խնձորուտ գյուղի ավերակները իսկ նրանից հյուսիս-արևմուտք գտնվում են Աղոպեն (Օղպին) գյուղի ավերակները։

Հասարակական կառույցներ

[խմբագրել | խմբագրել կոդը]

Գյուղն ունի միջնակարգ դպրոց, ակումբ, գրադարան, բուժկայան։

Տես նաև

[խմբագրել | խմբագրել կոդը]

Արտաքին հղումներ

[խմբագրել | խմբագրել կոդը]
  • Kiesling, Brady (2005), Rediscovering Armenia: Guide, Yerevan, Armenia: Matit Graphic Design Studio
  • Brady Kiesling, Rediscovering Armenia, p. 128, available online at the website of the Internet Archive:


Ծանոթագրություններ

[խմբագրել | խմբագրել կոդը]
  1. ↑ 1,0 1,1 Հայաստանի 2011 թ. մարդահամարի արդյունքները (հայ.)
  2. ↑ Վայոց ձորի մարզի մարդահամար, 2008 (անգլ.)
  3. ↑ Հայաստանի կառավարության որոշում «Հայաստանի Հանրապետության սահմանամերձ համայնքների ցանկը հաստատելու մասին» 17 նոյեմբերի 1998 թվականի N 713, քաղ. Երևան։
  4. ↑ «Հայաստանի և հարակից շրջանների տեղանունների բառարան», հտ 1, էջ 97
  5. ↑ 2011 թ Հայաստանի մարդահամարի արդյունքները
  6. ↑ Զավեն Կորկոտյան, «Խորհրդային Հայաստանի բնակչությունը վերջին հարյուրամյակում (1831-1931)»
  7. ↑ 7,0 7,1 7,2 Հայաստանի բնակավայրերի բառարան (հայ.) — Երևան: 2008. — 184 p.
  8. ↑ 8,0 8,1 8,2 Կորկոտյան Զ. Խորհրդային Հայաստանի բնակչությունը վերջին հարյուրամյակում (1831-1931) (հայ.) — Երևան: 1932. — 185 p.
  9. ↑ Հակոբյան Թ., Մելիք-Բախշյան Ս., Բարսեղյան Հ. Հայաստանի և հարակից շրջանների տեղանունների բառարան (հայ.) — Երևանի համալսարանի հրատարակչություն, 1986. — հատոր 5. — էջ 706. — 4696 p.
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 5, էջ 63)։