Խոսե Անտոնիո Ռամոս Սուկրե

Խոսե Անտոնիո Ռամոս Սուկրե (հունիսի 9, 1890(1890-06-09)^[1], Կումանա, Վենեսուելա - հունիսի 13, 1930(1930-06-13), Ժնև, Շվեյցարիա) վենեսուելացի բանաստեղծ, պրոֆեսոր, դիվանագետ և գիտնական։ Որպես Վենեսուելայի Սուկրե ընտանիքի անդամ՝ Անտոնիո Խոսե դե Սուկրեն նրա նախահայրն է եղել։ Նա իր կրթությունը ստացել է Վենեսուելայի Ազգային քոլեջում, իսկ ավելի ուշ՝ Վենեսուելայի Կենտրոնական համալսարանում, որտեղ ուսումնասիրել է Իրավունք, Գիր և Լեզուներ, ներառյալ հին և ժամանակակից հունարենը և սանսկրիտը:

Խոսե Անտոնիո Ռամոս Սուկրե
Ծնվել է	հունիսի 9, 1890(1890-06-09)[1]
Ծննդավայր	Կումանա, Վենեսուելա
Մահացել է	հունիսի 13, 1930(1930-06-13) (40 տարեկան)
Մահվան վայր	Ժնև, Շվեյցարիա
Քաղաքացիություն	Վենեսուելա
Կրթություն	Վենեսուելայի կենտրոնական համալսարան
Մասնագիտություն	բանաստեղծ, գրող, փաստաբան և դիվանագետ
Աշխատավայր	Վենեսուելայի կենտրոնական համալսարան

Ոչ գրական կարիերա

Ավարտելով ուսումը և վարժ տիրապետելով պորտուգալերեն, լատիներեն, դանիերեն, անգլերեն, ֆրանսերեն, գերմաներեն, իտալերեն և շվեդերեն լեզուներին, նա աշխատել է որպես գրավոր և բանավոր թարգմանիչ Վենեսուելայի արտաքին գործերի նախարարությունում։ Հետագայում նա ծառայել է որպես հյուպատոս Ժնևում, որտեղ էլ վախճանվել է 1930 թվականին: Միաժամանակ Ռամոս Սուկրեն համաշխարհային պատմության, համաշխարհային աշխարհագրության, Վենեսուելայի պատմության և աշխարհագրության, լատիներենի և հունարենի դասախոս է եղել: Նա նաև կարճատև աշխատանքային գործունեություն է ծավալել որպես դատավոր Քաղաքացիական դատարանում:

Պոեզիա և ստեղծագործություններ

Այնուամենայնիվ, նա առավել հայտնի է պոեզիայի և գրականության մեջ իր ներդրումով։ Իր նշանավոր գործերից են․

• Trizas de papel (1921)
• Sobre las huellas de Humboldt (1923)
• La torre de Timón (1925)
• Las formas del fuego (1929)
• El cielo de esmalte (1929)

1956 թվականին Վենեսուելայի կրթության նախարարությունը նրա աշխատանքները ներառել է Biblioteca Popular Venezolana հավաքածուի մեջ։ 1960-ականներին նոր սերնդի համար նա դարձել է մեծ վարպետ լինելու վառ օրինակ։ Վենեսուելացի բանաստեղծ և գրականագետ Ֆրանցիսկո Պերես Պերդոմոն նրան նկարագրել է որպես «ցավի պոետ՝ բանաստեղծ, որը տարված է մթին ու դժոխային երևույթներով, բանաստեղծ, որը տառապում է միայնության մեջ»։

Պարգևներ

Նրա հիշատակը հարգելու համար Սալամանկայի համալսարանը ստեղծել է Խոսե Անտոնիո Ռամոս Սուկրե Վենեսուելայի գրականության պրոֆեսորական կոչումը: 1999 թվականին Fondo de Cultura Económica de México-ն հրատարակել է Obra Poética գիրքը, որը ներառում է Խոսեի բանաստեղծությունները՝ իր զարմիկ Գիլերմո Սուկրեի նախաբանով։ Իր հավաքած գրական երկերը հասանելի են նաև Obra completa-ում, որը խմբագրել է Խոսե Ռամոն Մեդինան (Caracas: Fundación Biblioteca Ayacucho, 1989) և Obra poética: Edición crítica–ում՝ խմբագրված Ալբա Ռոզա Էրնանդես Բոսսիոյի կողմից (Paris: UNESCO/Colección Archivos, 2001):

2006 թվականին վենեսուելացի վիպասան Ռուբի Գուերան ստացել է Premio de Novela Corta Rufino Blanco Fombona-ն իր La tarea del testigo (Caracas: Fundación Editorial El perro y la rana, 2007) վեպի համար, որը վերաբերում է Ռամոս Սուկրեի Եվրոպայում անցկացրած վերջին ամիսներին։ La tarea del testigo–ի երկրորդ հրատարակությունը թողարկվել է 2012 թվականին, Լուգար Կոմունի կողմից Կարակասում:

2012 թվականին նրա բանաստեղծական ստեղծագործությունների անգլերեն թարգմանությունը՝ José Antonio Ramos Sucre: Selected Works, ընտրվել և թարգմանվել է Գիլերմո Պարայի կողմից և հրատարակվել Նոր Օռլեանի համալսարանի հրատարակչության կողմից։

Թարգմանություններ

Անգլերեն

• José Antonio Ramos Sucre: Selected Works, թարգմանել է Գիլերմո Պարրան (New Orleans, LA: University of New Orleans Press, 2012). 978-1-60801-090-5
• José Antonio Ramos Sucre. Selected Works: expanded edition Արխիվացված 2020-10-25 Wayback Machine, թարգմանել է Գիլերմո Պարրան (Las Cruces, NM: Noemi Press, 2016). 978-1-93481-962-3
• José Antonio Ramos Sucre, From the Livid Country, թարգմանել է Գիլերմո Պարրան (San Francisco, CA: Auguste Press, 2012).

Այլ լեզուներ

Ֆրանսերեն

• José Antonio Ramos Sucre, Le chant inquiet. El canto anhelante, թարգմանել է Ֆրանսուա Միժոն, (Caracas, Venezuela: Monte Ávila Editores/Massif Jurassien, France: L’Atelier du Grand Tétras, 2009).

Պորտուգալերեն

• As formas do fogo, անթոլոգիա, երկլեզու հրատարակություն, ընտրել և թարգմանել է Խոսե Բենտոն, Էուջենիո Մոնտեխոն, առաջաբաններ։ Վենեսուելայի դեսպանատուն, Լիսաբոն, Publicações Dom Quixote, 1992, oclc 768341268.
• O mensageiro/El mensajero, Ֆլորիանո Մարտինս (թարգմ.), (n.t.) Revista Literária em Tradução, nº 1 (set/2010), Fpolis/Brasil, ISSN 2177-5141

Ծանոթագրություններ

1. Find A Grave — 1996.

Արտաքին հղումներ

• (es) Obra completa (Caracas: Fundación Biblioteca Ayacucho, 1989) - Free PDF file of Complete Works of Ramos Sucre
• (es) Ramos Sucre Portal at Cervantes Virtual
• (es) El Insomne Visionario - Ramos Sucre