Հայրավանք (գյուղ)
Անվան այլ կիրառումների համար տե՛ս՝ Հայրավանք (այլ կիրառումներ)
| Գյուղ | |||
|---|---|---|---|
| Հայրավանք | |||
 Գյուղում գտնվող Հայրավանք վանական համալիր | |||
| Երկիր |  Հայաստան | ||
| Մարզ | Գեղարքունիքի մարզ | ||
| Համայնք | Գավառ (համայնք) | Գավառ համայնք[1] | ||
| Հիմնադրված է | 1922 թ. | ||
| Այլ անվանումներ | Այրիվան | ||
| ԲԾՄ | 1940 մետր | ||
| Պաշտոնական լեզու | Հայերեն | ||
| Բնակչություն | ▼680 մարդ (2011)[2] | ||
| Ազգային կազմ | Հայեր | ||
| Կրոնական կազմ | Հայ Առաքելական եկեղեցի | ||
| Ժամային գոտի | UTC+4 | ||
| |||
Հայրավանք, գյուղ Հայաստանի Գեղարքունիքի մարզի Գավառ համայնքում[1]։
Անուն
[խմբագրել | խմբագրել կոդը]Հայրավանք է վերանվանվել 1991 թվականի օգոստոսի 8-ին։
Ֆիզիկա-աշխարհագրական բնութագիր
[խմբագրել | խմբագրել կոդը]Գտնվում է Սևանա լճի արևմտյան ափին, մարզկենտրոն Գավառից 12 կմ հյուսիս-արևմուտք։ Բնակավայրը գտնվում է ծովի մակերևույթից 1940 մ բարձրության վրա։
Պատմություն
[խմբագրել | խմբագրել կոդը]Պատմամշակութային հուշարձաններ
[խմբագրել | խմբագրել կոդը]Հայրավանք գյուղը հարուստ է պատմամշակութային հուշարձաններով։ Համաձայն 2003 թվականի հունվարի 9-ին Հայաստանի Հանրապետության կառավարության որոշման՝ Հայաստանի հուշարձանների պետական ցուցակում ընդգրկվել է 3 միավոր հուշարձանախումբ, որոնք ներառում են 32 հուշարձան։ Դրանցից է գյուղի հյուսիս-արևելյան կողմում՝ Սևանա լճի ափին գտնվող և մ․թ․ա․ 2-րդից 1-ին հազարամյակներից մինչև 18-րդ դարով թվագրվող բնակատեղին, այդ թվում՝ 9-ից 13-րդ դարերով թվագրվող Հայրավանք վանական համալիրը, ինչպես նաև 16-րդ դարով թվագրվող մատուռը և վերջինի շուրջ տարածվող և 9-ից 17-րդ դարերով թվագրվող խաչքարերով հարուստ գերեզմանոցը[3]։
Հայրավանք վանական համալիր
[խմբագրել | խմբագրել կոդը]
Բնակչություն
[խմբագրել | խմբագրել կոդը]Համաձայն 2011 թվականին Հայաստանում տեղի ունեցած մարդահամարի արդյունքների՝ Հայրավանք գյուղի մշտական բնակչությունը կազմել է 680, առկա բնակչությունը՝ 612 մարդ[4]։
Ռուսական կայսրության ժամանակաշրջանում՝ մինչև 1918 թվականը, բնակեցված է եղել մուսուլմաններով (ներկայիս ադրբեջանցիներով)[5]։ 1930-ական թվականներից սկսած զուտ հայաբնակ գյուղ է։
Ստորև ներկայացված է Հայրավանք գյուղի բնակչության փոփոխությունն ըստ տարիների[6].
| Տարի | 1831 | 1873 | 1914 | 1931 | 1959 | 1970 | 1979 | 1989 | 2001 | 2011 |
|---|---|---|---|---|---|---|---|---|---|---|
| Բնակիչ | 65 | 326 | 896 | 456 | 597 | 647 | 875 | 919 | 737 | 680[4] |
Տնտեսություն
[խմբագրել | խմբագրել կոդը]Բնակչությունը զբաղվում է անասնապահությամբ, հացահատիկի և կարտոֆիլի մշակությամբ։
Ծանոթագրություններ
[խմբագրել | խմբագրել կոդը]- ↑ 1,0 1,1 Գեղարքունիքի մարզի համայնքների մասին տեղեկություններ մարզպետարանի կայքում, (արխիվացված 12․08․2023 թվականին)։
- ↑ Հայաստանի 2011 թ. մարդահամարի արդյունքները (հայ.)
- ↑ Հայաստանի Հանրապետության Գեղարքունիքի մարզի պատմության և մշակույթի անշարժ հուշարձանների պետական ցուցակը հաստատելու մասին Հայաստանի Հանրապետության կառավարության որոշում 9 հունվարի 2003 թվականի N 80-Ն, (արխիվացված 23․11․2021 թվականին)։
- ↑ 4,0 4,1 2011 թ Հայաստանի մարդահամարի արդյունքները
- ↑ Զավեն Կորկոտյան, «Խորհրդային Հայաստանի բնակչությունը վերջին հարյուրամյակում (1831-1931)»
- ↑ «Հայաստանի հանրապետության բնակավայրերի բառարան, էջ 118» (PDF). Արխիվացված է օրիգինալից (PDF) 2014 թ․ սեպտեմբերի 12-ին. Վերցված է 2015 Մայիսի 18-ին.
 | Վիքիպահեստն ունի նյութեր, որոնք վերաբերում են «Հայրավանք (գյուղ)» հոդվածին։ |
|
| |||||||||||||||||
