Հյուբերտ Սեսիլ Բուտ

Հյուբերտ Սեսիլ Բուտ
Դիմանկար
Ծնվել էհուլիսի 4, 1871(1871-07-04)
ԾննդավայրԳլոստեր, Մեծ Բրիտանիայի և Իռլանդիայի միացյալ թագավորություն
Մահացել էհունվարի 14, 1955(1955-01-14) (83 տարեկան)
Մահվան վայրԿրոյդոն, Մեծ Լոնդոն, Անգլիա, Միացյալ Թագավորություն
Քաղաքացիություն Միացյալ Թագավորություն
Մասնագիտությունգյուտարար, ճարտարագետ, գործարար և քաղինժեներ
 Hubert Cecil Booth Վիքիպահեստում

Հյուբերտ Սեսիլ Բուտ (անգլ.՝ Hubert Cecil Booth, հուլիսի 4, 1871(1871-07-04), Գլոստեր, Մեծ Բրիտանիայի և Իռլանդիայի միացյալ թագավորություն - հունվարի 14, 1955(1955-01-14), Կրոյդոն, Մեծ Լոնդոն, Անգլիա, Միացյալ Թագավորություն), անգլիացի ճարտարագետ։ Հայտնի է որպես փոշեկուլի գյուտարար[1][2][3][4][5]։ Մշակել է նաև անիվը[1][6], կախովի կամուրջներ, ֆաբրիկաներ[1]։ Հետագայում դարձել է British Vacuum Cleaner & Engineering Co ընկերության նախագահ և գործադիր տնօրեն[1]։

Վաղ տարիներ

[խմբագրել | խմբագրել կոդը]

Բուտը ծնվել է Փարիզում, սակայն երբ նա եղել է երկու ամսական, ընտանիքը տեղափոխվել է Գլոստեր։ Կրթություն է ստացել Գլոստերի քոլեջում և Գլոստերի կոմսության դպրոցում Գ. Լլոյդ Բերետոնի ղեկավարությամբ։ 1889 թվականին քննություն է հանձնել և ընդունվել Լոնդոնի Կենտրոնական տեխնիկական քոլեջ[7]։ Ավարտել է եռամյա դասընթացը քաղաքացիական շինարարության և մեքենաշինության ոլորտում պրոֆեսոր Վիլյամ Անվինի ղեկավարությամբ և դարձել Քաղաքացիական ինժեներների ինստիտուտի ուսանողը։

Կարիերա

[խմբագրել | խմբագրել կոդը]

1892 թվականի դեկտեմբերին սկսել է աշխատել որպես ինժեներ-մեխանիկ։ Այս պաշտոնում նախագծել է կամուրջներ և մեծ անիվներ` Լոնդոնի, Փարիզի, Վիեննայի, Բլեքփուլի Պտտվող անիվ կարուսելների համար։ Նա նաև աշխատել է Թագավորական ծովային ուժերի գծանավերի շարժիչների նախագծի շուրջ։

Փոշեկուլ

[խմբագրել | խմբագրել կոդը]

Բուտը ստեղծել է առաջին փոշեկուլներից մեկը։ Մինչ փոշեկուլի իր տարբերակի ներկայացնելը, որն աշխատում էր ներքին այրման շարժիչով, մաքրման համար նախատեսված մեքենաները միայն մաքրում էին կեղտը, ոչ թե կլանում այն։

Բուտը ստեղծել է սարք, որը աշխատում էր ներքին այրման շարժիչով[8]։ «Puffing Billy» անվանված փոշեկուլն ուներ բենզինային շարժիչ[9]։ Օդը կլանվում էր մխոցային պամպի օգնությամբ կտորից ֆիլտրի միջոցով։ Այն չի ունեցել որևէ խոզանակ. բոլոր մաքրումներն իրականացվել են երկար խողովակների միջոցով, որոնց ծայրին եղել է ծայրափողակ։ Չնայած այն բանին, որ մեքենան եղել է չափազանց մեծ, որպեսզի այն օգտագործեն տանը, նրա շահագործման սկզբունքները ներկայիս փոշեկուլների հետ նույնն են եղել։ Ավելի ուշ ստեղծվել է էլեկտրական շարժիչով տարբերակը, սակայն սարքավորման երկու տարբերակներն էլ եղել են չափազանց մեծ, և դրանք հնարավոր է եղել տեղափոխել միայն ձիերի քարշակների օգնությամբ։ Անգլերեն «vacuum cleaner» եզրն առաջին անգամ օգտագործվել է 1901 թվականին ընկերության կողմից Բուտի հայտնագործած սարքն անվանելու համար[10]։

Բուտը սկզբում չի փորձել վաճառել իր մեքենան, այլ միայն իրականացրել է մաքրման ծառայություններ։ Նր դեմ բողոք է ներկայացվել սարքավորման բարձր ձայնի համար, և Բուտը նույնիսկ տուգանվել է այն բանի համար, որ մեքենան վախեցրել է ձիերին։ Ստանալով հավաստագրման թագավորական կնիքը` շարժիչով փոշեկուլը կիրառվել է Վեստմինստերյան աբբայությունում գորգերի մաքրման համար 1901 թվականին, երբ թագադրվում էր Էդվարդ VII-ը։

Իր առաջին արտոնագրերը Բուտը ստացել է 1901 թվականի փետրվարի 18-ին և օգոստոսի 30-ին[5]։

Անձնական կյանք

[խմբագրել | խմբագրել կոդը]

Բուտն ամուսնացել է Priday, Metford and Company Limited ընկերության տնօրեն Ֆրենսիս Թրինգ Պիրսի դուստրերից մեկի հետ։ Եղել է Հյու Փեմբրուք Վոուլզի ընկերը։ Մահացել է 1955 թվականի հունվարի 14-ին Անգլիայի Կրոյդոն քաղաքում[1]։

Ծանոթագրություններ

[խմբագրել | խմբագրել կոդը]
  1. ↑ 1,0 1,1 1,2 1,3 1,4 Institution of Civil Engineers. «OBITUARY. HUBERT CECIL BOOTH. 1871—1955»(չաշխատող հղում)(PDF). ICE Proceedings, Volume 4, Issue 4, pages 631—632. Thomas Telford Publishing.
  2. ↑ Gantz, Carroll (Sep 21, 2012). The Vacuum Cleaner: A History. McFarland. p. 49
  3. ↑ «Sucking up to the vacuum cleaner». www.bbc.co.uk. 2001-08-30.
  4. ↑ Wohleber, Curt (Spring 2006). «The Vacuum Cleaner». Invention & Technology Magazine. American Heritage Publishing.
  5. ↑ 5,0 5,1 Cole, David; Browning, Eve; E. H. Schroeder, Fred (2003). Encyclopedia of modern everyday inventions. Greenwood Press. ISBN 978-0-313-31345-5.
  6. ↑ «Far-right fury over British bid for Vienna wheel». The Telegraph. Telegraph Media Group Limited. 4 Jun 2008.
  7. ↑ «Hubert Cecil Booth» Արխիվացված 2012-03-06 Wayback Machine. Gloucestershire County Council.
  8. ↑ Vacuum cleaner facts, information, pictures . Encyclopedia.com.
  9. ↑ «Sucking up to the vacuum cleaner». BBC News. 30 August 2001.
  10. ↑ Levy, Joel (2003). Really useful: the origins of everyday things. Firefly Books. p. 147. ISBN 155297622X.

Արտաքին հղումներ

[խմբագրել | խմբագրել կոդը]

Գրականություն

[խմբագրել | խմբագրել կոդը]
  • Carl W. Hall, A Biographical Dictionary of People in Engineering : From the Earliest Records Until 2000, Purdue University Press, 2008, 264 p. (ISBN 9781557534590)
Վիքիպահեստն ունի նյութեր, որոնք վերաբերում են «Հյուբերտ Սեսիլ Բուտ» հոդվածին։
 ⛭ 
  Թեմատիկ կայքեր
Բառարաններ և հանրագիտարաններ
Չափորոշչային վերահսկողություն
GND: 1011714590 · VIAF: 170761797 · WorldCat VIAF: 170761797