Հովանավորը (ֆիլմ, 1985)
 անգլ.՝ The Protector | |
|---|---|
| Երկիր |  ԱՄՆ |
| Ժանր | մարտաֆիլմ[1][2], թրիլեր, մարտարվեստի մասին ֆիլմ, ոստիկան ընկերների մասին ֆիլմ, կինոկատակերգություն, դրամա և դետեկտիվ ֆիլմ |
| Թեմա | Նյու Յորք քաղաքի ոստիկանության դեպարտամենտ |
| Թվական | հունիսի 15, 1985[3], հունիսի 22, 1985[3] և հունվարի 9, 1986[3] |
| Լեզու | անգլերեն |
| Ռեժիսոր | James Glickenhaus?[1][2] և Ջեքի Չան[4] |
| Պրոդյուսեր | Ռեյմոնդ Չոու և Լեոնարդ Հո |
| Սցենարի հեղինակ | James Glickenhaus? |
| Դերակատարներ | Ջեքի Չան[2], Դեննի Այելլո[2], Ռոյ Չիաո, Մուն Լի, Jesse Cameron-Glickenhaus?, Richard Clarke?[5], Ջոն Սպենսեր[4], Մայք Սթար[4], Փոլ Լոուրենս Սմիթ[4], Sally Yeh?[4], Թրեյ Ուիլսոն[4], Բեքի Էնն Բեյքեր[4], Ֆուն Հակ Կյոն[4] և Bill Wallace? |
| Օպերատոր | Մարկ Իրվին |
| Երաժշտություն | Ken Thorne? |
| Պատմվածքի վայր | Հոնկոնգ և Նյու Յորք |
| Կինոընկերություն | Warner Bros. |
| Տևողություն | 91 րոպե |
«Հովանավորը» (անգլ.՝ The Protector, հայտնի է նաև որպես «Պաշտպան»), ԱՄՆ-ի և Հոնկոնգի համատեղ արտադրած քրեական թրիլլեր Ջեքի Չանի մասնակցությամբ։ Ամերիկյան կինոշուկա ներթափանցելու նրա երկրորդ («Մեծ ծեծկռտուքից» հետո) և կրկին անհաջող փորձը։
Սյուժե
[խմբագրել | խմբագրել կոդը]Բիլլի Վոնգը (Ջեքի Չան) Նյու Յորքի ոստիկան է` ծագումով Հոնկոնգից: Նա կանգ չի առնի ոչ մի դժվարության ու վտանգի առաջ, իսկ հանցագործին բռնելու համար չի վախենա խախտել վերադասի հրամանները։ Գիշերային հերթապահությունից հետո նա և իր գործընկերը կանգնում են սրճարանում, որը մի քանի ավազակներ որոշել էին թալանել: Հետագա փոխհրաձգության ժամանակ Վոնգի գործընկերը մահանում է։ Վրեժխնդրության ծարավով տարված՝ նա, այնուամենայնիվ, բռնում է հանցագործներին, սակայն ոստիկանական բազմաթիվ կանոններ խախտելու համար միայն նկատողություն է ստանում վերադասի կողմից։
Ավելի ուշ ազդեցիկ միլիոնատիրոջ աղջկան առևանգում են էլիտար նորաձևության ցուցադրության ժամանակ։ Նույն երեկույթում Բիլլին աշխատում էր որպես անվտանգության աշխատակից իր նոր գործընկեր Գորոնիի(Դենի Այելո) հետ։ Նրանց հանձնարարված է գտնել աղջկան։ Հետքերը տանում են դեպի Հոնկոնգ, որտեղ նրանք իմանում են, որ այս ամենում ներգրավված են խոշոր թմրանյութերի առևտրականները։
Դերերում
[խմբագրել | խմբագրել կոդը]| Դերասան | Դեր |
|---|---|
| Ջեքի Չան | դետեկտիվ Բիլլի Վոն |
| Դենի Այելլո | Դեննի Գարոնի |
| Մունն Լի | Սու Լին |
| Ռոյ Չաո | Գարոլդ Կո |
| Պիտեր Յան | Լի Հինգ |
Նկարահանումներ
[խմբագրել | խմբագրել կոդը]Հատկապես այս ֆիլմի համար պրոդյուսերներ Դեյվիդ Չանը և Անդրե Մորգանը հրավիրեցին Ջեքի Չանին առաջարկելու իր կերպարը որպես ամուր, լուրջ և դաժան տղայի՝ Քլինթ Իսթվուդի ոճով։ Ջեկի Չանը չի համաձայնել՝ վստահեցնելով, որ իր երկրպագուները նախընտրում են անհոգ ու ամենևին էլ դաժան հերոսի։ Չնայած այս ամենին՝ ֆիլմը նկարահանվել է պրոդյուսերների առաջարկած ոճով։
Նյու Յորքում նկարահանվել են փողոցային տեսարանների միայն մի փոքր մասը և որոշ փակ տեսարաններ: Ֆիլմի մեծ մասը նկարահանվել է Հոնկոնգում, նույնիսկ ֆիլմի բացումը՝ բարի փոխհրձգության տեսարանը, նկարահանվել է Հոնկոնգում։
Նկարահանումների ընթացքում Ջեքի Չանը սկսեց ստեղծագործական տարաձայնություններ ունենալ ռեժիսոր Ջեյմս Գլիկենհաուսի հետ։ Ջեքի Չանը զարմացած էր այն փաստի վրա, որ Գլիկենհաուսն ընդամենը 4 օր է ծախսել՝ նկարահանելով կռվի տեսարանները, այն ինչ, Ջեքի Չանը իր իսկ ֆիլմերում մեկ լուրջ կռվի վրա առնվազն քսան օր էր ծախսել։ Նույնիսկ երբ դրվագը զզվելի է ստացվել (Ջեքիի կարծիքով), Գլիկենհաուսը պարզապես պնդել է. «Ամեն ինչ լավ է: Հաջորդ տեսարանը»։ Երբ Ջեքին առաջարկեց իր օգնությունը տեսարաններ բեմադրելիս, Գլիկենհաուսը հրաժարվեց՝ հաշվի չառնելով «փորձարարական չինացիներից»։ Ինչ-որ պահի Չանը նույնիսկ լքեց նախագիծը, սակայն վերադարձավ՝ իր գործակալի պնդմամբ։ Բացի այդ, նա չի կարողացել խզել պայմանագիրը և ստիպված է եղել մինչեւ վերջ մասնակցել ֆիլմին։
Ֆիլմի նկարահանումների ժամանակ Ջեքի Չանը կոտրել է մատների ոսկորները և ձախ ձեռքի նախաբազուկը։
Ջեքի Չանի հոնկոնգյան տարբերակը
[խմբագրել | խմբագրել կոդը]Ջեքի Չանը շատ դժգոհ էր եզրափակիչ ֆիլմից և վերադառնալով Հոնկոնգ՝ հրավիրեց Դենի Այելլոյին և Բիլ Ուոլասին, նորից նկարահանեց բազմաթիվ տեսարաններ, ինչպես նաև կտրեց դրանցից մի քանիսը՝ ի վերջո ստեղծելով ֆիլմի իր տարբերակը:
Տարբերությունները Հոնկոնգի տարբերակի և ամերիկյան տարբերակի միջև.
- Ֆիլմը, որի վրա նկարահանվել են նոր տեսարանները, ավելի թեթև էր, քան այն, որի վրա նկարահանվել էին ֆիլմի ամերիկյան տարբերակի տեսարանները, ուստի որոշվեց մոնտաժից հետո ամբողջ ֆիլմը թեթևացնել։
- Միքայելի հուղարկավորության տեսարանը հեռացվել է։
- Տեսարանները, որոնցում հերոսները հայհոյանքներ են օգտագործում, հեռացվել կամ վերահնչյունավորվել են։
- Սյուժեի մեջ ներկայացվել է մի հերոսուհի, որին մարմնավորում էր հայտնի ասիացի երգչուհի և դերասանուհի Սալի Իը: Դա հնարավոր դարձավ Ջեքի Չանի սցենարիստ Էդվարդ Թանգի շնորհիվ։
- Սաունայում մերկ մերսողի հետ տեսարանը կտրվեց։
- Պահեստի մուտքով տեսարանի փոխարեն դրված է կատակերգական կռվի տեսարան մարզասրահում։
- Գործարանում ավելացվել է ևս մեկ մարտական տեսարան։
- Եզրափակիչ մենամարտը պահեստում Բիլի Ուոլեսի դեմ ամբողջությամբ վերանկարահանվել է։
Չանի տարբերակը համեմատաբար հաջողակ էր Հոնկոնգում, սակայն անտեսվեց ամբողջ աշխարհում:
Շահույթ
[խմբագրել | խմբագրել կոդը]Չնայած մեծ գովազդին՝ «Հովանավորը» ձախողվել է ամերիկյան կինովարձույթում՝ հավաքելով ընդամենը 981,817 դոլար:
Ֆիլմի հոնկոնգյան տարբերակը կոմերցիոն առումով ավելի հաջողակ է ստացվել՝ HK-ում հավաքելով 13,917,612 դոլար, ինչը, սակայն, շատ ավելի քիչ է, քան Չանի բոլոր նախորդ աշխատանքները։
Փաստեր
[խմբագրել | խմբագրել կոդը]- «Հովանավորը» երկրորդ ֆիլմն է, որտեղ Ջեքի Չանը ատրճանակ է օգտագործում (նա նախկինում զենք է օգտագործել «Հաղթողները և մեղավորները» ֆիլմում, սակայն փորձել է ատրճանակով կրակել ավելի վաղ՝ 1982 թվականի «Վիշապի տիրակալը» ֆիլմում (տեսարանը, որտեղ Վիշապն ու Կովբոյը մուշկետ են վերցրել և պատահաբար կրակել առաստաղի վրա):
Տես նաև
[խմբագրել | խմբագրել կոդը]Արտաքին հումներ
[խմբագրել | խմբագրել կոդը]- «Հովանավորը (ֆիլմ, 1985)»(անգլ.) ֆիլմը Internet Movie Database կայքում
- «Review: 'The Protector'» (անգլերեն). Variety. 1984-12-31. Արխիվացված է օրիգինալից 2016-03-05-ին. Վերցված է 2015-05-06-ին.
{{cite web}}: Unknown parameter|deadurl=ignored (|url-status=suggested) (օգնություն) - «The Protector (1985)» (անգլերեն). Comeuppance Reviews. 2014-06-23. Արխիվացված է օրիգինալից 2015-05-03-ին. Վերցված է 2015-05-06-ին.
{{cite web}}: Unknown parameter|deadurl=ignored (|url-status=suggested) (օգնություն) - Chris Sawin. (2013-01-18). «'Crime Story' and 'The Protector' cater to the more adult side of Jackie Chan» (անգլերեն). Examiner.com. Արխիվացված է օրիգինալից 2015-10-03-ին. Վերցված է 2015-05-06-ին.
{{cite web}}: Unknown parameter|deadurl=ignored (|url-status=suggested) (օգնություն)