Մարի Դորո

Մարի Դորո
Ծնվել էմայիսի 25, 1882(1882-05-25)[1]
ԾննդավայրDuncannon, Փերի շրջան, Փենսիլվանիա, ԱՄՆ
Մահացել էհոկտեմբերի 9, 1956(1956-10-09)[1] (74 տարեկան)
Մահվան վայրՆյու Յորք, Նյու Յորք, ԱՄՆ
ԳերեզմանDuncannon Presbyterian Cemetery[2]
Քաղաքացիություն ԱՄՆ
Մասնագիտությունկինոդերասանուհի և թատրոնի դերասանուհի
Ամուսին(ներ)Elliott Dexter?
Պարգևներ և մրցանակներ

Մարի Դորո (անգլ.՝ Marie Doro, ի ծնե Մարի Կատերին Ստյուարտ (անգլ.՝ Marie Katherine Steward), մայիսի 25, 1882(1882-05-25)[1], Duncannon, Փերի շրջան, Փենսիլվանիա, ԱՄՆ - հոկտեմբերի 9, 1956(1956-10-09)[1], Նյու Յորք, Նյու Յորք, ԱՄՆ), համր կինոյի ամերիկյան դերասանուհի։

Կենսագրություն

[խմբագրել | խմբագրել կոդը]

Մարի Դորոն ծնվել է Փենսիլվանիայի Դանկանոն քաղաքում՝ Ռիչարդ Հենրի Ստյուարտի և Վիրջինիա Ուիվերի ընտանիքում։ Ամերիկյան պետական գործիչ Պատրիկ Հենրիի անմիջական հետնորդն է։ Երիտասարդ տարիքում Դորան երգում էր տարբեր երաժշտական երգչախմբերի բեմադրություններում։ Դերասանական կարիերան սկսել է 1903 թվականին Սան Ֆրանցիսկոյի թատերական բեմում, իսկ Նյու Յորք տեղափոխվելուց հետո հայտնվել է հայտնի թատերական պրոդյուսեր Չարլզ Ֆրոմանի հովանու ներքո։ Նրա օգնությամբ հաջող կարիերա է սկսել Բրոդվեյում ՝ միաժամանակ ելույթ ունենալով նաև Լոնդոնում[3]։

Դորոյի թատերական կարիերան ավարտվել է 1915 թվականին, որից հետո տեղափոխվել է կինոէկրաններ՝ հաջորդ ութ տարվա ընթացքում հայտնվելով տասնհինգ ֆիլմում։ Նրա մասնակցությամբ ֆիլմերից են «Դրիադա» (1916), «Նորա Ֆլինի սերը» (1916), «Օլիվեր Թվիստ» (1916) և «Բեատրիս» (1921) ֆիլմերը։ Հոլիվուդում իր կարիերայի ընթացքում Դորան ամուսնացել է դերասան Էլիոթ Դեքստերի հետ, որից բաժանվել է 1922 թվականին[4][4]։

Թատերական ամսագրի շապիկ. 1913թ.

1920-ականների սկզբին Դորոն հիասթափվում է Հոլիվուդից և վերադառնում Բրոդվեյ։ Այնտեղ նա ներկայանում է ընդամենը մեկ բեմադրության մեջ, և 1924-ին լքում է ԱՄՆ-ն՝ հաստատվելով Եվրոպայում։ Այնտեղ դերասանուհին մասնակցում է Իտալիայում և Մեծ Բրիտանիայում մի քանի ֆիլմերի նկարահանումներին։

ԱՄՆ վերադառնալուց հետո Մարի Դորոն վարում է պալատական ապրելակերպ, խուսափում է նույնիսկ ընկերների և ծանոթների հետ շփումներից։ Նրա օտարումը հասնում էր այն աստիճանի, որ նա իր բնակության հյուրանոցները փոխում էր շաբաթական չորս անգամ[5]։

Դորոն 1906 թվականին

Մարի Դորոն մահացել է 1956 թվականին՝ Նյու Յորքում 74 տարեկանում և թաղվել Փենսիլվանիայի Դանկանոն քաղաքում։ Նա 90.000$ է հատկացրել ԱՄՆ դերասանների հիմնադրամին։

1960 թվականին կինոարտադրության մեջ ունեցած ներդրումների համար Հոլիվուդյան փառքի ծառուղում արժանացել է աստղի։ Ներկայումս նրա մասնակցությամբ 15 կինոնկարներից պահպանվել են միայն չորսը[6]։

Ծանոթագրություններ

[խմբագրել | խմբագրել կոդը]
  1. ↑ 1,0 1,1 1,2 1,3 1,4 Internet Broadway Database — 2000.
  2. ↑ Find A Grave — 1996.
  3. ↑ Ամերիկյան էստրադայի մեծ աստղերը Profile #48 by Daniel C. Blum, c.1954
  4. ↑ 4,0 4,1 «Marie Doro now is Mrs. Elliott Dexter». The Bisbee Daily Review. 1915 թ․ դեկտեմբերի 24.
  5. ↑ «Find Your Way Coaching». Find Your Way Coaching. Արխիվացված է օրիգինալից 2014 թ․ փետրվարի 22-ին. Վերցված է 2014 թ․ փետրվարի 17-ին.
  6. ↑ Slide, Anthony, Nitrate Won’t Wait: A History of Film Preservation in the United States (McFarland, 2000), p. 5.


Արտաքին հղումներ

[խմբագրել | խմբագրել կոդը]
Վիքիպահեստն ունի նյութեր, որոնք վերաբերում են «Մարի Դորո» հոդվածին։
 ⛭ 
  Թեմատիկ կայքեր
Բառարաններ և հանրագիտարաններ
Չափորոշչային վերահսկողություն
LCCN: nr92030320 · NLG: 288767 · VIAF: 56476461 · WorldCat VIAF: 56476461

Դորո Մարի (անգլ.) Internet Movie Database կայքում