Մեհմեթ Քուրթուլուշ

Մեհմեթ Քուրթուլուշ
թուրքերեն՝ Mehmet Kurtuluş
Ծնվել էապրիլի 27, 1972(1972-04-27)[1][2] (52 տարեկան)
ԾննդավայրՈւշաք, Թուրքիա
Քաղաքացիություն Թուրքիա և  Գերմանիա
Մասնագիտությունդերասան, կինոդերասան և հեռուստատեսային դերասան
Ամուսին(ներ)Désirée Nosbusch?
mehmetkurtulus.com

Մեհմեթ Քուրթուլուշ (թուրքերեն՝ Mehmet Kurtuluş, ապրիլի 27, 1972(1972-04-27)[1][2], Ուշաք, Թուրքիա), ծագումով թուրք գերմանացի դերասան։ Առավել հայտնի է գերմանացի ռեժիսոր Ֆաթիհ Աքընի հետ աշխատանքով։

Կենսագրություն

[խմբագրել | խմբագրել կոդը]

Մեհմեթ Քուրթուլուշը ծնվել է Ուշաքում, Թուրքիա։ 18 ամսականում տեղափոխվել է Գերմանիա, որտեղ մեծացել է իր եղբոր՝ Թեքին Քուրթուլուշի հետ Ստորին Սաքսոնիա նահանգի Զալցգիթեր քաղաքում[3]։

Մի քանի հեռուստատեսային շոուների սերիաներում կատարել է երկրորդական դերեր և շարունակել աշխատել թատրոնում, մինչև իր դեբյուտը մեծ էկրանին, որտեղ մարմնավորել է երիտասարդ թուրք տղա Գաբրիելի դերը Ֆաթիհ Աքընի «Կարճ և անցավ» (Kurz und schmerzlos) ֆիլմում։ Այս բեկումից հետո նա հայտնվել է Ռոնալդ Սուսո Ռիխերդի «Թունելը» հաջողված հեռուստատեսային մինի֊սերիալում, որտեղ խաղացել է Հեինո Ֆրենչի և Նիքոլեթ Կրեբիթզի հետ։ Ռեժիսոր Դորիս Դոորիին ընտրել է նրան իր «Մերկ» սիրային կատակերգության համար։ Քուրթուլուշը վերադառնում է աշխատելու հեռուստատեսությում՝ «Սերը Սայգոնում» (Eine Liebe in Saigon) սիրային ֆիլմում՝ խաղալով լյուքսեմբուրգցի դերասանուհի Դեզիրե Նոզբուշի հետ (որն իր նշանածն էր[4])։

Քուրթուլուշը կատարել է գլխավոր խուզարկուի դեր գերմանական «Հանցագործության վայր» (Tatort) հեռուստասերիալի 6 սերիաներում[4][5]։ Դրանից հետո հայտարարել է, որ պետք է աշխատի միջազգային նախագծերում[6]։ 2014 թվականին Սեմյուել Լ. Ջեքսոնի և Ռեյ Սթիվենսոնի հետ նկարահանվել է բրիտանաֆիննական Մեծ խաղ ֆիլմում[7]։

Ֆիլմագրություն

[խմբագրել | խմբագրել կոդը]

Հեռուստատեսություն

[խմբագրել | խմբագրել կոդը]
  • 1993 – Ազնվականը և իր մարդասպանը
  • 1995 – SK երեխաները
  • 1995 – Հարավի աստղերը
  • 1996 – Կրկնակի ծառայություն
  • 2004 – Սերը Սայգոնում
  • 2007–2012 – Հանցագործության վայր[8]
  • 2016 – Հոյակապ Դար։ Քյոսեմ սուլթան

Կինո

[խմբագրել | խմբագրել կոդը]
  • 1996 – Թրքացած
  • 1998 – Կարճ և անցավ (Kurz und schmerzlos)
  • 2000 – Հուլիսին
  • 2001 – Սիրտ
  • 2001 - Թունելը
  • 2002 – Մերկ
  • 2004 – Անձայն
  • 2004 – Պատին ընդառաջ (Gegen die Wand)
  • 2010 - Վաշա
  • 2010 - Տրանսվեր
  • 2014 – Մեծ խաղ
  • 2014 – Մեղր գլխի մեջ

Մրցանակներ

[խմբագրել | խմբագրել կոդը]
  • Լոքարնոյի միջազգային կինոփառատոն 1998 թվական՝ «Լավագույն Դերասան» մրցանակ Short Sharp Shock ֆիլմում կատարած դերի համար։
  • Grimme-Preis մրցանակ 2001 թվական՝ Short Sharp Shock ֆիլմում կատարած դերի համար։
  • Grimme-Preis մրցանակ 2009 թվական՝ Tatort – Auf der Sonnenseite սերիալում կատարած դերի համար։

Ծանոթագրություններ

[խմբագրել | խմբագրել կոդը]
  1. ↑ 1,0 1,1 filmportal.de — 2005.
  2. ↑ 2,0 2,1 Munzinger Personen (գերմ.)
  3. ↑ Smee, Jess (2008 թ․ նոյեմբերի 3). «International: Turkish delight at German cult series' new hero». The Guardian. London. էջ 24.
  4. ↑ 4,0 4,1 «Neuer TV-Kommissar Kurtulus». Der Spiegel (German). 2008 թ․ հոկտեմբերի 20. Վերցված է 2012 թ․ դեկտեմբերի 8-ին.{{cite web}}: CS1 սպաս․ չճանաչված լեզու (link)
  5. ↑ Keil, Christopher (2010 թ․ մայիսի 17). «Ich bin nicht gecastet worden». Süddeutsche Zeitung (German). Վերցված է 2012 թ․ դեկտեմբերի 8-ին.{{cite web}}: CS1 սպաս․ չճանաչված լեզու (link)
  6. ↑ Hanfeld, Michael (2011 թ․ մարտի 4). «Mehmet Kurtulus spielt nur noch zweimal». Frankfurter Allgemeine Zeitung (German). Վերցված է 2012 թ․ դեկտեմբերի 8-ին.{{cite web}}: CS1 սպաս․ չճանաչված լեզու (link)
  7. ↑ «Rare Exports Director and Samuel L. Jackson Hunt Big Game». Dread Central. 2011 թ․ մարտի 4. Վերցված է 2012 թ․ դեկտեմբերի 8-ին.
  8. ↑ Roxborough, Scott (2011 թ․ նոյեմբերի 16). «Til Schweiger to Return to German TV for Hit Series 'Tatort'». hollywoodreporter.com.

Արտաքին հղումներ

[խմբագրել | խմբագրել կոդը]