Յարոսլավա Բլաժկովա
Յարոսլավա Բլաժկովա սլովակ.՝ Jaroslava Blažková | |
|---|---|
 | |
| Ծնվել է | նոյեմբերի 15, 1933[1][2][3][…] |
| Ծննդավայր | Վելկե-Մեզիրժիչկի[2][3][4][…] |
| Վախճանվել է | փետրվարի 20, 2017[5][1][2][…] (83 տարեկան) |
| Վախճանի վայր | Գուելֆ, Օնտարիո, Կանադա[6] |
| Մասնագիտություն | գրող, լրագրող, մանկագիր, խմբագիր, հրապարակախոս և արձակագիր |
| Քաղաքացիություն |  Չեխոսլովակիա և .svg){kind=small} Կանադա |
Յարոսլավա Բլաժկովա (սլովակ.՝ Jaroslava Blažková, նոյեմբերի 15, 1933[1][2][3][…], Վելկե-Մեզիրժիչկի[2][3][4][…] - փետրվարի 20, 2017[5][1][2][…], Գուելֆ, Օնտարիո, Կանադա[6]), սլովակ բանաստեղծուհի, հրապարակախոս և լրագրող։ Հիմնական ստեղծագործությունները գրված են երեխաների և պատանիների համար։
Կենսագրություն և կարիերա
[խմբագրել | խմբագրել կոդը]Յարոսլավա Բլաժկովան ծնվել է 1933 թվականի նոյեմբերի 15-ին չեխական Վելկե-Մեզիրժիչկի քաղաքում։ Մանկությունն անցկացրել և՛ Չեխիայում, և՛ Սլովակիայում։ 1948 թվականից ապրել է Բրատիսլավայում։ Նախնական կրթությունը ստացել է Բրատիսլավայի գիմնազիայում։ Այնուհետև Բլաժկովան Կոմենսկու անվան համալսարանում սովորել է փիլիսոփայության ֆակուլտետում։ Ուսումը կիսատ թողնելով՝ 1954 թվականին հեռանում է համալսարանից։ Դեռև գիմնազիայում սովորելու տարիներին Յարոսլավան սկսել է աշխատել Չեխոսլովակիայի ռադիոյում։ Ավելի ուշ աշխատանքի է անցել թերթի խմբագրությունում։ Այստեղից 1956 թվականին նրան վտարել են՝ քաղաքական հայացքների պատճառով։ Յարոսլավա Բլաժկովան զբաղվել է այգեգործությամբ։ Սկսած 1959 թվականից, նա գործունեություն է ծավալում գրականության ասպարեզում։ 1968 թվականից 2010 թվականներն ընկած ժամանակահատվածում ապրել և ստեղծագործել է Կանադայում, որտեղ արտագաղթել էր ընտանիքի հետ միասին։ 2010 թվականին վերադառնում է Սլովակիա և ապրում Վալասկա-Բելա ավանում։
Երեխաների համար գրված ստեղծագործությունների համար Միավորված ազգերի Կրթության, գիտության և մշակույթի կազմակերպության կողմից պարգևատրվել է Հանս Քրիստիան Անդերսենի անվան մրցանակով։
Յարոսլավա Բլաժկովան իր մահկանացուն կնքել է 2017 թվականի փետրվարի 20-ին Գուելֆում (Օնտարիո, Կանադա)։
Ստեղծագործական կյանք
[խմբագրել | խմբագրել կոդը]Ամենաշատ թվով ստեղծագործություններ Յարոսլավա Բլաժկովան գրել է Չեխոսլովակիայում ապրելու տարիներին։ 1989 թվականից հետո լույս են տեսել միայն ստեղծագործությունների վերահրատարակությունները։ Բանաստեղծուհու ստեղծագործություններն աչքի են ընկնում յուրահատուկ հումորով, սենտիմենտալությամբ։ Հիմնականում Յարոսլավա Բլաժկովան իր գրվածքներում վեր է հանել դեռահասների խնդիրները։
Գրականություն մեծերի համար
[խմբագրել | խմբագրել կոդը]- 1961 - Նեյլոնե լուսին
- 1964 - Գառնուկն ու գրանդին
- 1968 - Իմ հիանալի եղբայրը, վեպ
- 1997 - ...ինչպես շնորհավորական բացիկից (ընտիր արձակ)
- 2001 - Հարսանիք Գալիլիայի Կանայում, պատմվածքների ժողովածու
- 2005 - Հեփիենդ
- 2013 - Այս երեխան խելագար է
Գրականություն երեխաների և պատանիների համար
[խմբագրել | խմբագրել կոդը]- Տոնոն, ես ու մրջյունները
- Գաշաշար կապիտանի կղզին
- Հրավառություն պապիկի համար
- Ինչպես կատուներն իրենց համար հեռուստացույց գնեցին
- Հեքիաթներ կարմիր գուլպայից
- Մինկան և պիժաման
- Երեք քաջարիներն ու Միգելի ոգին
- Կատուները պարկի մեջ
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 1,4 Բրոքհաուզի հանրագիտարան (գերմ.)
- ↑ 2,0 2,1 2,2 2,3 2,4 2,5 2,6 2,7 Չեխիայի ազգային գրադարանի կատալոգ
- ↑ 3,0 3,1 3,2 3,3 3,4 Կերպարվեստի արխիվ — 2003.
- ↑ 4,0 4,1 4,2 Vědecká knihovna v Olomouci REGO (չեխերեն)
- ↑ 5,0 5,1 5,2 Vo veku 83 rokov zomrela spisovateľka Jaroslava Blažková
- ↑ 6,0 6,1 6,2 http://zurnal.pravda.sk/portret/clanok/421438-v-zivote-clovek-potrebuje-optimizmus-ak-ho-ma-prezit-za-jaroslavou-blazkovou/
Արտաքին հղումներ
[խմբագրել | խմբագրել կոդը]- Jaroslava Blažková – Literárne informačné centrum
- Jaroslava Blažková: Emigrácia je pre spisovateľa hádam to najstrašnejšie – rozhovor v denníku SME (2005)
- Jaroslava Blažková: V Kanade som žila náhradný život – rozhovor v denníku SME (2014)
| ||||||||||||||||
