Նոր Երզնկա

Նոր Երզնկա, գյուղ Հայաստանի Արագածոտնի մարզի Աշտարակ համայնքում^[2]։ Գտնվում է Մարզկենտրոնից 45 կմ հարավ-արևմուտք՝ Քասաղ գետի ձախ ափին, Երևան-Եղվարդ ավտոճանապարհի ձախ կողմում։

Նոր Երզնկա է վերանվանվել 1966 թ.-ի նոյեմբերի 25-ին։

Բնակչություն

Բնակիչները եկել են Ախալքալաքից, Ապարանից Մարտունիից, Թալինից։ Այս պահին բնակչության թիվը հասնում է 1900-ի։

Նոր Երզնկան ունի մշակույթի տուն, 12-ամյա միջնակարգ դպրոց։

Նոր Երզնկայի ազգաբնակչության փոփոխությունը.^[3]

Տարի	1970	1979	1989	2001	2011
Բնակիչ	524	1154	1620^[4]	1627	1628^[5]

Բնակչությունը զբաղվում է այգեգործությամբ և անասնապահությամբ։ Տղամարդկանց մեծ մասը զբաղվում է արտագնա աշխատանքով և շինարարությամբ։

Նոր Երզնկայից հյուսիս-արևմուտք գտնվում է մ.թ.ա. 2-րդ-1-ին հազարամյակի ամրոց-բնակատեղի։