Պանայոտիս Վասիլոպուլոս

Պանայոտիս Վասիլոպուլոս հուն․՝ Παναγιώτης "Πάνος" Βασιλόπουλος
Ծնվել է	փետրվարի 8, 1984(1984-02-08) (41 տարեկան)
Ծննդավայր	Աթենք, Հունաստան
Քաղաքացիություն	Հունաստան
Մասնագիտություն	բասկետբոլիստ
Panagiotis Vassilopoulos Վիքիպահեստում

Պանայոտիս Վասիլոպուլոս (հուն․՝ Παναγιώτης Βασιλόπουλος, փետրվարի 8, 1984, Աթենք, Հունաստան), հույն պրոֆեսիոնալ բասկետբոլիստ։ Հունաստանի հավաքականի կազմում 2005 թվականի Եվրոպայի չեմպիոն և 2006 թվականի աշխարհի փոխչեմպիոն։ «Օլիմպիակոս» ակումբի կազմում՝ Եվրոլիգա 2011/2012-ի չեմպիոն։

Սպորտային կարիերա

Պանայոտիս Վասիլոպուլոսը Սալոնիկի երիտասարդական ՊԱՕԿ ակումբի սան է։ Հունաստանը ներկայացրել է մի շարք միջազգային երիտասարդական մրցաշարերում։ Հունական թիմի կազմում 2002 թվականին դարձել է բրոնզե մեդալակիր Եվրոպայի երիտասարդական մրցաշարում (մինչև 18 տարեկանների), իսկ 2003 թվականին նույն տարիքային խմբի աշխարհի առաջնությունում բրոնզե մեդալակիր^[1]։ 2004 թվականին հանդես է եկել մինչև 20 տարեկանների Եվրոպայի երիտասարդական առաջնությունում, իսկ 2005 թվականին՝ աշխարհի երիտասարդական առաջնությունում, որտեղ հույները գրավեցին երկրորդ տեղը, իսկ ինքը՝ Վասիլոպուլոսը երկրորդն էր թիմում՝ հավաքած միավորներով (14.6)^[2]։

2001 թվականից Վասիլոպուլոսը խաղում էր ՊՕԱԿ ակումբի հիմնական կազմում՝ թիմի հետ Եվրոպայի 2004/2005 առաջնության գավաթին հասնելով մինչև քառորդ եզրափակիչ, որտեղ հույները զիջեցին ապագա հաղթողին՝ «Լետուվոս Ռիտաս»-ին։ 2005 թվականին նրան 250000 ԱՄՆ դոլարով գնեց Հունաստանի առաջատար ակումբներից մեկը՝ «Օլիմպիակոսը»^[3] և նույն թվականին էլ նա Հունաստանի մեծահասակների հավաքականի կազմում առաջին անգամ հանդես եկավ Եվրոպայի առաջնությունում։ Հույներն իրենց երկրի պատմության մեջ զբաղեցրին երկրորդ տեղը մրցաշարում, և Վասիլոպուլոսը, խաղահրապարակում անցկացնելով 3 րոպե, 21 տարեկանում դարձավ Եվրոպայի չեմպիոն։ Հաջորդ տարի նրա՝ հավաքականի կազմում ընդգրկվելն արդեն այդքան էլ խորհրդանշական դեր չուներ․ 5 խաղերում խաղահրապարակում անցկացնելով 29 րոպե՝ 1/8 եզրափակչում չինացիների հետ խաղում թիմին 8 միավոր բերեց և դարձավ աշխարհի փոխչեմպիոն։ Վասիլոպուլոսը շարունակեց հանդես գալ ազգային հավաքականի կազմում 2007 և 2008 թվականներին՝ խաղալով ևս մեկ Եվրոպայի առաջնությունում, այնուհետև Օլիմպիական խաղերում։

«Օլիմպիակոս»-ի կազմում Վասիլոպուլոսը հանդես եկավ մինչև 2013 թվականը՝ ակումբը ներկայացնելով Հունաստանի և Եվրոլիգայի առաջնությունում։ 2008 թվականի դեկտեմբերից վնասվածքներ ստացավ, որից առաջինը ձախ ձեռքի մատի կոտրվածքն էր^[4]։ 2009 թվականի սկզբին Վասիլոպուլոսը մեջքի վնասվածք ստացավ, որի պատճառով ստիպված էր բաց թողնել մրցաշրջանի կեսը՝ ներառյալ Եվրոլիգայի եզրափակիչը^[5]։ Վասիլոպուլոսը բաց թողեց հաջորդ մրցաշրջանը ևս, քանի որ ապաքինվում էր, այնուհետև վերադառնալով մրցաշրջան և Եվրոլիգայի 2010/2011 մրցաշարում անցկացնելով ընդամենը 8 րոպե՝ վնասեց արդեն ոտքը^[6]։

Նոր վնասվածքի պատճառով Վասիլոպուլոսը ստիպված էր բաց թողնել 1.5 մրցաշրջան և իր խոստովանությամբ մոտ էր կարիերայի ավարտի մասին հայտարարելուն։ Թիմն ամեն ձևով աջակցում էր նրան և Եվրոլիգա 2011/2012-ի մրցանակաբաշխության արարողության ժամանակ, որտեղ հաղթել էր «Օլիմպիակոսը», Վասիլոպուլոսը մրցանակներ ստացավ մնացած խաղացողների հետ^[3]։ Այնուամենայնիվ 2013 թվականին ակումբը բաժանվեց նրանից, և Վասիլոպուլոսը, մերժելով ՊԱՕԿ-ի և «Ժալգիրիս»-ի առաջարկները, միացավ իսպանական «Վալյադոլիդին»^[7]։

Իսպանիայում հանդես գալը ևս երկար չտևեց, և մեջքի ցավերը կրկին ստիպեցին Վասիլոպուլոսին երկար ընդմիջում անել։ Միայն 2014 թվականի գարնանը նա հունական «Էրմիս» ակումբի կազմում վերադարձավ խաղահրապարակ, իսկ 2014/2015 մրցաշրջանի կեսերին հանդես էր գալիս «Նեա Կիֆիսիա» հունական մրցաշրջանի բարձրագույն դիվիզիոնում^[3]։ Մրցաշրջանի ավարտից հետո, որտեղ Վասիլոպուլոսը կրկին մեջքի հետ կապված խնդիրներ ունեցավ, տեղափոխվեց «Կորոիվոս» հունական բարձրագույն լիգայի մեկ այլ ակումբ^[8]։

Խաղերի վիճակագրություն

Եվրոպայի գավաթի մրցաշարեր

Մրցաշրջան	Թիմ	Խաղեր	Ժամանակ	Միավորներ	2 միավորանոց	3 միավորանոց	Տուգանային	Անդրադարձներ	Փոխանցումներ	Սեփական տուգանքներ	Բլոքշոթներ	Գնդակ խլելը	Գնդակի կորուստ
Եվրոպայի գավաթ 2004/2005	ՊԱՕԿ	14	19.8	5.3	45.2	33.3	70.6	4.6	0.8	3.4	0.2	0.7	0.9
Եվրոլիգա 2005/2006	Օլիմպիակոս	21	20.2	7.2	46.0	51.9	73.1	4.8	1.0	3.0	0.6	0.6	1.5
Եվրոլիգա 2006/2007	Օլիմպիակոս	22	16.2	5.4	38.0	37.1	78.1	3.3	1.0	3.2	0.6	0.6	1.5
Եվրոլիգա 2007/2008	Օլիմպիակոս	18	19.7	6.8	47.0	34.0	52.0	2.7	0.7	3.3	0.4	0.8	1.2
Եվրոլիգա 2008/2009	Օլիմպիակոս	15	18.9	4.5	40.9	43.3	61.1	2.6	0.7	2.5	1.1	0.5	1.0
Եվրոլիգա 2009/2010	Օլիմպիակոս	17	12.9	2.9	61.1	35.0	75.0	1.8	0.8	2.2	0.3	0.4	1.0
Եվրոլիգա 2010/2011	Օլիմպիակոս	2	5.8	0	0	0	0	0.5	0	0.5	0.5	0	0
Մկնիկի կուրսորը տարեք սանդղակի վերնագրի հապավումների վրա, որպեսզի կարդաք դրանց բացատրությունները

Ծանոթագրություններ

1. Профиль на сайте Евролиги (անգլ.)
2. Сборная Греции на молодёжном чемпионате мира 2005 года: статистика(չաշխատող հղում) на сайте ФИБА (անգլ.)
3. George Kioussis. (2015 թ․ հունվարի 16). «Panagiotis Vassilopoulos beats serious injuries and returns to action after several years». TalkBasket.net. Վերցված է 2016 թ․ ապրիլի 4-ին.
4. «Евролига: форвард «Олимпиакоса» пропустит три недели». Чемпионат.com. 9 декабря 2008. Վերցված է 2016 թ․ ապրիլի 4-ին.
5. «Евролига. Василопулос и Пеликанос могут не сыграть в Финале четырех из-за травм». Sports.ru. 27 апреля 2009. Վերցված է 2016 թ․ ապրիլի 4-ին.
6. «Форвард «Олимпиакоса» Василопулос получил травму ноги». Чемпионат.com. 7 февраля 2011. Վերցված է 2016 թ․ ապրիլի 4-ին.
7. «Василопулос попробует себя в Вальядолиде». iSport.ua. 23 сентября 2013. Արխիվացված է օրիգինալից 2013 թ․ սեպտեմբերի 25-ին. Վերցված է 2016 թ․ ապրիլի 4-ին.
8. «Чемпионат Греции. Панайотис Василопулос перешел в «Короивос»». Sports.ru. 6 августа 2015. Վերցված է 2016 թ․ ապրիլի 4-ին.

Արտաքին հղումներ

• Էջը Եվրոլիգայի կայքում (անգլ.)
• Էջը ՖԻԲԱ Եվրոպայի կայքում(չաշխատող հղում) (անգլ.)