Պատրիկ Տատոպուլոս

Պատրիկ Տատոպուլոս Patrick Tatopoulos
Ծնվել է	1958
Ծննդավայր	Փարիզ,  Ֆրանսիա
Կրթություն	Փարիզի Գեղեցիկ արվեստների ազգային բարձրագույն դպրոց, École nationale supérieure des arts appliqués et des métiers d'art? և Զարդարվեստի բարձրագույն ազգային դպրոց
Քաղաքացիություն	Ֆրանսիա և  ԱՄՆ
Գործունեության տարիներ	1996–այժմ
Ազգություն	Ֆրանսիա
Մասնագիտացում	նկարիչ, ռեժիսոր, դերասան, սցենարիստ, պրոդյուսեր
Ոճ(եր)	Մարտական, Թրիլեր, Ֆանտաստիկ
IMDb	ID 0851281
Մրցանակներ Սատուրն կինոմրցանակ 1999

Պատրիկ Տատոպուլոս (անգլ.՝ Patrick Tatopoulos , սեպտեմբերի 25, 1957(1957-09-25), Փարիզ, Ֆրանսիա), ֆրանսիահույն նկարիչ, ռեժիսոր, դերասան, սցենարիստ, պրոդյուսեր։ Հանդիսատեսին հայտնի է «Ուրիշ աշխարհ. Լիկանների ապստամբությունը» ֆիլմով։ Նա այնպիսի ֆիլմերի դիզայներ է, որպիսիք են «Անկախության օրը», «Մարտի դաշտը Երկիր», «Պինդ ընկույզ 4.0» և «Հիշել ամենը» ֆիլմերը։

Վաղ տարիներ

Տատոպուլոսը ծնվել և մեծացել է Փարիզում։ Հայրը՝ Մակեդոնիայից ներգաղթյալ էր, մայրը՝ ֆրանսուհի^[1]։ Ծնողները հագուստի խանութ ունեին Փարիզում։ Պատրիկը մոտոցիկլետներ էր վարում, աշխատում 2-D գովազդի գործակալությունում և կատակերգական գրքերի շապիկներ նկարում։ Նախքան 1989 թվականին ԱՄՆ գալը 10 տարի ապրել է Հունաստանում։ Խոսում է ֆրանսերեն, հունարեն և անգլերեն։

2015 թվականի հոկտեմբերին Տատոպուլոսն ամուսնացավ Face Off հեռուստախաղի հաղորդավար ՄաքԿենզի Վեսթմորի հետ։ Զույգը ծանոթացավ շոուի առաջին եթերաշրջանի վրա աշխատելիս։ Հարսանեկան արարողությունը տեղի ունեցավ Մալիբուի Սեդլռոք Ռենչ Ուայներիի Chateau Le Dome-ում^[2]։ Տատոպուլոսը ներկայումս (2015) ապրում է Լոս Անջելեսում։

Կարիերա

Հունաստանում գովազդային գործակալություններում որպես դիզայներ աշխատելիս նա շարունակ հրապուրվում էր արարածներով և հատուկ էֆեկտներով^[3]։ Սովորել է Փարիզի École d'Art Décoratif-ում, École des Arts Appliqués-ում և École des Beaux-Arts-ում^[1]։ Փարիզից տեղափոխվեց Հռոմ, այնուհետև Հունաստան, որտեղ սկսեց վաճառել իր պատկերները։ Արդյունքում ժամանցային բիզնեսի նկատմամբ ունեցած կիրքը նրան բերեց ԱՄՆ և կարճ ժամանակ անց նա գովազդների, երաժշտական տեսահոլովակների և շարժաֆիլմերի դիզայներությամբ էր զբաղվում։ Հաճախ համագործակցել է ռեժիսորներ Ռոլանդ Էմերիխի, Ալեքս Պրոյասի և Լեն Ուայզմանի հետ։

Նիկո Տատոպուլոսի կերպարը Գոձիլայում անվանվել է նրա կրտսեր դստեր անունով։ Առաջին ռեժիսորական աշխատանքը 2009 թվականին էր՝ Ուրիշ աշխարհ։ Լիկանների ապստամբությունը ֆիլմում։ Աշխատել է Դարկստորմ Ստուդիոս գրաֆիկական վեպի «Ես Ֆրանկեշտեյնն եմ» էքշն ֆիլմի ադապտացիայի վրա^[4]․ ֆիլմի պրոդյուսերությամբ զբաղվում է Լեյքշոր Էնթերթեյնմենթը^[5]։

Համագործակցություններ

Տատոպուլոսը աշխատել է հետևյալ ռեժիսորների հետ մեկից ավելի ֆիլմերի վրա՝

• Փոլ Ուիլյամ Սքոթ Անդերսոն («Օտարը գիշատիչների դեմ», «Չարի կացարանը 3»)
• Ռոլանդ Էմերիխ («Աստղային դարպասներ», «Անկախության օրը», «Գոձիլա», «Մեր թվարկությունից 10 000 տարի առաջ», «2012»)
• Ալեքս Պրոյաս («Խավար քաղաքը», «Ես ռոբոտ եմ», «Նախանշաններ»)
• Դևիդ Թուի («Սև խոռոչ», «Ռիդիկի քրոնիկները», «Ռիդիկ»)
• Լեն Ուայզման («Ուրիշ աշխարհ», «Ուրիշ աշխարհ։ Էվոլյուցիա», «Պինդ ընկույզ 4.0», «Հիշել ամենը»)

Ծանոթագրություններ

1. «Visual Hollywood». Արխիվացված է օրիգինալից 2008 թ․ մարտի 12-ին. Վերցված է 2016 թ․ մայիսի 23-ին.
2. Byrne, Suzy (2015 թ․ հոկտեմբերի 12). «McKenzie Westmore and Patrick Tatopoulos Say 'I Do,' Get Photobombed by a Giraffe in Their Wedding Photos». Yahoo!. Վերցված է 2015 թ․ հոկտեմբերի 23-ին.
3. Visual Effects HQ biography
4. «I, Frankenstein Franchise Coming at You From Lakeshore». DreadCentral.
5. «Lakeshore Eyes New Franchise With 'I, Frankenstein'». BloodyDisgusting.

Արտաքին հղումներ

• Պատրիկ Տատոպուլոս Internet Movie Database կայքում
• Tatopoulos Studios Official Site