Պրիմո Ձամպարինի

Պրիմո Ձամպարինի
Ընդհանուր տեղեկություններ
Քաղաքացիություն	Իտալիա
Ծննդյան ամսաթիվ	փետրվարի 9, 1939(1939-02-09)
Ծննդավայր	Ֆաբրիանո, Անկոնա, Մարկե, Իտալիայի թագավորություն
Մահվան ամսաթիվ	օգոստոսի 21, 2024(2024-08-21)[1] (85 տարեկան)
Մահվան վայր	Ֆաբրիանո, Անկոնա, Մարկե, Իտալիա

Պրիմո Ձամպարինի (իտալ.՝ Primo Zamparini,փետրվարի 9, 1939(1939-02-09), Ֆաբրիանո, Անկոնա, Մարկե, Իտալիայի թագավորություն - օգոստոսի 21, 2024(2024-08-21)^[1], Ֆաբրիանո, Անկոնա, Մարկե, Իտալիա), իտալացի թեթևքաշային կարգի բռնցքամարտիկ։ 1960-ական թվականների սկզբին հանդես է եկել Իտալիայի հավաքականում, Հռոմի ամառային Օլիմպիական խաղերի արծաթե մեդալակիր, Եվրոպայի առաջնության բրոնզե մեդալակիր, բազմաթիվ միջազգային մրցաշարերի և հանդիպումների մասնակից։ 1961-1966 թվականներին մրցել է պրոֆեսիոնալ մակարդակով, սակայն լուրջ հաղթանակներ չի ունեցել։

Կենսագրություն

Պրիմո Զամպարինին ծնվել է 1939 թվականի փետրվարի 9-ին Մարկե շրջանի Ֆաբրիանո քաղաքում։ Ռինգում իր առաջին լուրջ հաջողությանը բռնցքամարտիկը հասել է 1960 թվականին, երբ դարձել է Իտալիայի սիրողական չեմպիոն թեթևքաշային կարգում։ Նա մի շարք հաջող ելույթներ է ունեցել, ինչի շնորհիվ նրան շնորհվել է Հռոմի ամառային Օլիմպիական խաղերի ուղեգիր։ Պրիմո Ձամպարինին կիսաեզրափակիչում հաղթել է ավստրալացի Օլիվեր Թեյլորին, բայց վճռական խաղում պարտվել է խորհրդային բռնցքամարտիկ Օլեգ Գրիգորիևին։

Օլիմպիական արծաթե մեդալ նվաճելուց հետո իտալացի բռնցքամարտիկը որոշ ժամանակ շարունակել է ռինգ դուրս գալ երկրի ազգային հավաքականի կազմում։ Նա մասնակցել է մի շարք միջազգային խոշոր մրցաշարերի։ 1961 թվականին նա երկրորդ անգամ դարձել Իտալիայի չեմպիոն և վերցրել Բելգրադում կայանալիք Եվրոպայի առաջնության ուղեգիր։ Եվրոպայի առաջնությունում նա նվաճել է բրոնզե մեդալ (կիսաեզրափակիչ խաղում նա պարտվել է ԽՍՀՄ ներկայացուցիչ Սերգեյ Սիվկոյին)։ Այդ մրցումներից անմիջապես հետո Զամպարինին որոշել է իրեն փորձել պրոֆեսիոնալների շարքում և հեռացել է ազգային հավաքականից։

Նրա պրոֆեսիոնալ նորամուտը տեղի է ունեցել 1961 թվականի սեպտեմբերին։ Իր առաջին մրցակցին բռնցքամարտիկը տեխնիկական նոկաուտով հաղթել է չորրորդ ռաունդում։ Հաջորդ երկու տարիների ընթացքում նա բազմաթիվ հաջող մենամարտեր է անցկացրել, սակայն 1963 թվականի հունվարին կրել է իր առաջին պարտությունը։ Չնայած պարտությանը, նա շուտով հնարավորություն է ստացել պայքարել իտալական ծանր քաշային կարգի տիտղոսի համար, սակայն չի կարողացել նվաճել չեմպիոնական գոտին. տասներկու տուրից հետո մրցավարները հայտարարել են ոչ-ոքի։ Մինչև 1966 թվականը Ձամպարինին ակտիվորեն զբաղվել է բռնցքամարտով, բայց վերջին շրջանում նա հիմնականում պարտություններ է կրել։ Ընդհանուր առմամբ պրոֆեսիոնալ բռնցքամարտում նա անցկացրել է 28 մենամարտ, որից 16-ն ավարտվել է հաղթանակով (այդ թվում՝ 7-ը ժամկետից շուտ), վեց անգամ պարտվել է, իսկ վեց անգամ գրանցվել ոչ-ոքի։

Պրիմո Զամպարինին մահացել է Ֆաբրիանոյում՝ 2024 թվականի օգոստոսի 21-ին ընկնելու հետևանքնքով։ Նա 85 տարեկան էր^[2][3]։

Ծանոթագրություններ

1. Fabriano in lutto per la morte dell'ex pugile Zamparini
2. «Addio a Primo Zamparini, la "macchina da pugni" argento olimpico della boxe». La Stampa (իտալերեն). 2024-08-22. Վերցված է 2024-08-23-ին.
3. «Fabriano in lutto per la morte dell'ex pugile Zamparini». www.viverefabriano.it (իտալերեն). Վերցված է 2024-08-23-ին.

Արտաքին հղումներ

• Примо Дзампарини – օլիմպիական վիճակագրությունը Sports-Reference.com կայքում (անգլ.)
• Примо Дзампарини(անգլ.) — պրոֆեսիոնալ մենամարտերի վիճակագրություն BoxRec կայքում։

Վիքիպահեստն ունի նյութեր, որոնք վերաբերում են «Պրիմո Ձամպարինի» հոդվածին։