| Տիղմ ռուս.՝ Тина | |
|---|---|
| Տեսակ | գրական ստեղծագործություն |
| Ձև | պատմվածք |
| Հեղինակ | Անտոն Չեխով |
| Բնագիր լեզու | ռուսերեն |
| Հրատարակվել է | հոկտեմբերի 29 (նոյեմբերի 10), 1886 |
«Տիղմ» (ռուս.՝ Тина), Անտոն Չեխովի պատմվածքը` գրված 1886 թվականին։ Առաջին անգամ հրապարակվել է «Նոր ժամանակ» թերթում (№ 3832), 1886 թվականի հոկտեմբերի 29-ին։
Ա. Պ. Չեխովի «Տիղմ» պատմվածքը բաղկացած է երկու մասից, գրված է 1886 թվականին, առաջին անգամ հրապարակվել է «Նոր ժամանակ» թերթում № 3832, 1886 թվականի հոկտեմբերի 29-ին Ան. Չեխով ստորագրությամբ։
1888 թվականին պատմվածքը հեղինակային շտկումներով տպագրվել է «Պատմվածքներ» ժողովածուում։ Ավելի նշանակալի փոփոխություններ են կատարվել Ա. Պ. Չեխովի պատմվածքների ժողովածուի Ա. Ֆ. Մարքսի կողմից հրատարակման նախապատրաստման ժամանակ։ Չեխովի կենդանության օրոք պատմվածքը թարգմանվել է գերմաներեն, սլովակերեն և ֆրանսերեն։
Պատմվածքում նկաագրվում է պորուչիկ Սոկոլովսկու այցը օղու գործարանի «ժառանգորդ Մ. Ե. Ռոտշտեյնի» տուն, Սուսաննա Մոիսեևնա Ռոտշտեյնին, օղու գործարանի հրեա սեփականատիրոջը, կապված նրա ունեցած երկու հազար երեք հարյուր ռուբլի պարտքի հետ։ Սուսաննան գայթակղում է պորուչիկին և ետ է վերցնում պարտքային ստացականները։ Պատմվածքի մյուս գործող անձը համարվում է պորուչիկի եղբայրը, Ալեքսեյ Իվանովիչ Կրյուկովը, որը հայտնում է Սոկոլովսկուն պարտամուրհակների պատմության մասին։
Կարծիք է հայտնվում, որ հրեա գայթակղիչ Սուսաննա Ռոտշտեյնի նկարագրությունը գրողի կողմից կատարվել է նրա նախկին հարսնացուի Դունյա Էֆրոսի հետ ունեցած բուռն հարաբերությունների ներքո[1]։ Հրեուհի Դունյա Էֆրոսից նա բաժանվել էր, բայց մնացել էր լավ հարաբերությունների մեջ։ Նրա հետ ամուսնացել էր իր ընկերը հրեա իրավաբան և հրատարակիչ Եֆիմ Կոնովիցերը[2][3]։ Հեղափոխությունից հետո Դունյա Էֆրոսը փոխադրվում է Ֆրանսիա։ 1943 թվականին՝ 82 տարեկան հասակում, նրան արտաքսում են փարիզյան ծերանոցից։
Օղեթորման գործարանի սեփականատեր, ազատասեր և գայթակղիչ Սուսաննայի կերպարը քննադատների և թարգմանիչների կողմից քննարկվում էր մամուլում[4]։