Ֆլորա Լիոն

Ֆլորա Լիոն
Ծնվել է	դեկտեմբերի 3, 1878(1878-12-03)[1]
Ծննդավայր	Լոնդոն, Մեծ Բրիտանիայի և Իռլանդիայի միացյալ թագավորություն
Վախճանվել է	մայիսի 15, 1958(1958-05-15)[1] (79 տարեկան)
Մահվան վայր	Լոնդոն, Միացյալ Թագավորություն
Քաղաքացիություն	Միացյալ Թագավորություն
Կրթություն	Ժյուլիանի ակադեմիա և St John's Wood Art School?
Մասնագիտություն	նկարչուհի և արվեստագետ
Flora Lion Վիքիպահեստում

Ֆլորա Մարգարիտ Լիոն (անգլ.՝ Flora Marguerite Lion, դեկտեմբերի 3, 1878(1878-12-03)^[1], Լոնդոն, Մեծ Բրիտանիայի և Իռլանդիայի միացյալ թագավորություն - մայիսի 15, 1958(1958-05-15)^[1], Լոնդոն, Միացյալ Թագավորություն), անգլիացի նկարիչ։ Լիոնը երկար ու հաջողակ կարիերա է ունեցել և հայտնի է եղել հասարակական գործիչների դիմանկարներ, բնանկարներ և որմնանկարներ ստեղծելով^[2]։

Վաղ կյանք

Ֆլորա Լիոնը ծնվել է Լիոնդոնում՝ հրեական անգլո-ֆրանկո ընտանիքում։ Նրա ընտանիքը կապ է ունեցել Սոլոմոնների հարուստ և հրեական մշակույթով ընտանիքի հետ, այդ ընտանիքից են սերել նկարիչներ Սողոմոն Ջոզեֆ Սոլոմոնը և Լիլի Դելիսա Ջոզեֆը^[3][4]: Նա 1894 թվականին սովորել է Սենթ Ջոնս Վուդի արվեստի դպրոցում, հետագա կրթությունը ստացել է 1895-1899 թվականներին Թագավորական ակադեմիայի դպրոցում, որտեղ նրա դաստիարակների թվում է եղել Ջոն Սինգեր Սարջենթը^[4][5]։ Այնուհետև Լիոնը 1899-1900 թվականներին ուսումը շարունակել է Փարիզի Ժյուլիանի ակադեմիայում: 1900 թվականից սկսած նա մասնակցել է Թագավորական ակադեմիայի^[6] ցուցահանդեսներին։ 1915 թվականին նա ամուսնացել է լրագրող և նկարիչ Ռալֆ Ամատոյի հետ, որը ընդունել է նրա ազգանունը։ Լիոնն ավելի հաջողակ նկարչուհի էր, քան Ամատոն և իր ժամանակների մի աղբյուրում նրան անվանել էին «Ֆլորա Լիոնի ամուսին»։ Սա հազվադեպ երևույթ էր այդ ժամանակներում, երբ սովորաբար կանայք ճանաչում էին ստանում իրենց ամուսինների մասնագիտությամբ: Ամատոն նաև աշխատել է որպես նրա քարտուղար և մամուլի պատասխանատու^[7]։

Առաջին համաշխարհային պատերազմ

Կանանց ճաշարանը՝ Ֆենիքս գործարանում, Բրեդֆորդ, 1918 (Art.IWM ART4434)

Առաջին համաշխարհային պատերազմի ընթացքում Տեղեկատվության նախարարությունը Լիոնին հանձնարարել էր թիկունքում նկարել գործարանային տեսարաններ․ Լիոնին թույլատրվել էր նկարել Լիդսի և Բրեդֆորդի գործարաններում: Լիդսում նա նկարել է մի գործարանում, որտեղ ավանդական, աշխատատար մեթոդներով փայտե թռչող նավակներ էին կառուցում^[8][9]։

Բրեդֆորդում Լիոնը նկարել է զինամթերքի գործարանում աշխատող կանանց, սակայն անսովոր կերպով պատկերել է նրանց ճաշի ընդմիջման ժամանակ՝ գործարանի ճաշարանում, որը պատերազմի տարիներին արտասովոր էր Բրիտանիայի համար^[10]։ Թեև նկարում պատկերված կանանցից մի քանիսը ակնհայտորեն հոգնած են, ընդհանուր տպավորությունն այն է, որ նրանք մեծ վստահություն ունեն իրենց աշխատանքի նկատմամբ^[11]։ Սա հակադրվում է այն բանի հետ, թե ինչպես է Լիոնը պատկերում տղամարդ աշխատողներին^[8]։

Երկու նկարներն էլ ավարտվել են 1918 թվականին, երբ Տեղեկատվության նախարարությունը դադարել է գոյություն ունենալ, և Կայսերական ռազմական թանգարանը ստանձնել է նախարարության արվեստագետների ծրագիրը: Սակայն թանգարանը գրեթե ֆինանսական միջոցներ չի ունեցել նոր արվեստի գործեր ձեռք բերելու համար և մերժել է Լիոնի առաջարկը՝ գնել նկարները ընդամենը 150 գինեայի դիմաց։ 1927 թվականին հովանավորը, որը Լիոնից գնել էր նկարներից մեկը, ֆինանսապես աջակցել է և երկու աշխատանքներն էլ ներկայացվել են թանգարանին^[10]։

Լիոնը նաև երեք կին նկարիչներից մեկն էր՝ Աննա Էյրիի և Դորոթի Կոքի հետ միասին, որոնց անունները Բրիտանական պատերազմական հուշարձանների կոմիտեն (BWMC) քննարկել է։ Սակայն կոմիտեն նրանցից և ոչ մեկից նկար չի գնել^[12]։

Հետագա կյանք

Ֆլորա Լիոնի ուշ շրջանի հանձնարարությունների թվում մի շարք խոշոր աշխատանքներ են եղել, ներառյալ երիտասարդ Էլիզաբեթ Բոուզ-Լիոնի՝ Յորքի դքսուհու խմբային դիմանկարը՝ իր երկու զարմիկների հետ։ Նա նաև պատկերել է Իսպանիայի դեսպանի կնոջը, որի համար 1921 թվականին արժանացել է Ֆրանսիական արվեստագետների ընկերության (Société des Artistes Français)^[13] արծաթե մեդալին: Նրա մյուս հայտնի աշխատանքներից է 1937 և 1940 թվականներին արած դիրիժոր Սըր Հենրի Ջոզեֆ Վուդի դիմանկարը, երկրորդ անգամ, Էլիզաբեթ Բոուզ-Լիոնի դիմանկարը, որը այդ ժամանակ արդեն Մեծ Բրիտանիայի թագավոր Ջորջ VI-ի կինն էր։ Լիոնը ակտիվորեն ներգրավված է եղել կանանց ընտրական իրավունքի շարժման մեջ և 1936 թվականին ստեղծել է կանանց սոցիալական և քաղաքական միության առաջնորդներից մեկի՝ Ֆլորա Դրումընդի դիմանկարը^[4][13]։ Իր կարիերայի ընթացքում Լիոնը ունեցել է առնվազն չորս անհատական ցուցահանդես՝ 1923 թվականին Alpine Club-ում, 1929 թվականին Barbizon House-ում, 1937 թվականին Fine art society-ում և 1940 թվականին^[14] Knoedler's Gallery-ում։ Լիոնի տասը դիմանկարներ ընդգրկված են Լոնդոնի Ազգային դիմանկարների պատկերասրահի հավաքածուում^[6]։ Լիոնը 1949 թվականին ստացել է ոսկե մեդալ ֆրանսիական արվեստագետների ընկերության կողմից^[2]։

Լրացուցիչ ընթերցանություն

• Վուդ, Քրիստոֆեր։ (Բրիտանական արվեստի բառարան, Հատոր IV) Վիկտորիանական նկարիչներ մաս 1։

Ծանոթագրություններ

1. Benezit Dictionary of Artists — OUP, 2006. — ISBN 978-0-19-977378-7
2. «Artist biography, Flora Lion». Tate Gallery. Վերցված է 2010-01-28-ին.
3. «Artists in Britain: 1700-1940 | Jewish Women's Archive». jwa.org. Վերցված է 2020-07-23-ին.
4. Lydia Figes (22 September 2020). «Ten women artists of Jewish heritage represented in UK collections». Art UK. Վերցված է 27 September 2020-ին.
5. «Flora Lion | Artists | Collection | British Council − Visual Arts». visualarts.britishcouncil.org. Վերցված է 2020-07-23-ին.
6. «Flora Lion - National Portrait Gallery». www.npg.org.uk (անգլերեն). Վերցված է 2020-07-27-ին.
7. «Flora Lion: rediscovering a talented portraitist | Art UK». artuk.org (անգլերեն). Վերցված է 2021-03-29-ին.
8. Imperial War Museum (4 April 2005). «Building Flying Boats by Flora Lion». BBC History. Վերցված է 6 October 2015-ին.
9. «Building Flying-Boats». Imperial War Museums. Վերցված է 27 July 2020-ին.
10. Kathleen Palmer (2011). Women War Artists. Tate Publishing/Imperial War Museum. ISBN 978-1-85437-989-4.
11. Imperial War Museum. «Women's Canteen at Phoenix Work's, Bradford». Imperial War Museums. Վերցված է 7 October 2015-ին.
12. Merion Harries & Susie Harries (1983). The War Artists, British Official War Art of the Twentieth Century. Michael Joseph, The Imperial War Museum & the Tate Gallery. ISBN 0-7181-2314-X.
13. Elizabeth Crawford (2001). The women's suffrage movement: a reference guide, 1866-1928. Routledge. էջ 177. ISBN 978-0-415-23926-4.
14. Alicia Foster (2004). Tate Women Artists. Tate Publishing. ISBN 1-85437-311-0.

Արտաքին հղումներ

Մեդիա ֆայլեր

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Ֆլորա Լիոն կատեգորիայում։

Վիքիպահեստն ունի նյութեր, որոնք վերաբերում են «Ֆլորա Լիոն» հոդվածին։